2 Timoti 2

1 Ei kÊn, na nga kang ei, nim Kraist Jisas nga wamp poⱡ ti uⱡ kai mbÊ, ronduⱡ mundkÊn ÊmbÊⱡi! 2 Ik ei mek pukÊn, wamp minal morung ila, nim man ngur ik nimbÊ, mek pukÊn wu kun kai, na nga ik ninding wu mat kundÊk nana! Wu mbÊ ndi, int puk, wamp mat mbo indeing. 3 Nim Kraist Jisas nga, el wu kupa muⱡin ei nga, mindil ou nduk nuin ei, na mindil tit ei mel tin. 4 El wu ti, elim nga wu ou ei, numan kai pilangga nimba, wamp roldÊnga mbÊ kÊn, mba kup iti natÊtÊm. 5 Ei mel ku, nombuⱡa mam tÊkÊrÊrÊm wu ei ndi, nombuⱡa tÊkÊrÊrmÊn uⱡ mbÊ nga, pep ropa etÊm ndam, mba mel kai mbÊ tÊtÊm. 6 Ei kongun ronduⱡ mundpa etÊm wu ni, rÊng ou ndupa etpa mondpa, elim kÊmp tepa norum. 7 Na ik nint kÊⱡ tÊkÊn mindi! Nuim ei ndi, nim tÊpa rÊpÊndangga, ya uⱡ mbÊ pilkÊn, tÊn nim Depit nga anda kouwÊ wu Jisas Kraist koⱡpa, tikil rurum wu ei nga RÊnang Ik Kai nÊndÊt, wu ei nga tÊkÊn mindi! 9 Ei nga, na rÊnang ik kai nÊt ei nga, na mindil ou ndup nont. Wote mat kÊn, kindÊp wamp na ni mel, na nga kÊmp ki raⱡ kan ngormÊn. Ei wote, Got nga ik ei, kan nguk pindi napÊndÊtmÊn. 10 Na mindil nont ei, Got nga wi ropa titim wamp kÊⱡ, Kraist Jisas nga etpa ti uⱡ ei, tÊk uⱡ nga kÊnt nga molk mint ping ei nga nÊmp, na mindil ou ndup nont. 11 Ya ik ei kupa, tÊn wu ei kÊn, kuⱡmÊn ndam, wote wu ei kÊn ku, kont mbun muⱡmin. 12 Wote, tÊn wu ei kÊn, ronduⱡ mundpÊn muⱡmÊn ndam, tÊn wu ei kÊn ku, kona mbÊ nukundmin. TÊn wu ei, pili napÊtmin nimin ndam, wote wu ei ndi, tÊn pili napÊt ku nimba. 13 Wote, tÊn enimp mondurmÊn ndam, Got elim enimp mundi namÊndrÊm. Ei nambuⱡ emel, elim ndi, el elim ik kol ropa, ngui nganggÊrÊm! 14 Nim nga wamp mbÊ, ya ik kÊⱡ kundkÊn ni, wote Got nga kuimp keta ila ya ik roldÊnga mbÊ, ni nÊning mon ni! Ik mbÊ, ik kai mat mon, omba ik mbÊ ndi, wamp ik pÊlÊng mbÊ etpa kit mondÊmba. 15 Nim kongun ei teng ndukÊn itana, Got ndi, kÊnangga kapⱡa itangga! Pipil kuⱡi nalkÊn, Got nga ik kupa ei petÊm mel, kun mbo indi! 16 Ik roldÊnga mbÊ, ok tÊkÊn muⱡi! Ik mbÊ ndi, wamp mbÊ nga numan orunga mepa, Got kÊn nondpa pi napÊrÊm. 17 Ik i etpa mbÊ ndi, wamp kÊng ila pipi norum ei mel kapⱡa. Wu Imineyas kÊn, Pilitas raⱡ, ik i etpa mbÊ nga mbo endÊtÊmbil. Wu raⱡ ndi, ik kupa ei, tÊk mbuⱡ ngokÊⱡ, wamp ⱡoporpa oⱡa mul uⱡ ei, kor ekit urum ninimbil. Ik i etÊk ninimbil ei ndi, wamp mat nga mondpa pili orunga, rok mbuⱡ mbaⱡ enmbil. 19 Wote, Got nga ik kupa ei, manga runga ku na ni mel, ronduⱡ mba petÊm. Mel ti ndi, roka ndumba mel kapⱡa mon. Manga runga ku ila, mbi i etpa kat morum. “Wu Nuim ei ndi, elim nga wamp mbÊ, pilpa morum.” Wote, “Wamp nam ti, elim wu Nuim ei nga wamp num ndam, wamp ei uⱡ kit mbÊ wak rangga!” nÊtÊm. 20 Manga mam tila ming mat, gol kÊn, silpa kÊn mbÊ ndi, etmin mbÊ tetÊm. Wote ming mat, nde kÊn, ui kÊn mbÊ ndi, etmin mbÊ tetÊm. Mel mbÊ nga mat kongun ronduⱡ mel mat iting ei nga tetÊm. Wote, mel mat kongun wei wei mat iting mbÊ nga tetÊm. 21 Wamp ti, elim uⱡ kit mbÊ pendpa kelpa, uⱡ kai mbÊ mint em ndam, wamp ei, nu ming na ti, kongun ronduⱡ mbila kongun etmin ei mel kapⱡa. Etpa kai etpa eng nomba tiyangga kÊn, manga Puⱡ Wu ei ndi, tÊpa kongun kai mbila mundangga etmba. 22 Kang wamp mbÊ nga numan meka rui mbila, ok tÊkÊn molkÊn, omba uⱡ kun kai mbÊ kÊn, mondpa pili uⱡ ei kÊn, wamp numan ngui uⱡ ei kÊn, wote moⱡpa kundi uⱡ ei kÊn, uⱡ kit iti natÊk, Nuim ei nga tÊpa rÊpÊndangga nÊk, wi rok etmin wamp mbÊ kÊn, rÊp rokÊn pep rui. 23 Ik kit mat nÊk, ik palk nÊtmin uⱡ mbÊ, wak rui! Ik i iti mbila, ik mura mel etÊk etmin. 24 Nuim ei nga kongun wu ei, ik mura iti natÊpa, wamp mbÊ kÊn uⱡ kai mbÊ etpa, numan kai pilpa, popÊⱡ mundi namÊndpa, ik mbo wu kai ti muⱡangga! Wamp mat, elim nga ik tÊk roi ndurmin mbÊ, numan wang ndupa, tÊpa kun tangga kÊn, Got ndi, wamp mbÊ etpa, numan ropÊl rundangga, ik kupa ei, pilik mbi nduing. I etÊk kÊn, en enim nga numan mbo ingk ei pilik, wu kit ei nga kan ei, rok puⱡa rok, omba wu kit ei nga kindmant indi uⱡ ei, wak rok, Got elim kÊn rukÊr uing.