2 Pita 3

1 Na nga wamp mÊn kupa kÊⱡ nga, akil tep mon ei rop enim ngunt, ya mon raⱡ ila, enim ik ei mel kundÊp nÊnt, enim nga numan orunga, nÊmp piral ndont, wote ik ei, pilik mbi nduing. 2 Wote, na pÊnt ei, enim ndi, ik akil tepa omba ei piling, painui wu wingti mbÊ ndi, nÊk mot ndurum. Ei ndi, Nuim ei nga mi ik ei kÊn, tÊn Etpa RukrÊng Ti Wu ei kÊn, enim nga nombuⱡa rung wu kÊⱡ nga ik pÊtÊng ei, kapⱡa pilik muⱡÊi! 3 Unt enim uⱡ ei, pilik kungÊndi ui pora nimba ei kÊn, enim tÊk ik kulding wamp mbÊ ekit ok, en enim nga uⱡ kit etmin numan orunga petÊm mbÊ, pep ruing. 4 Ei mel, nimba mÊi ropa, nÊk mel, “Elim yant uimp nitim ei? Wote elim nÊl morum? Elim ui nawÊm. Unt anda kouwÊmÊn korung ui ei kÊn omba, akup ei kÊn, mel mbÊ kump kÊm itim ei mel ku, akup tetÊm. Ei Got ndi, mim itim ei mel,” nÊtÊng. 5 Unt kor nga, Got ndi, ik nilinga, muⱡ mÊi raⱡ pitim. Wote nu ila, mÊi ei etpa oⱡa titim. Uⱡ ei, wamp mbÊ pilik kun iti natÊtmÊn. 6 Wote, Got ndi nilinga, nu ei, mÊi kona ila kui omba, mel mbÊ ropa kundrum. 7 Wote, Got nga ik ei ndi, akup muⱡ ei tÊpa, kum roⱡnga, mÊi ei ndi, ndip elim kÊn omba ei nga, nokundpa morum. Wamp kit mbÊ, Got tÊk mbuⱡ ngormÊn wamp mbÊ, kÊmp tÊpa, ropa kaⱡmba ei nga, nokundÊk mormin. 8 Wote, na nga wamp min mul kÊⱡ, enim kÊn ik ti nimp ent ei, tÊk apra ndui nÊndÊi. Wu Nuim ei nga pilpa kungÊndi ila, rumbÊⱡ tenda ei, pana 1000 mel, wote pana 1000 ei, rumbÊⱡ tenda mel kapⱡa. 9 Wote, Nuim ei ndi, nimba mÊi rurum ei nga mel mbÊ, wang ndupa kongun iti natÊtÊm. Wote, wamp mat ndi, kongun wang nduk iting ei nga puⱡ ei pÊtmÊn, mon. Wote, elim ndi pÊtÊm ei, wamp tenda ti, pok tiki puⱡi napÊⱡeing nimba pÊtÊm. Elim ndi pÊtÊm ei, wamp pÊi numan ropÊl ring nimba pÊtÊm. Wote elim ndi, tÊn nga nÊndpa, nokundpa mint morum. 10 Wote Nuim ei, yant omba ui ei, kindÊp wamp na ni mel omba. Ui ei kÊn, muⱡ ei, kump kiraipa mam ti, etpa muⱡ ei pora nimba. Wote, muⱡ ila mel kel kel petÊm mbÊ, ndip ei ndi, nomba pora ndumba. MÊi ei kunda ku, mel mim itim mbÊ, kump kÊm ndip ei ndi, nomba pora ndumba. 11 Wote, mel mbÊ pÊi, i etpa pora nimba. Ei nga wote, enim etÊk muⱡing, mel nant? Enim nombuⱡa mam wingti ila andÊk, Got nga uⱡ kai mbÊ pep rÊi! 12 Uⱡ ila, Got nga ui ei, nokundpÊn muⱡÊmin. Enim ndi, ui ei kongun ronduⱡ mundÊk rÊk rÊk etangina, ui ei ekit wangga! Wote, ui ila mint, muⱡ ei, ndip nomba pora nimba. Wote, ama ndip ei ndi, mel kel kel mbÊ kump kÊm nangga, nu mel etmba. 13 Wote Got ndi, nimba mÊi ropa kÊn, muⱡ kont ti kÊn, mÊi kont ti kÊn, mim itimp nitim. Wote, ila uⱡ kun kai mbÊ mint temba. TÊn mÊi mang kona ei, nokundpÊn mormun. 14 Wote, na nga wamp mÊn mul kÊⱡ, enim ndi, ui ei, nokundÊk mormin. Wote ei mel, kongun ronduⱡ mundÊk, etÊk kun kai muⱡÊi! Uⱡ kit mbÊ iti nÊtÊi! Wote Got ndi, enim moⱡpa kundi uⱡ kai ei ngangga, molk kai munding. 15 TÊn nga Nuim ei ndi, enim nga nokundpa wang ndupa etÊm. Wote enim ndi, pili uⱡ i itim ei ndi, enim etpa rukrÊng tÊmba. Wote, Got pilpa kungÊndi kai ei, tÊn nga ÊngÊn kupa, Pol ngurum. Wote, Pol ndi kunda, ik ei enim mon ropa ngurum. 16 Ei mel, elim nga mon kump kÊm rÊrÊm mbila, ik ronduⱡ pei mat rurum. Ik mbÊ, wamp ni, wamp mbÊ ndi, pilik kun iti natÊtmin. Wamp mat, pilik kungÊndi neng tÊtmÊn, ik ei, ropÊl rop ti mel nÊtmÊn. Ei kÊn, Buk Wingti ila ik mat petÊm mbÊ, uⱡ ei mel ku etmÊn. I etÊk kÊn, en enim etÊk kit mondÊrmÊn. 17 Wote, na nga wamp mÊn mundi kÊⱡ, enim ndi, pilik pora ndunmin uⱡ mbÊ, wote ekit omba ei nga, rÊp etÊk kai mundÊi! Wote, mi ik ila, tÊpa roi ndui wamp mbÊ ndi, enim tÊk tiki pindangina, enim ronduⱡ mundÊk muⱡi nÊmbÊⱡing. 18 Wote, tÊn nga Nuim ei nga wamp poⱡ ti uⱡ ila mormin ei kÊn, tÊn RukrÊng Titim Wu ei, Jisas Kraist tÊn ndi, elim pÊtmÊn. Ei kÊn, enim ndi, numan wang nduk, ei ama ou nduk tÊtmÊn. Wote enim ndi, pilpa kungÊndi ou ndupa, Kraist kÊn tÊtmÊn. Elim mbi ou tÊpa, wote ui mbila rÊk rÊk moⱡpa, mint mba. Ei kupa!