Aposel 16

1 Wote Pol ni, Derpi kÊn Listra kona raⱡ ila, purum kona ila, mondpa pili wu Timoti ni, ti murum. Wu ei nga mam ei, Jura amp mondpa pili amp ei. Wote tipam ei, Grik wu ei. 2 Listra, Aikoniyum kona raⱡ nga ÊngÊnÊl wamp mbÊ ndi, Timoti nga kaip nÊndÊtÊng. 3 Pol ndi, Timoti mep mbi nimba pitim ei nga, Jura wamp kÊng kupti uⱡ ei nga inditim. Ei nambuⱡ emel, Jura wamp kÊng kupti uⱡ ei nga, ei mel morunggil kona ila, Jura wamp petmin mbÊ ndi, Timoti nga tipam Grik wu ei, pilik pora ndurung. 4 Wu kÊⱡ, kona peng mbila puk kÊn, mi ik mat, unt Jerusalem kona ila nombuⱡa rÊng wu na, rÊp wu na mbÊ mou rok molk, nÊk pendÊtmÊn ik mbÊ, mondpa pili wamp mbÊ, pep rÊi nÊtÊng. 5 I elingina, rapa tenda wamp mbÊ nga mondpa pili mbÊ ronduⱡ puⱡnga, wote wamp kont nga rÊk rÊk oⱡungina, wamp rÊⱡaip ei, mam itim. 6 Pergiya kÊn Galesiya kona raⱡ nga ruk ting ila puⱡina, Muⱡnga Wingti ei ndi, Eisiya kona ila nga ik mbo indi nÊndÊi, mon nitim. 7 Wu kÊⱡ, Misiya nga mÊi oi ila ruk oⱡina, wote Jisas nga Muⱡnga ei ndi, Bitiniya kona ila pi nÊpÊi, mon nitim. 8 Wote, Misiya kona ila ok, nombuⱡa mam ila kun puk, Trowas ekit purung. 9 Ei kÊn rumbuldi, Pol ur kump mel etpa kÊndrÊm. Masaroniya wu ti, Pol kÊn kont kaimp ik ranggÊpa, nimba mel, “Nim num kuta puⱡa rokÊn, Masaroniya kona ila okÊn, tÊn tÊkÊn rÊpÊndÊn ka!” nitim. 10 Pol ur kump mel, etpa kanduⱡnga kÊn, tÊn Masaroniya kona ila mbin ei nga, tÊkrÊp tÊp kun itmÊn. Ei nambuⱡ emel, Got ndi, tÊn met kona ila, RÊnang Ik Kai ei, nÊmp ngÊmin nimba, tÊn wi rurum. 11 TÊn Trowas kona ila moⱡpÊn, nu sip tÊpÊn kun puⱡa ropÊn, Samotres kona ila purmun. Wote utÊma orunga, Niyapolis kona ila purmÊn. 12 Wote, tÊn kona ei, wak ropÊn, Pilipai kona peng ila purmun. Kona peng ei, Rom kona ila gapman ei ndi, rup itim. Wote, Masaroniya mÊi kona ou ei nga kona peng ou ei, kona ila moⱡpÊn, ui mat tÊp mundurmÊn. 13 Wote, mowi kor ei kÊn, kona peng ei, wak ropÊn ekit mbun. Nu wÊr orunga, ekit mbun. Wote, Jura wamp atinga rormin kona ila tetÊm, nÊmp pilpÊn kurÊp purmÊn. Ei kÊn, amp mat, nu ÊldÊ ila, mou rok morung kandÊp tÊpÊn, ik mat nÊtmÊn. 14 Ei kÊn, amp ik kum tetÊng kÊⱡ nga amp ti, Taiyataira kona peng ila amp, Litiya nÊtmÊn. Amp ei, muⱡ mbÊnÊng mbÊ, rarÊp ropa etÊm. Wote, Got nga mbi paka ropa itim ku. Ei kÊn, Nuim ei ndi, amp ei nga numan orunga kumba tilinga, Pol nga ik nitim nimbÊ, kum titim. 