Episis 2

1 Unt ui mbila, enim ik pili napilik, wote uⱡ kit mbÊ, etÊng ni kÊn, enim nga min orunga, koⱡpa pora ndurum. 2 Ei kÊn, enim mÊi kona uⱡ kit mbÊ pep rorung. Wote, enim ya mÊi kona kur kit mbÊ nga wu peng mumuk ei nga, ik teng ndurÊng. Kur kit ei, Got nga ik tÊk roi ndurmÊn wamp mbÊ kÊn, moⱡpa kongun etÊm. 3 TÊn unt wamp rÊⱡaip kÊⱡ kÊn, i ku etÊp murmÊn. Ei kÊn, tÊn nga kÊng orunga paka ruimin, numan ou ndupa pilpÊn ÊndÊrmÊn. Wamp wei mbÊ mel, tÊn unt metÊng ei kÊn, tÊn numan kit mbÊ, pendÊp mep urmÊn. Ei kÊn, wamp wei mbÊ mel, tÊn i ku etpÊn, Got nga popÊⱡ ila mindil noⱡmina. 4 Ni kÊn wote, Got wamp numan minal ngumba. Wote, wamp kont kul uⱡ ei, ama mandpa tetÊm ei ndi, tÊn uⱡ kit minal itmÊn mbÊ ndi, ropa kundrum ila kandpa, tÊn Kraist kÊn etpa peng kont titim. Got nga wamp poⱡ tÊtÊm uⱡ ila, enim etpa titim. 6 TÊn Kraist Jisas kÊn ⱡoporpa tÊpa, wi muⱡ kona tetÊm mel mbÊ, elim kÊn kunda rÊp itÊmin nimba itim. 7 I itim uⱡ ei, wamp rÊⱡaip akil tek oⱡa uing mbÊ, ora ndupa, elim nga wamp poⱡ tÊpa, numan ngorum uⱡ ei, oⱡa orunga tetÊm. Ei kÊn, Kraist Jisas kÊn tÊpa mot ndurum. 8 Got nga wamp poⱡ ti uⱡ ila, enim mondÊk pÊⱡÊngina, enim etpa peng kont titim. Ei nga, enim nga uⱡ ti iti natÊtÊng. Wote, Got elim nga gem ngui uⱡ ei ngurum. 9 Uⱡ ei, wamp ti ndi, elim nga ronduⱡ ila kongun etÊp tint nimba, elim nga mbi oⱡa tÊmba, mel kapⱡa mon. 10 Got ndi, tÊn mim itim. Wote, Kraist Jisas kÊn tÊp tenda etmin uⱡ ila, kongun kai mbÊ itÊmin nimba, tÊn mim itim. Ei nga, Got ndi, tÊn itÊmin nimba, unt kor nga tÊpa kun etpa tinditim. 11 Jura wamp mbÊ, kÊng kupti uⱡ etmin ei, enim pÊtmin ni, wote enim wamp rÊⱡaip elpa kÊⱡ kundÊk, ‘kÊng kupti nÊpti wamp,’ nÊtmin. Ik ei, enim pilik kai itÊi! Unt ni, (wamp kÊng ila etmin uⱡ ila mendpÊⱡ), enim kundÊk wamp rÊⱡaip elpa nÊtÊng. 12 Ui ni kÊn, enim Kraist kÊn nondpa, muⱡi nambÊrÊng. Enim mbo wamp mel morung. Got nga mbi ropa titim wamp kÊⱡ kÊn kep, muⱡi nambrÊng ku. Wote, Got elim nga wamp kÊⱡ kÊn, ik mi tepa, wote nimba mÊi ropa itim uⱡ ila kep, enim muⱡi nambÊrÊng mon ku. MÊi kona uⱡ mbÊ ndi, enim ropa wÊlÊ mundrum. Mel ti wote, ui mbila, timin nÊk pili napÊtÊng. Wote Got kep, pili napÊtÊng ku. 13 Wote, akup enim Kraist Jisas nga wamp kÊⱡ mormin. Unt enim Got kÊn roⱡ etÊk morung. Ni wote, akup Kraist nga mema oi nitim uⱡ ila, enim Got kÊn nondpa puk mormin. 14 Kraist elim ndi, moⱡpa kundi uⱡ ei ngorum. Uⱡ ei ndi, tÊn Jura wamp mbÊ kÊn, wamp rÊⱡaip elpa nÊnmÊn mbÊ, tÊpa tenda etÊm. Wamp rÊⱡaip raⱡ, unt oi kan pendÊk, el puⱡa wamp morung. Ni kÊn, Kraist ndi, elim nga kÊng ei, wak ropa, el puⱡa pitim oi kan ei, ropa puⱡa rurum. 15 Jura wamp mbÊ nga mi ik ei, Kraist elim ndi, ropa wei ai inditim. Wote rÊⱡaip raⱡ, elim kÊn tÊpa tenda etpa, wamp rÊⱡaip kont kÊⱡ muⱡeing nimba itim. I etpa kÊn, wamp rÊⱡaip raⱡ, moⱡpa kundi uⱡ ila, tÊpa ruk ndurum. 16 Kraist nde peta ila kurum uⱡ ei ndi, rÊⱡaip raⱡ tÊpa tenda itim. Ei kÊn, nde peta ila, rÊⱡaip raⱡ, tÊpa kÊng tenda etpa mepa, Got kÊn nondpa purum. 17 Wote, Kraist urum ei ndi, moⱡpa kundi RÊnang Ik Kai mbÊ nimba, enim wamp rÊⱡaip elpa, Got kÊn ruⱡ etÊk morung mbÊ kep, Jura wamp en enim Got kÊn nondpa morung mbÊ kep, pora nimba ngurum. 18 TÊn wamp rÊⱡaip raⱡ, Kraist kÊn Muⱡnga tenda ila moⱡpÊn, Wuta Got kÊn kapⱡa mbin. 19 Ei nga, enim mbo wamp rÊⱡaip kÊⱡ, akup wamp tÊma muna, nomba Êndi wamp kat mon. Wote, akup enim Got nga wamp mbÊ kÊn, rÊⱡaip tenda mormin. Got kÊn manga rapa tenda wamp kÊⱡ mormÊn. 20 Got nga manga mendpÊⱡ ei, enim wamp kÊⱡ mormin. TÊn nombuⱡa rung wu, ik painui wu na mbÊ, manga mbo nga mel moⱡmina, wote Kraist Jisas elim ei, manga paka rumÊnt mel morum. 21 Kraist elim ndi, manga ei nga melamp rukÊr orunga petÊm mbÊ, tÊpa rak ndupa ambuⱡpa, Nuim ei nga manga wingti ti muⱡangga nimba, etpa oⱡa tÊtÊm. 22 Enim manga pel ndaⱡ na ni mel, Kraist kÊn rok kundÊk moⱡÊngina, Got ndi, enim mondpa pili wamp rÊⱡaip mat kÊn, tÊpa rak nduⱡnga, enim Got nga manga mendpÊⱡ ei mormin. Manga ila, Got elim nga Muⱡnga ei, pepa morum.