1 Timoti 3

1 Ik kupa ei, petÊm mel nÊnt, wu ti, elim Got nga rapa tenda ila wamp mbÊ nga rÊp wu ti, muⱡimp nimba pilim ndam, kongun kai ei etmba. 2 Got nga rapa tenda wamp mbÊ, rÊp itimp nimba pilim ndam, wamp nga kuimp keta ila, elim wu kai, ⱡawa ti mon, amp tenda ti tangga, popÊⱡ mundi namÊndpa, elim nga orunga rÊp etpa kai mondpa omba, kona elpa wamp mbÊ, elim nga manga ila rawe etpa tÊpa, ik mbo endpa, nu ronduⱡ mbÊ nui nandÊpa, koma pou raⱡ tepa, kara pi napÊpa, ku moni numan ou ndupa, ngui ngÊngangga mon! 4 Wu ei, elim nga mang kona amp kangambuⱡa wamp mbÊ, rÊp etpa kai mondpa, wote elim nga kangambuⱡa mbÊ man ngangga, elim tÊk ou nduk ik kum teing. 5 Wu ti, elim nga amp kangambuⱡa wamp mbÊ, rÊp etpa kai mundi namÊndÊm ndam, wote, Got nga rapa tenda ila wamp mbÊ, etpa rÊp etmba mel nant? 6 Wu ei, kokila, numan ropÊl rom ti mon. Nambuⱡ emel, Seitan ei, itim ei mel, elim nga kÊng orunga mepa oⱡa pum ndam, mba uⱡ kit ila mana mba. 7 Wu ei, mbo wamp ekit orunga mbÊ ndi, tÊk ou nduk etmin wu ti. Ei nambuⱡ emel, elim wamp mbÊ nga pipil kuⱡi naⱡÊmba, wote elim, Seitan nga mil ila rui narÊmba. 8 Got nga rapa tenda tÊpa rÊpÊndi wu kÊⱡ molk, uⱡ kun kai mbÊ etÊk, ik kun mbÊ nÊk, nu nok, kupÊr rui narÊk, omba wamp ti nga kng mel mbÊ kandÊk, kum pindi napÊndÊk, wu kÊⱡ kapⱡa, Got kÊn mondpa pili uⱡ kupa ei, ambuⱡ gi nduk, numan orunga eng nangga muⱡeing. 10 Kuimp tek wu kÊⱡ, kongun ila tÊk mondÊk kÊnangina, kongun etÊk kun mundung ndam, wote wak rangina, kongun iteing. 11 Wu kÊⱡ nga ambÊmÊl kÊⱡ, uⱡ ei mel ku etÊk molk, kai mondÊk, ik mbuldung orunga ni nandÊk, uⱡ kai mbÊ etÊk, wote ik kupa mbÊ nÊk iteing. 12 Got nga rapa tenda ila tÊpa rÊpÊndi wu ei, amp tenda ti tÊpa, wote elim nga mang kona amp kangambuⱡa mbÊ, rÊp etpa kai mondpa itangga. 13 Kongun etÊk kai mondurmÊn wu mbÊ, wamp ndi, tÊk ou ndangina, wote Jisas Kraist nga RÊnang Ik Kai ei, en enim mondÊk pÊtmÊn ei, ronduⱡ mundÊk ning. 14 Na mon ei, rop ngunt ei kÊn, nim nondpa omp kÊnimp ei nga, wote ya ik kÊⱡ, unt man ngamp. 15 Wote, na nondpa ui nÊwÊnt ndam, ya mon ei ndi, tÊn Got kÊn ronduⱡ mundpÊn muⱡmin ei mel, tÊpa ora ndumba. Got rÊk rÊk kont morum ei nga rapa tenda ila mormin wamp mbÊ, manga paka rumÊnt na ei mel, ik kupa ei koma rok mormin. 16 Wamp ti ndi, tÊn Got kÊn mbi paka ronmÊn uⱡ ei, oⱡa oⱡa tetÊm ni nanÊmba. Ik mo ropa pinditim, akup pÊnmÊn ei, ik mam ti. Wu ei, wamp kÊng tÊpa, Muⱡnga Wingti ei ndi, elim nga puⱡ ei, tÊpa mot ndurum. Ei kupa, wote anggelo mbÊ ndi kandrung. Wu ei nga ik puⱡ mbÊ, ya mÊi kona ila nÊk ngurmÊn. MÊi kona wamp mbÊ ndi, ik ei mondÊk pÊtÊng. Wote wu ei, muⱡ kona ila oⱡa titim.