1 Tesalonaika 1

1 Mon ei, na Pol, Sailas, Timoti kÊn, moⱡpÊn ropÊn enim. Got Tipam ei kÊn, Nuim Jisas Kraist raⱡ nga wamp mbÊ met Tesalonaika Got nga rapa tenda ila mormin wamp kÊⱡ kÊn rop ngonmÊn. Got nga wamp poⱡ ti uⱡ ei kÊn, wote moⱡpa kundi uⱡ ei, enim kÊn kan piyangga! 2 TÊn rÊk rÊk enim wamp mbÊ nga, Got kÊn angge nimbun, tÊn nga atinga rormÊn mbila, enim nga pendÊp mint rondurmÊn. 3 Omba, enim nga mondpa pili ei, ronduⱡ puⱡnga, numan uⱡ kun kai mbÊ etÊk, Kraist numan ngormÊn uⱡ ei ndi, kongun ronduⱡ etÊk, Jisas Kraist yant omba, ei nga ronduⱡ mundÊk, nokundÊk mormin uⱡ ei, tÊn Got Tipam ei kÊn, kundÊp nimin ei nga, enimp kuⱡi nakÊrmÊn. 4 AngmÊn, tÊn pÊnmin ei, Got ndi, enim numan ngumba, elim nga wamp mendpÊⱡ kÊⱡ nimba mbi ropa titim. 5 TÊn ndi, enim RÊnang Ik Kai ei, nimbun ngurmÊn ni, ik nÊmÊ ti mon! Ik ei nga ronduⱡ ei kÊn, Muⱡnga Wingti kÊn, rak ndupÊn ik nilmina, enim nga mundmong ila mondpa pili uⱡ ei, ronduⱡ purum. TÊn unt enim kÊn pep murmÊn ei kÊn, tÊn nga puⱡ orunga, enim pilik mormin ei, enim nga nÊndpÊn itmin ni ka! 6 Enim tÊn nga uⱡ itmin mbÊ kÊn, wote Nuim ei nga uⱡ etÊm mbÊ pep rormin. Uⱡ ei ndi ku, enim mindil mam mbÊ nok, Muⱡnga Wingti nga numan kai pili uⱡ ei ndi, kongun ronduⱡ mundÊk etÊk ik ei pilik numan ngorung. 7 I etÊng uⱡ kai mbÊ, ya Masaroniya kÊn, Gris kona raⱡ ila, mondpa pili wamp mormin mbÊ, waka nduk etÊng. 8 Wote, Got nga ik ei, enim kÊn tepa, Masaroniya kÊn Gris kona raⱡ ila mendpÊⱡ pi nÊpÊrÊm, mon! Enim Got kÊn mondÊk pÊtmin uⱡ ei, kona mbila pora, kui ndip mel nomba puⱡnga, wamp ndi, pilik kapⱡa endÊtÊng. Ei kÊn, akup tÊn ndi, aldpa Tesalonaika mondpa pili wamp kÊⱡ kÊn, aldpa ik ti nimin mel mon. 9 Wamp mbÊ ndi ku, enim Tesalonaika wamp kÊⱡ nga ik mat nÊtÊng ei, tÊn enim kÊn ormÊn ei kÊn, tÊn rawe etÊk uⱡ kai mat etÊng. Wote, enim nga kur atinga rormin uⱡ mbÊ, wak rok, Got wu kupa ei nÊk pilik, kongun kindmant endÊtÊng. 10 Wote, elim nga KangÊm wi muⱡ kona ila moⱡpa, yant omba ei nga nokundurmin ei, elim nga kangÊm Jisas, ya wamp kuⱡi uⱡ ila, ⱡoporpa tÊpa kont mundrum. Uⱡ ei ndi, tÊn etpa tÊtÊm. Wote, Got nga popÊⱡ akil tepa ekit omba ila, tÊn etpa tÊmba.