Aposel 19

1 Apolus ni wu ei, Korin kona ila moⱡnga kÊn, Pol ni, kona ei nga ruk ting komnga titim kona nimbila mba ui, Episis kona ila ruk purum. Kona ila nga kitip kÊni wu mat kandpa, tÊpa waldpa, nimba mel, “Enim mondÊk pÊtÊng ni kÊn, Muⱡnga Wingti enim tÊtÊng muna mon?” nitim. Wamp kÊⱡ ndi, punt rok, nÊk mel, “TÊn Muⱡnga Wingti ei, pili napÊtmÊn ei ka!” nÊtÊng. 3 Ni kÊn, Pol ndi waldpa nimba mel, “Enim nu nant ei nga tÊtÊng?” nitim. Wamp kÊⱡ ndi, punt rok nÊk mel, “TÊn Jon nga wamp nu tinditim uⱡ ila, nu tÊtmin,” nÊtÊng. 4 Pol ndi kundpa, nimba mel, “Jon nga wamp nu tinditim uⱡ ei, uⱡ kit mbÊ, tÊk mbÊⱡ ngeing nimba itim. Wote, Isrel wamp mbÊ kundpa, elim nga mbuldung orunga omba, wu ei mondÊk pilÊi wu ei, Jisas,” nitim. 5 Wamp nimbÊ, ik ei pilik tÊk kÊn, wote Nuim Jisas nga mbi ila nu tÊtÊng. 6 Wote, Pol elim nga ki raⱡ ndi, wamp kÊⱡ nga peng mbila ambuⱡnga kÊn, Muⱡnga Wingti mana omba, wamp kÊⱡ kÊn moⱡnga, ik nuim kan elpa elpa mbila, ik pai nok nÊtÊng. Wote, Got nga uⱡ etÊm mbÊ nga nÊtÊng ku. 7 Wamp 12 mel molk, uⱡ mbÊ nÊtÊng. 8 Kalimp raldika mel, Pol atinga manga kel ila wamp mbÊ kÊn moⱡpa, ik ronduⱡ mundpa nimba. Got nga wamp tÊpa mumuk rui uⱡ ei nga wamp mbÊ nga numan orunga nimba, piral ndupa kondpa nitim. 9 Wote wamp mat, numan ruwik nilinga, mondÊk pili nÊpili wamp mbÊ morung, kuimp keta ila, Nuim ei nga ‘Nombuⱡa Mam’ orunga, ik kit mbÊ nÊtÊng. I elingina, Pol ndi, wamp nimbÊ, wak ropa, kitip kÊni wu kÊⱡ tÊpa, mepa ekit purum. Wote, ui mbila rÊk rÊk, Tairaniyus nga ik mbo manga ila, Pol ndi, wamp mbÊ, ik mbo endpa murum. 10 Pol ndi, wamp ik mbo endpa puⱡnga, pana raⱡ omba purum. I elinga, Eisiya kona ila Jura wamp na, Grik wamp na mbÊ pora, Nuim ei nga ik ei, pilik tÊtÊng. 11 Got ndi, tÊpa rapundÊⱡnga, Pol ni, uⱡ rÊpndi kÊni nÊkÊni mat, minal itim. 12 Wote, wamp mbÊ ndi, muⱡ mbal punt mat mek ok, Pol nga kÊng ila minda nduk, wote mek int puk, kui wamp mbÊ, minda nduⱡungina kÊn, kui pitim mbÊ pora nilinga, kur kit morung mbÊ, ok ekit purung. 13 Ei kÊn, Jura wamp mat andÊk, kur kit murum mbÊ, tÊk mundÊk, mel mat tÊk etmin mbÊ ndi, Nuim Jisas nga mbi oⱡa tÊk angÊndÊk, kur kit murum wamp mbÊ kundÊk, nÊk mel, “Wu Nuim Jisas nga mbi ila, Pol ndi, nÊndÊtÊm ei nga, enim kÊn ronduⱡ mundÊp nÊnt,” nitim. 14 Ei kÊn ku, Jura wu pris kuimbal ti, mbi tek, Skipa nÊtÊng. Ei nga, kangÊmÊl wu 7 kat ndi molk, uⱡ mbÊ ku etÊng. 15 I elinga, kur kit ei ndi, wu kÊⱡ kundpa, nimba mel, “Jisas ei na pÊt, wote Pol ei, na pÊt ku, wote enim wu namin?” nitim. 