2 Korin 7

1 Wamp angmÊn! TÊn Got nga nimba mÊi rurum ik kÊⱡ, pilpÊn pora ndurmÊn. Ei nga, tÊn nga kÊng orunga kep, muⱡnga orunga kep, uⱡ ⱡar mul mbÊ, wak ropÊn, Got nga mundmong endpÊn, uⱡ kun kai eng nui mbÊ, rÊk rÊk itÊmin. 2 Enim ndi, tÊn numan minal ngÊi! TÊn ndi, wamp mat kÊn, uⱡ ⱡawa mat iti natÊpÊn, wote ropÊn kit mondpÊn uⱡ ti, iti natÊtmÊn. TÊn ndi, wamp mat ik kol ropÊn ngumbun mel mat, ti nÊtÊtmÊn, mon ku! 3 Na ik nÊnt ei, enim kÊmp tÊp ni nanÊnt, mon! Na ndi, enim kundÊp nÊmp pora ndÊr ni, tÊn ndi, enim numan minal ngurmÊn. Enim koⱡung ndam, tÊn enim kÊn, kunda kuⱡmin. Enim kont moⱡÊng ndam, tÊn kunda, enim kÊn kont muⱡmin ku. 4 Enim nga uⱡ etmin mbÊ na ndi pilip kÊn, enim numan minal ngunt. Na ndi, enim kÊn numan minal ngunt. TÊn kÊn mbun mam mat orum ei kÊn, na ndi, enim nga nÊmp pÊt uⱡ ei ndi, na etpa ronduⱡ munduⱡnga, numan kai minal pÊt. 5 TÊn unt, Masaroniya kona ila ekit oⱡmina kÊn, kÊng orunga mbun elpa elpa mat tÊn kÊn oⱡnga, tÊn muⱡ ti nÊtÊtmÊn. Wote, tÊn nga numan rukÊr orunga, mundmong itmÊn. 6 Wote, wamp mbun tÊtmin uⱡ mbÊ, Got numan kai ngurum wu ei ndi, Taitas tÊpa, tÊn kÊn mundrum ila, tÊn etpa numan kai pinditim. 7 Taitas tÊn kÊn urum ei nga mint, tÊn etpa numan wang ndui nÊndrÊm mon. Enim ndi, Taitas etÊk numan kai pendÊtÊng uⱡ ei, Taitas ndi, tÊn kundpa nitim. Wote enim ndi, na kÊning ei nga munt mindil tÊk, ka etÊk, wote tÊk rapÊndÊk itmin nÊk, mormin nitim ku. Uⱡ etmin ei nga, na numan minal enim. 8 Ei kÊn, na nga mon rop enim ngur ei, kandÊk mbun tÊtÊng ei nga, na ndi, enim kÊn kont itim. Wote, akup kont iti natÊnÊm. Nambuⱡ emel, na nga mon ei ndi, enim etpa mbun ngurum ndam, na pÊnt ei, ui onunga kot ila mint mbun ngurum. 9 Wote, akup na numan kai pÊnt ei, enim numan mbun pÊtÊng ei nga mon. Enim mbun tÊtÊng ei ndi, enim etpa numan ropÊl rundrum ei nga, na numan enim. Nambuⱡ emel, Got elim ndi, enim mbun ei ngumba kÊn, enim etpa numan ropÊl rundrum. Ei nga, na nga mon rÊr ik ei ndi, mbun ngui ngÊnggÊrÊm mon. 10 Got ndi, tÊn mbun ngumba kÊn, wote etpa numan ropÊl rondpa, etpa rukÊr tÊtÊm. Ei kÊn, tÊn numan ropÊl ruimin ei nga, mbun ti nÊtÊmÊn. Wote ya mÊi kona uⱡ mbÊ nga mbun tÊtmÊn mbÊ ndi, wamp ropa kondrum. 11 Got ndi, enim mbun ngurum uⱡ ila, namba uⱡ mat enim kÊn etpa mot ndurum uⱡ mbÊ, en enim kandÊk kai itÊi! Uⱡ ei ndi, enim nga numan orunga, ropa rut nduⱡnga, enim nga uⱡ kit etmin mbÊ wak rok, uⱡ kun kai mbÊ iting ei nga, numan nguk etmin. Mbun tÊtÊng ei nga, popÊⱡ kulk, wote omba nÊk, mundmong etmin. I elinga, enim ndi na ok kÊning ei nga, numan nguk, wote na tÊk rapÊndÊk kÊn, uⱡ ⱡawa orum mbÊ, tÊk mana ndurmÊn. Uⱡ mbÊ ndi, ora ndupa, mbun tÊtÊng uⱡ ei, enim nga uⱡ ti mon. 12 Ei nga, na ndi, mon rop enim ngur uⱡ ei, wamp ti nga uⱡ ⱡawa itim ila, muna wamp ti, uⱡ ⱡawa elinga, kandÊp mon rop ngui ngÊnggÊr, mon! Wote na ndi, mon rop, enim ngur uⱡ ei, enim pilik kun iteing nimp, Got nga kuimp keta ila etÊk kÊn, tÊn numan minal ngÊk iteing nÊmp it. Uⱡ ei nga mint, na ndi, enim mon rop ngur. 13 Uⱡ ei ndi, enim nga uⱡ etmin kÊⱡ ndi, tÊn etÊk numan kai pendÊtmÊn. TÊn numan kai pilpÊn, ambÊⱡÊp paⱡpÊn etmÊn. Ei nambuⱡ emel, enim ndi, Taitas etÊk numan kai pendÊtÊng. Wote, enim ndi pora, Taitas nga numan orunga elingina, ambuⱡpa paⱡpa murum. TÊn tÊpa rapundpa itim uⱡ ei nga, kandpÊn kai pilpÊn, ambÊⱡÊp paⱡÊp itmÊn. 14 Unt na ndi, enim nga uⱡ etmin mel, Taitas kundÊp nÊmp, enim nga mbi mundurmÊn uⱡ ei nga, na pipil kuⱡi nÊkÊr, mon! Enim nga uⱡ etmin mbÊ mel, tÊn ndi, nÊtmÊn ik ei, kupa mint. Akup Taitas pilpa morum. TÊn ndi, enim nga mbi mundurmÊn ik ei, kupa mint. 15 Wote, Taitas enim kÊn urum ei nga, enim ndi, rawe etÊk tÊk, enim mundmong etÊng. Uⱡ ei nga, Taitas ndi pilpa, nim ik ei, enim pora pilik, pep rangina kÊn, Taitas ndi, enim kÊn numan minal ngumba, ronduⱡ mundpa itim. 16 Akup na numan enim. Ei nambuⱡ emel, uⱡ kai mbÊ pora, enim ndi, rÊk rÊk iting ei nga, na pÊnt ei, kupa iting.