Aposel 25

1 Rumbuldi raldika omba puⱡnga, wu Pestas ni, kona ou ila moⱡpa, Sesariya kona ni waka ropa, wote Jerusalem purum. 2 Ila nga, Jura wu nuim mbÊ kÊn, wu pris kuimbal mbÊ kÊn, ruk puk molk, Pol kÊn kot iting ik mbÊ nÊk, wu Pestas ngurung. Wu Pestas ni, kunt kan etÊk, Pol Jerusalem wangga nÊtÊng. Ei nambuⱡ emel, Pol nombuⱡa mam paka ila molk, rok kunding pilik, ik mo rok nÊtÊng. 4 Wote, wu Pestas ndi, ik punt ropa, nimba mel, “Pol met Sesariya kona ila kan ngurung ei mel petÊm. Wote na nanim, met kona ila mana mbi ui ei, nondpa enim. 5 Enim nga wu nuim mbÊ, na kÊn rÊp rop pamina, wote wu ei, uⱡ ⱡawa mat itim ndam, kapⱡa tep ik nÊmÊn,” nitim. 6 Wu Pestas ni, Jura wamp kona ila moⱡpa, rumbÊⱡ 8 muna 10 ei mel moⱡpa, wote Sesariya kona ila purum. MÊkÊlmÊ orunga wu ni, kot etmin kona ila moⱡpa kÊn, Pol mek mana wei, nitim. 7 Wote, Pol ekit oⱡnga, Jura wu Jerusalem molk, orung wu nimbÊ ruk ok, Pol tÊk pok etÊk, Pol kÊn ik ronduⱡ minal mbÊ ngok nÊtÊng, wote ik ei nga puⱡ ti mon. 8 Wote, Pol elim nga orunga nimba mel, “Jura wamp nga mi Ik kÊⱡ kep, manga wingti ou ei kep, Rom nga wu nuim mumuk Sisa ei kÊn kep, uⱡ ti na ndi, etÊp uⱡ ⱡawa mundi nÊmÊndÊr mon!” nitim. 9 Ni kÊn, wu Pestas ni, Jura wu kÊⱡ nga, orunga mba kunt kan etpa, Pol waldpa, nimba mel, “Nim kapⱡa Jerusalem ila rÊp rop mbun, wote nim nga ik ei, kona ila mbo kÊn pilimp?” nitim. 10 Wote, Pol ndi kundpa, nimba mel, “Na ya Rom nga wu nuim mumuk Sisa ei nga kot pÊtÊm kona ila mor, na mek kona nÊl ping. Nim pilkÊn morun ei, na Jura wamp kÊⱡ kÊn, uⱡ ⱡawa mat iti nÊtÊt. 11 Wote, na ya ik nÊnt ei ndi, nÊmp kÊn, mi ik kÊⱡ nga ti rop puⱡa rop, wote wamp rok kundi uⱡ ila kuⱡimp ei nga mundmong etÊp, ik ti ni nanÊnt, mon! Wote, na kÊn ik nÊnmin ei nga puⱡ ti, kandÊk ti natÊng ndam, wamp ti ndi, kapⱡa na kun tÊpa, Jura wu kÊⱡ ngui ngangÊmba mon! Rom wu nuim mumuk Sisa ei ndi, na nga ik ei pilangga, nÊmp nÊnt!” nitim. 12 Ni kÊn, Pestas elim nga ik man ngui wu mbÊ kÊn, ik nimba moⱡpa, wote Pol kundpa, nimba mel, “Nim Rom nga wu nuim mumuk Sisa ei kÊn, mbi nÊn ei mel kapⱡa pi!” nitim. 13 RumbÊⱡ mat omba puⱡnga, King Agripa kÊn, elim nga kimin amp Bernis raⱡ, wu Pestas kokila tÊk kongun ou ila mondrung ei nga, rawe itinggil pilkÊⱡ, Sesariya kona ila purÊnggil. 14 Wamp raⱡ pukÊⱡ, Sesariya kona ila rumbÊⱡ mat, ou ndupa moⱡunggila kÊn, wu Pestas ndi, Pol nga uⱡ etÊng mbÊ mel, ik timan ropa, King Agripa ngurum, nimba mel, “Wu Pol ni, ya kan manga ila petÊm ei, wu Piliks ndi, na wu ei nga ik pileimp nimba, pendpa kelpa purum. 