15 Wote, amp ei kÊn, elim nga manga tenda wamp mbÊ, nu tÊtÊng. Wote tÊn kundpa, nimba mel, “Enim na Nuim ei kÊn, kupa mondÊp pÊt nÊk piling ndam, na nga mang kona muⱡamin wÊi!” nitim. Nimba kÊn, ama ronduⱡ mundpa nilinga, tÊn teng ndup purmun. 16 Ui ti kÊn, atinga rormin kona nila puⱡmina, nombuⱡa mana ila, kindmant amp wendÊp ti, rukÊr orunga, kur kit ti ndi moⱡpa, uⱡ wote, pemba mbÊ nga kandpa nimba etÊm amp ni, tÊn kandpa nitim. Amp wendÊp ei ndi, uⱡ mbÊ mel elinga, elim rÊp etmin wu mbÊ, ku moni minal tÊtmÊn. 17 Ambuⱡa ei, tÊn Pol min purmun ila, akil tepa omba, ke nimba mel, “Wu kÊⱡ, Got Oⱡa Kupa morum ei nga, kongun wu mbÊ! Wu mbÊ ndi, enim wamp mbÊ, Got ndi, etpa tÊmba ei nga, nÊk nguing onmÊn!” nitim. 18 Ambuⱡa ei ndi, ik ei mel nilinga, ui ou ndupa, omba purum ila, Pol run kuⱡpa tÊpa, ropÊl ropa, kur kit ni kundpa, nimba mel, “Jisas Kraist nga mbi ila, na nim kundÊp nÊnt. Ambuⱡa ei, wak rokÊn, kelik ekit pa!” nitim. I nilinga, kur kit ni ndi, ambuⱡa ni, wak ropa omba, ekit purum. 19 Ambuⱡa ei, rÊt etmin puⱡ wu nimbÊ, kandrung ei, en enim nga ku moni tÊtmÊn nombuⱡa mam ei, etpa kumba pendÊtÊng ila, popÊⱡ kulk, Pol kÊn Sailas raⱡ, imp molk, kunt kundi mek, wamp minal morung kona ila, kot pÊtmÊn wu ou mbÊ kÊn purung. 20 Mek puk, kot pÊtmÊn wu mbÊ kÊn mondÊk, nÊk mel, “Jura wu raⱡ ndi, tÊn nga kona peng ila etkÊⱡ, mong pindinggil enmbil. 21 Wu raⱡ ndi, tÊn Rom kona ila wamp mbÊ, mi pendÊtmÊn uⱡ mbÊ, mbo endÊnmbil uⱡ mbÊ, kapⱡa tÊn pilip tÊpÊn, pep ruimin mel mon!” nÊtÊng. 22 Wamp minal morung nimbÊ ndi, Pol kÊn Sailas raⱡ, ik mura nguk, wote kot pÊtÊng wu nimbÊ ndi, wu raⱡ nga muⱡ mbal mbÊ, potÊk mundÊk, tÊmbÊⱡ ndi rÊi nÊtÊng. 23 Wu raⱡ tÊmbÊⱡ ndi, ambulk pilik rok, wote tÊk kan manga ila pendÊk, kan manga rÊp etÊm wu ni kundÊk, rÊp ronduⱡ mundkÊn iti nÊtÊng. 24 Kan manga rÊp wu ni ndi, ik ronduⱡ mundÊk nÊtÊng ni pilpa, wu raⱡ manga kÊkaⱡ rukÊr orunga ila, tÊpa ruk ndupa, wu raⱡ nga kÊmp kÊⱡ tÊpa, nde plang ronduⱡ ila kan ngumba pinditim. 25 Wote, ou rumbuldi ei kÊn, Pol Sailas raⱡ, Got kÊn kinan atinga raⱡ elinggila, kan manga ila rÊp rok petÊng wu nimbÊ, kum tek pÊtÊng. 26 Ei kÊn, tÊngÊnda mint, kona kilimbÊmp ambuⱡpa pilpa etpa, kan manga ni, akpa ÊⱡmbÊⱡ nimba itim. Ni kÊn, tÊngÊnda mint, kan manga keta puⱡ puⱡ nimbÊ, elim kumba tilinga, wote kan ngurung wamp nimbÊ nga kan sen mbÊ, elim ndi potpa omba mana purum. 