1 Timoti 6

1 Kindmant wamp mbÊ ndi pora, en enim nga wu ou mbÊ, tÊk ou nduk, wu kai nangina, wote wamp ekit orunga mbÊ ndi, Got kÊn kep, wote tÊn nga ik mbo endÊtmÊn ik nimbÊ, nÊk kit mundi nÊmÊndeing. 2 Mondpa pili wu ou ti nga, kongun kindmant wu mbÊ, en enim nga wu ou mbÊ, minal tÊk ou ndÊi! Wu ÊngÊn ti nÊk, ik tÊk roi ndui nÊndÊi! Nambuⱡ emel, kongun endÊtmin mondpa pili wamp kÊⱡ, en enim ndi, numan nguk kongun ronduⱡ mundÊk endÊtmin. Uⱡ etmin ei ndi, mondpa pili wamp ou kÊⱡ, minal tÊk rapÊndÊrmÊn. Timoti nim ndi, ik kupa mbÊ mbo endkÊn, wamp mbÊ pep ring nÊkÊn, ndoimp rundi! 3 Wamp nam ti, Got nga ik puⱡ elpa mat mbo endpa, tÊn nga Nuim Jisas Kraist nga ik kupa ei kÊn, tÊn Got kÊn mbi paka rormÊn uⱡ kÊⱡ wak ropa, ik elpa mat mbo endÊm ndam, wamp ni nga rukÊr orunga mondpa pili ila mel ti, ti natÊtÊm. Wote ik puⱡ ti kep, pili napÊtÊm ku. Wamp ei, numan kit pendpa, ik puⱡ mbÊ nga ropa akpa nimba etÊm. I etÊm uⱡ ei ndi, wÊlÊk rui uⱡ, ik kit ni uⱡ, ik mbuldung orunga nindi uⱡ ik ropa mondpa ni uⱡ mbÊ nga puⱡ pendpa, numan ila pÊtÊm. 5 Wote, wu mat numan kit morum mbÊ ndi, ik kupa ei wak rormÊn. Wamp i etpa mbÊ ndi pilik kÊn, Got kÊn atinga rui uⱡ ei, kng mel mbÊ ting, nombuⱡa mam ti nÊk pÊtmÊn. Mondpa pili wamp ti, elim tep mor mel mbÊ, manda nimba pÊtÊm ni, Got nga uⱡ kai mbÊ, wamp ei kÊn tepa kapⱡa endÊtÊm. 7 TÊn ya mÊi kona ila uimin etpÊn mel ti, mepÊn ui nÊwÊrmÊn. Ni mel ku, wote tÊn ya mÊi kona wak ropÊn mbin etpÊn, mel ti mepÊn pi nÊpÊmÊn. 8 Wote, nim rÊng na, wal pÊki na mat tekÊn mun ndam, ei nim nga to ila manda. 9 Wamp ti mel ou ndupa, timp nimba pilpa etÊm wamp ni, Seitan nga oⱡa tÊpa kÊni uⱡ mbila, mana mba, kandpa kum pendpa anduⱡnga, elim nga moⱡpa kundi orunga, kit moⱡnga wamp ei, elim kit morum. 10 Ku moni kandpa kum pindi uⱡ ei, uⱡ kit mbÊ nga puⱡ pilkan ei. Wamp mat, ku moni nga kum pendÊk, en enim nga mondpa pili uⱡ ei, wak rok, kitim mindil tÊk, tiki polk andurmin. 11 Nim Got nga kindmant wu ei kandkÊn, uⱡ mbÊ kildi kulkÊn. Wote, uⱡ kun kai, uⱡ eng nui na, mondpa pili na, wamp numan ngui uⱡ na, numan ronduⱡ pili uⱡ na omba, wote numan wang ndui uⱡ kÊⱡ, ronduⱡ mundkÊn iti! 12 Nim nga mondpa pili el ruin ei, ronduⱡ mondkÊn el rui, wote uⱡ nga kÊnt nga kont mul uⱡ ei, timp nÊkÊn pilkÊn el rui! Got ndi, nim kont mul uⱡ ei, ngumba pilpa kÊn, nim wi ropa tilinga, wamp nga mou ila, nim nga uⱡ kit mbÊ nÊkÊn ekit ndurun. 13 Got mel mbÊ pora, etpa peng kont tÊtÊm Puⱡ Wu ei kÊn, wote Kraist Jisas elim nga mondpa pili ei, wu Pontas Pailot ei nimba ngurum. Ei mel, wu raⱡ nga kuimp keta ila, na nim kÊn man ngump nÊnt ei, ‘Nim ndi, Got nga mi ik kÊⱡ wamp mbÊ ndi, nÊk kit munding ei nga, tÊk mendkÊn pep rokÊn moⱡana, Nuim Jisas Kraist yant omba ui ei, kandkÊn tÊn.’ 15 Jisas omba ui ei, Got elim to ropa pendpa morum. Wu Got ei, wamp ambÊⱡpa puⱡ uⱡ mbÊ nga Puⱡ Wu. Nuim mumuk mormun mbÊ nga Nuim Mumuk Oⱡa orunga ei, omba wu nuim mbÊ nga Nuim ei. Mel mbÊ nga pora RÊp Wu ei, ronduⱡ elim kont moⱡpa mint purum. Ei nga, tÊn akup kont mormun ui ila wamp ti, rÊⱡang ila morum kona ila, kapⱡa rukÊr pi napÊmba. Wamp ti ndi, elim kÊni nÊkÊndrÊm. Wote, akil tep, kÊni nÊkÊning ku. Nuim Got ei mint, mbi ou tangga, uⱡ nga kÊnt nga ronduⱡ tepa mint pangga! Ei kupa! 17 Mel ou nduk tek mormin wamp mbÊ kundkÊn, enim nga kÊng orunga, mek oⱡa pi napÊk, en enim nga mondpa pili uⱡ ei, mel pora nimba mbÊ kÊn ti natÊk, Got kÊn mendpÊⱡ pilik nokundÊk muⱡeing ni! Got wu mel pi ei ndi, numan kai pendpa, tÊn mel minal nguⱡnga, tepÊn moⱡpÊn, ambuⱡpÊn paⱡpÊn muⱡeimin nimba etÊm. 18 Wamp mbÊ kundkÊn, uⱡ kai mbÊ iteing ni! Uⱡ kai mbÊ nga mel piyangga nÊkÊn, molk kai mondÊk, en enim nga mel tetmin mbÊ, numan kai pendÊk, mok rok iteing ni! 19 Uⱡ ei mel eng ndam, mel kai mat, wote ui tila tÊpa rapÊndÊmba ei nga, tÊk mou rok muⱡing. Ei, uⱡ nga kÊnt nga rÊk rÊk kont mul uⱡ kupa ei ting. 20 Timoti, Got ndi, nim kongun ngurum ei, ronduⱡ mundkÊn rÊp iti! Ik kit na, wote ik mat, ik kol rok, “ik pilpa kungÊndi kai” nÊk enmin mbÊ, tÊkÊn mbuⱡ ngukÊn iti! Ik mbÊ, Got nga el rui ik mbÊ. 21 Wamp mat, ya ik pilpa kungÊndi kai ei, tep mor nÊk pilik, en enim nga mondpa pili ei, wak rormin. Got nga wamp poⱡ ti uⱡ ei, nim kÊn kan piyangga!