15 Unt, na Jerusalem pur ei kÊn, Jura wu pris kuimbal mbÊ kÊn, manga wingti rÊp wu mbÊ pÊi, na kÊn ok waldÊk, ya kan manga ila petÊm wu ei, mbun mat ngump, etÊp kit mundeimp nÊk ik mat nÊtÊng. 16 Wote na ndi, wu mbÊ kundÊp, tÊn Rom wamp mbÊ ndi, punt tÊtÊm wamp ti kun tÊpÊn, mbun ngui uⱡ ei nga iti natÊtmÊn. Mong tÊtÊm wamp ei, unt ekit tÊpÊn, wamp mbÊ nga kuimp keta ila, elim ndi, nimba para ndangga nÊmp, wak rormÊn. 17 Wote, Jura wu mbÊ, ya orung ei kÊn, na ndi, ui ti tÊp keri mundi namÊndÊp, utÊma orunga, kot etmin kona ila moⱡÊp wu ei, tÊk mek wÊi nit. 18 Ei kÊn, Jura wu orung kÊⱡ ndi, wu ei mong titim nÊk, ik ti ning nÊmp pit ei kÊn, wote ik ti ni nandÊtÊm mon! Wote, ik elpa mat nÊtÊng. 19 En enim nga mbi paka rormÊn puⱡ orunga nga ik mat nÊk, wote Jisas ni, wu ti kurum nilingina, Pol ndi, kont morum nilinga etÊng. 20 Na wote, ik nÊtÊng puⱡ ei nga ti pilip kun iti natÊp kÊn, wote Pol waldÊp, nÊmp mel, Jerusalem mbun kÊn, nim nga ik ei, nÊmp kun itÊmin. 21 Ni kÊn, Pol elim ndi waldpa nimba mel, ‘Na kan manga ila piyamba, wote Rom wu nuim mumuk Sisa ndi, na nga ik ei pilangga,’ nitim. I nilinga kÊn, na ndi, kapⱡa kan manga ila piyangga. Rom wu nuim mumÊk Sisa ei kÊn mba, ui ila tÊp mundeimp,” nit. 22 Wote, king Agripa ndi, Pestas kundpa, nimba mel, “Wu ei nga ik ei, na nanim ndi pilimp!” nitim. Pestas ndi, ik punt ropa, nimba mel, “Nim utÊma kapⱡa ik ei pÊlÊn!” nitim. 23 MÊkÊlmÊ orunga, Agripa Bernis raⱡ, muⱡ kai mbÊ ralkÊⱡ, mou rormin manga kukaⱡ orunga orÊnggil. Ei kÊn, el wu kuimbal mbÊ kÊn, wote kona ila wu nuim mbÊ pora, mel kai mbÊ ralk ok, tenda ila moⱡÊngina, Pestas ndi, Pol mek ekit wÊi nilinga, tÊk mek ekit orung. 24 Wote, wu Pestas ndi, kundpa nimba mel, “King Agripa nim kÊn, wote ya wamp mormin mbÊ pora, enim ya wu ei kÊnÊi! Jura wamp ya mormin, wote Jerusalem mormin mbÊ ndi, kÊmp kÊm kundÊk, ya wu ei kuⱡangga mint nÊtÊng. 25 Wote na ndi, wu ei, rok kunding nÊtÊng ei nga koⱡmba ik puⱡ ti, kandÊp ti nÊtÊnt. Wote, wu elim ndi, wu nuim mumuk Sisa ei, kÊnimp nim ei nga, na pilip kÊn, wu ei tÊp mundunt. 26 Wote, uⱡ ei mel pilinga kandÊp kÊn, na mon ti rop pendÊp, tÊn nga Rom wu nuim mumuk Sisa ei kÊn, ngump mundimp ei nga mel ti mon. Akup king Agripa nim kÊn, wote wamp wei mormin mbÊ pora molk, ik ⱡawa mat, Pol kÊn kandÊk tÊng ndam, kapⱡa na mon ti rop, tÊn nga wu nuim mumuk Sisa ei ngeimp. 27 Na nanim ndi, Pol nga, uⱡ ⱡawa kat kandÊp ti natÊp, wote Rom wu nuim mumÊk Sisa ei kÊn, wei ngump mundimp uⱡ ei, kapⱡa iti natÊnÊm mon,” nitim.