27 Ni kÊn, kan manga rÊp etÊm wu ni, rÊt nimba kÊndrÊm ei, manga kumba nimbÊ, wei titim ila, kan manga petÊng wu nimbÊ, nÊng nÊk pung nimba pitim. Pilpa kÊn, elim nga koiya ou pinditim ni, ekit tÊpa, elim ropa kondÊmba itim. 28 I etmba elinga, Pol ndi, ronduⱡ wi ropa, nimba mel, “TÊn pora mormÊn kÊn, nim ninim rokÊn kundi nÊkÊndi mon!” nitim. 29 Ni kÊn, kan manga rÊp wu ni ndi, kiya kandÊk, mek wÊiya nimba, elim ni mundmong etpa, tÊkrÊpa mba, Pol Sailas raⱡ nga kÊmp puⱡ ila rumÊⱡi pitim. 30 Wote, wu raⱡ tÊpa mepa, pena mba waldpa, nimba mel, “Wu nuim raⱡ ye! Na namba uⱡ ti itamba kÊn, Got ndi, na etpa tÊmba nda?” nitim. 31 Wote, wu raⱡ ndi, punt rokÊⱡ, nÊkÊⱡ mel, “Nim ndi, Nuim Jisas mondkÊn pilana kÊn, Got ndi, nim etpa tÊpa, wote nim nga wamp mbo kÊⱡ pora etpa tÊmba ku!” nÊtÊnggil. 32 Wote, wu raⱡ ndi, Nuim ei nga RÊnang Ik Kai ei, wu ei kÊn, elim nga wamp mbo kÊⱡ kÊn, kÊndÊk nÊtÊnggil. 33 Ei kÊn, ant tenda ila rumbuldi, rÊp wu ni ndi, wu raⱡ nga kip mondrÊnggil kona nimbÊ mepa mba, ⱡumÊi rundrum. Wote elim kÊn, elim nga wamp mbo nimbÊ kÊn, pÊi nu tÊtÊng. 34 Wote, wu raⱡ mepa mba, elim nga manga kÊkaⱡ oⱡa orunga ila, mondpa rÊng inditim. Wu ni elim kÊn, elim nga wamp mbo kÊⱡ kÊn, pÊi numan kai pilik morung. Nambuⱡ emel, en enim Got kÊn mondÊk pÊtÊng ei nga etÊng. 35 Wote mÊkÊlmÊ unt, kot pÊtÊng wu nimbÊ ndi, Rom kona ila el wu mat tÊk mundÊk, kan manga rÊp wu ni kundÊk, nÊk mel, “Wu raⱡ tÊkÊn ekit mundi!” nÊtÊng. 36 Wote, kan manga nokundrum wu ni ndi, Pol kundpa, nimba mel, “Kot pÊtmÊn wu nimbÊ ndi, nim kÊn Sailas raⱡ, tÊk ekit ndui nÊnmin. Ei kÊn, enmbil numan wang ndukÊⱡ pÊl!” nitim. 37 Ni wote, Pol ndi, el wu kÊⱡ kundpa, nimba mel, “TÊl Rom mÊi puⱡ wu raⱡ! TÊl mong tÊtÊmbÊⱡ ei nga puⱡ ti, kandÊk ti natÊk, kai kandÊk wamp morung pena ila kanda rok, wote tÊk kan manga ila pendÊtÊng. Wote, akup uⱡ ei, kamblik pendÊk, tÊl mo rok, tÊk ekit nduing enmin ei? Ei kapⱡa mon! Rom gapman nga kot pÊtmÊn wu kÊⱡ ndi, en enim ok, tÊl tÊk ekit ndeing weing!” nitim. 38 Wote, el wu ni kÊⱡ, ik nitim kÊⱡ mek int puk, kot pÊtmÊn wu ni kÊⱡ, kundÊk nÊtÊng. Wote, Pol Sailas raⱡ, Rom mÊi puⱡ wu raⱡ nilingina, kot pÊtmÊn wu ni kÊⱡ, ik ei pilik mundmong etÊng. 39 Wote, kot pÊtÊng wu nimbÊ puk, wu raⱡ kÊn, ⱡawa itmin nÊk, kont kulk, ⱡawa itmin wu raⱡ kan manga ila, tÊk mek ekit puk, kona peng ni, wak rokÊⱡ, kelik pÊl nÊtÊng. 40 Ni kÊn, Pol Sailas raⱡ, kan manga ni, wak rokÊⱡ, amp Litiya nga mang kona purÊnggil. Kona ila nga mondpa pili wamp morung nimbÊ, ik kai mbÊ nÊkÊⱡ, ndoimp rondkÊⱡ kÊn, wote kona ei, wak rokÊⱡ purÊnggil.