2 Korin 9

1 Pol ndi, Korin wamp mbÊ kundpa, Got nga Jura wamp mbun tÊk mormin ei nga, tÊpa rÊpÊndi uⱡ ei, enim pilik pora nduk mormin. 2 Enim ndi, kongun ei, numan nguk etmin uⱡ ei, na ndi, pilip pora ndup kÊn, na ndi, enim nga mbi, Masaroniya wamp mbÊ nga kuimp keta mbila rÊk rÊk paka rondÊr. Wote na ndi, wamp mbÊ kundÊp nimp mel, unt pana ila, Grik wamp mbÊ ndi, kongun ei puⱡ mondÊk iting pilik, tÊk minal etÊng. Enim kongun ronduⱡ mundÊk etÊng uⱡ ei, pilik kÊn, Masaroniya wamp minal ndi, kongun ei, numan nguk etÊng. 3 Pol ndi, nimba mel, “TÊn ndi, enim nga mbi paka ropÊn ninmÊn ik ei, rok wei ai indi nÊndÊi mon! Wote, enim tÊk kun etÊk, nokundÊk muⱡangina kÊn, kang wu Taitas kÊn ÊngÊn ralt enim kÊn uinggil ei nga nÊnt,” nitim. 4 TÊn ndi, pÊnmin ei, enim ndi, wamp tÊpa rÊpÊndi uⱡ ei, kapⱡa iting mel enim. Ei nga, enim ndi, wamp tÊpa rÊpÊndi uⱡ ei, tÊk kun iti natÊk muⱡangina kÊn, wote Masaroniya wamp mat, na kÊn kunda enim kÊn ÊmÊn ndam, enim kÊn, tÊn kÊn, kunda pipil kuⱡmin. 5 Uⱡ i etmba ei nga, na punt ei, na ndi, kang wu Taitas kÊn ÊngÊn ralt tÊp mundamba kuimp tek, enim kÊn ok molk, enim nga wamp tÊpa rÊpÊndi mel nguimin nÊk, mÊi ronmÊn mel mbÊ, tÊk kun etÊk muⱡÊi! Wote, na unt ei kÊn, enim ndi, wamp tÊpa rÊpÊndi uⱡ kupa ei tangina, wamp mbÊ ndi kÊneing. 6 Enim wamp pilik kai itÊi! Wamp nam ti, kongun ou ndupa etÊm ni ndi, rÊng ou ndupa tÊpa norum. Wote, kongun onunga etpa etÊm ni ndi, rÊng onunga etpa tÊpa norum. 7 Enim ndi, wamp mbÊ, tÊk rÊpÊndÊk nguing uⱡ ei, ei mel unt enim nga numan orunga pilik kai etÊk kÊn, wote mel mbÊ ngÊi! Wamp ti ndi, mbun tÊpa mel mat ngui ngÊngimp nimba pilangga kÊn, wamp ndi, kalk ngui nÊng uⱡ ei, kapⱡa mon. Nambuⱡ emel, wamp namin mat, numan kai pendÊk ngurmÊn mbÊ, Got ndi, numan ngorum. 8 Got ndi, mel puⱡi enim wamp mbÊ, tÊpa rapundpa ngurum ila, enim wamp mbÊ kapⱡa etÊm. Ui mbila pora, enim mel mbÊ kapⱡa etÊm. Ei nga, mel mbÊ ndi, wamp mat tÊk rapÊndÊk kongun kai mat ou nduk itÊi! 9 Buk Wingti ei ndi, nimba mel, “Wamp nam ti ndi, mel ou ndupa, wamp kurpa mbÊ, tÊpa rapundpa ngurum uⱡ kun kai ni, elim kÊn tepa mint mba,” nÊtÊm. 10 Got ndi, rÊng mong puⱡi wamp mbo rÊⱡeing nimba ngumba, rÊng elpa elpa mbÊ, neing nimba ngumba etÊm. Wote, tÊk rapÊndÊk nguk iteing nimba etÊm uⱡ ei ndi, wamp nam ti ndi, rÊng mong raⱡnga kÊn, wote rÊng ou ndupa oⱡa omba rorum ni mel, enim nga uⱡ kun kai eng mbÊ pora, tepa mint mba. 11 Got ndi, enim mel puⱡi ngurum uⱡ ei, enim ndi, wamp mbÊ mel puⱡi ku ngeing nimba etÊm. TÊn nga kongun enmin uⱡ ei nga, enim kundÊp ninmin. Enim nga wamp tÊpa rÊpÊndi uⱡ mbÊ tangina kÊn, wamp mbÊ ndi, Got kÊn angge neing. 12 Enim ndi, kongun ei etÊk kÊn, Got nga wamp mat mel mbÊ nga mon ndum mbÊ, tÊk rapÊndÊk, wamp mbÊ nguk kapⱡa indÊi! Wote, enim uⱡ eng ei ndi, wamp mbÊ, Got kÊn angge minal neing. 13 Enim ndi, wamp tÊpa rÊpÊndi uⱡ mbÊ eng ndam, uⱡ kai mbÊ, wamp mbÊ ndi, kandÊk pilik iting. Enim ndi, Got nga uⱡ kun kai mbÊ pep rok kÊn, Kraist nga RÊnang Ik Kai mbÊ nÊk etmin ei ka! NÊk pilik kÊn, wamp mbÊ ndi piling. Wote enim ndi, wamp mbÊ tÊk rapÊndÊk mel mat, wamp mbÊ nguk, wote wamp elpa mat ngÊk tangina kandÊk kÊn, wamp mbÊ ndi, Got nga mbi ei paka runding ku. 14 Wote, Got nga wamp numan ngui uⱡ ei, enim kÊn petÊm ei ndi, enim numan minal nguk etmin. Wote, Got nga wamp poⱡ ti uⱡ ei, enim kÊn pindangga nÊk, atinga rondÊk iting. 15 Got ndi, tÊn wamp mbÊ, Etpa Ti Wu ei, wei gem ngurum. Ei nga, tÊn ndi, ik puⱡ ei kapⱡa ni nÊmÊn mon! Wote tÊn ndi, Got kÊn angge mint nÊmin.