16 Wote, kur kit rukÊr mundrum wu ni ndi, puka ropa oⱡa omba, wu kÊⱡ tÊpa, rak ndupa rurum. Wote, muⱡ rarÊng mbÊ, ropa ou ndupa, etÊp kit mundrum. Ni kÊn, wu ni kÊⱡ, manga ei, wak rok, nung nÊk purung. 17 Wote, Episis kona ila Jura wamp na, wamp rÊⱡaip elpa na mat, pek morung mbÊ ndi pora, uⱡ itim ni pilik, mundmong mam ti etÊng. Ei kÊn, Nuim Jisas nga mbi ei, tÊk ou ndurung. 18 Wamp morung mou mbila, mondpa pili wamp ou ndupa ekit ok, en enim uⱡ mbÊ mel, itmin nÊk para ndurung. 19 KurmÊn rok etÊng wamp mbÊ, en enim nga buk mbÊ mek, wamp morung mbila ekit ok, ndip karÊng. Buk mbÊ nga ku moni purum mel, tÊp rak ndupa, ku 50,000 kina itim. 20 Uⱡ i etpa pelinga kÊn, Nuim ei nga ik ei, oⱡa omba, ronduⱡ puⱡnga, kona mbila pora, tepa ndaip nimba purum. 21 Uⱡ mbÊ mel, etÊk pora nduⱡungina kÊn, Muⱡnga Wingti ndi, Pol numan mbo ti nguⱡnga kÊn, Masaroniya kÊn Grik kona raⱡ ila mbo, wote Jerusalem puⱡmba ku nimba pitim. “Kona raⱡ ila mba kÊn, wote Rom kona ila mbo, kÊnimp nimba,” pitim ku. 22 Ei mel nimba kÊn, elim Eisiya kona ila, ui ou ndupa moⱡmba etpa kÊn, Timoti kÊn Erastas kÊn wu raⱡ, elim nga tÊpa rÊpÊndi wu raⱡ tÊpa, Masaroniya kona ila tÊpa mundrum. 23 Ui ei kÊn ku, Episis kona ila ik mam ti pitim. Ei nambuⱡ emel, Nuim ei nga, ‘Nombuⱡa Mam’ ni, rorung uⱡ ei nga. 24 Ni kÊn, wu Dimitriyus ni wu ti, ku silpa ila mel kai mat got kep nui, Artemas nga mel to tendpa itim. Uⱡ ei etpa kÊn, ku moni minal rukÊr tÊpa, wote elim nga kongun wu mbÊ ngumba itim. 25 Ei kÊn, elim nga kongun wu na, wote kongun tenda ei nga etmin wu mat pÊi, wi ropa ruk tÊpa, mondpa nimba mel, “Wu kÊⱡ, enim pora pilik mormin. TÊn mel kai kandÊp tÊnmÊn mbÊ, ya tÊn nga kongun enmin ila ekit onum. 26 Pol ni, enim uⱡ ei, en enim kandÊk pilik pora ndonmun. Wu ei ndi, nimba mel, ‘Wamp nga got mim enmÊn mbÊ, got kupa mat mon!’ I nilinga, wamp puⱡi ya Episis kona ila kep, Eisiya kona mbila pora, wamp minal nimba rukÊr tÊnÊm. 27 Wote, Pol uⱡ i enim ei ndi, tÊn nga kongun kai etmÊn ei nga mbi ei, etpa kit mondnum. Wote, uⱡ ei mendpÊⱡ mon, uⱡ ti kit moⱡmba ei, ya got (kol ropa morum) Artemas nga manga ou ei, wamp mbÊ ndi, tÊk manga wei nuwa randÊk tangina, wote elim nga mbi oⱡa orunga tÊtÊm uⱡ ei, etÊk kit munding. Ei, Eisiya kona kÊn, wote muⱡ kÊmp tepa purum kona mbila pora, got (kol ropa morum), Artemas nga mbi ei, etpa kit, Pol ndi, mondnum,” nitim. 28 Wamp minal morung nimbÊ, ik kÊⱡ pilik, popÊⱡ mondÊk, ronduⱡ kei nÊk mel, “Episis kona ei nga got (kol ropa morum) Artemas ei, oⱡa orunga morum!” nÊtÊng. 29 Uⱡ ei etÊk kÊn, kona peng ou ei, pÊi etÊk ik pendÊtÊng. Ik pendÊtÊng wamp nimbÊ ndi ok, Pol nga tÊpa rÊpÊndi wu Geiyas kÊn Aristakus raⱡ, tÊk imp morung. Masaroniya wu raⱡ, tÊk imp molk, kot etmin manga ila mek purung. 30 Pol elim wamp uⱡ i etÊng mbÊ nga ruk ting ila mbi nimba elinga, wote mondpa pili wamp mbÊ ndi, mon nÊtÊng. 31 Ei kÊn, Eisiya kona ila gapman wu kuimbal mat, Pol kÊn puⱡ pitim mbÊ ndi, Pol kundÊk, kot kona ila ekit ui nÊwangga nÊk, rung mundÊk, mon nÊtÊng. 32 Ui ni kÊn, wamp minal mou rorung kona nila, ik tek rumbulk nÊtÊng. Wamp mat ndi, ik ku nilmina mat ndi, ik elpa elpa kat ku nÊk etÊng. Ei nambuⱡ emel, wamp minal, en enim ok, mÊk rorung uⱡ puⱡ ei, pili napÊtÊng. 33 Ik ou ndupa pitim ni, Jura wamp mat ndi, wu Aleksanda ik mbÊ, kapⱡa punt rondÊmba nÊk pilik nimba, ik puⱡ mat mbo rondÊk, wote tÊk wamp nga mou ila tÊk kuimbal mundrung. Wote, Aleksanda elim nga ki oⱡa ndupa, wamp ik nÊtÊng mbÊ nga punt ruimp nimba itim. Ni wote, mÊi puⱡ wamp ndi, kandrung ei, Aleksanda ei Jura wu mel itim ila wamp pora, unt kei nÊk nÊtÊng ik ni kÊⱡ, aldpa tÊk tenda mondÊk, ambulk oⱡa tÊk, nÊk mel, “Episis kona ei nga got (kol ropa morum) Artemas ei, oⱡa orunga morum!” nitim. I nilingina, ant mong ui raⱡ omba purum. 35 Ik ou ndupa nÊtÊng ni, wote kona peng ou ei nga wamp mbi titim wu ni ndi, ik nilinga, wamp nimbÊ, raka nÊk morung. Wote, wamp mbÊ kundpa, nimba mel, “Enim Episis wamp mbÊ ye! Wamp pora pÊtmÊn ei, ya Episis kona peng ou ei ndi, nuim Artemas nga manga ou ei, tÊk ou nduk, wote ku muⱡ kona ila mana urum ku ei, rup etmin ni, pili napÊtmÊn ei? 36 Ei nga, wamp ti ndi, ik kÊⱡ tÊpa, roi ndui nÊndÊi! Enim raka nÊk molk mel ti, etÊk kit mundmin nÊk iti nÊtÊi! 37 Enim ndi, ya mek ong wu raⱡ, tÊn nga got ei nga atinga manga ou ila mel ti, kindÊp nokÊⱡ, wote ik ti nÊkÊⱡ kit mondkÊⱡ iti nÊtÊnggil. 38 Wote, Dimitriyus kÊn, elim nga kongun wu kÊⱡ kÊn, wamp na ti kÊn, ik nimp nimba pilim ndam, kot etmin ui mbila mba kÊn, kot nitmin wu kÊⱡ kÊn pangga! Ik mat nÊk, int yant iting ndam, ila puk neing. 39 Wote, enim ik elpa mat ning pem ndam, wamp mou amburmin ui ila mendpÊⱡ weing. 40 TÊn akup ant ila, el etpÊn ik mat, nimbun imÊn uⱡ mbÊ nga, tÊn mong timÊn mel enim. Ik puⱡ tila, uⱡ kÊⱡ iti nÊtÊtmÊn ei nga, tÊn waldÊk eng ei kÊn, ik puⱡ ti, kandÊp tÊpÊn nimin mel mon!” nitim. 41 Kona peng ou ei nga, wamp mbi titim wu ni ndi, ik kÊⱡ nimba ngumba, kelik pÊi nilinga, elpa elpa purung.