Galesiya 6

1 AngmÊn, wamp nam ti ndi kÊnangina, uⱡ ⱡawa na ti em ndam, enim Muⱡnga Wingti tek mormun wamp kÊⱡ ndi, ⱡawa em wamp ei raka raka nÊk, tÊk kun mundÊi! I etÊk kÊn, enim nga orunga oⱡa tÊpa kÊni uⱡ ila ruk ping ei nga, tÊk mendÊk muⱡÊi! 2 Enim ndi, wamp ti nga mbun tÊm ila ruk puk tÊk rÊpÊndÊi! I eng uⱡ ei ndi, Kraist nga mi ik tepa nÊtÊm ik ei, omba kupa etmba. 3 Wamp nam ti ndi, elim wamp nuim ti mor ku nimba pÊtÊm ni, mon. Wote, el elim ik kol ropa ngorum. 4 Enim wamp tenda tenda ei, nim kongun etÊn ei nga puⱡ orunga nim ninim pili! Wote, kai morÊn ndam, numan kai tangga muⱡi! Wote, kai mÊn uⱡ ei, wamp ti kÊn kapⱡa mindi nÊmÊndi! 5 Nambuⱡ emel, wamp tenda tenda nÊk mbun mbÊ, en enim koma rormÊn. 6 Got nga ik pilpa ti wamp kÊⱡ, enim nga mel kai mbÊ, ik mbo wamp mbÊ kÊn mok rÊi! 7 En enim nga ik kol ei, pep rui nÊrÊi! Got ei, tÊk ik kulding wu ti, muⱡi nambrÊm. Wamp ti, rÊng mbo mundrum ei, rÊng mbo ei ku, oⱡa oⱡnga tÊpa norum. 8 Wamp nam ti ndi, elim nga kÊng orunga minal pilpa, rÊng mbo mundum ndam, rÊng mong kandpa tÊmba ei, wamp kui nga uⱡ ei, kandpa tÊmba. Wote, wamp nam ti ndi, Muⱡnga Wingti nga ik ei pilpa, rÊng mbo ou ndupa mundum ndam, ila rÊng mong kai ropa ngumba. Ei kÊn, uⱡ nga kÊnt nga kont mba mul uⱡ ei, kandpa tÊmba. 9 Ei nga, tÊn uⱡ kai itmin mbÊ nga rÊn kuⱡi naⱡpÊn. Uⱡ kai mbÊ etpÊn mint muⱡmÊn ndam, ui kupa ei, ekit om ei kÊn, tÊn nga uⱡ kai imÊn mbÊ mel, rÊng mong kai mbÊ, rangga kandÊp timin. 10 Wote ui mbila, uⱡ kai mat tÊn itmin mel em ndam, wamp mbÊ kÊn pora, iti uⱡ kai mbÊ etpÊn mbun, Nuim ei nga mondpa pili wamp kÊⱡ kÊn minal itÊmin. 11 Mon ou kat, na nga ki mendpÊⱡ ila ront kÊⱡ, enim kÊnÊi! 12 Wu mat ndi, en enim nga kÊng orunga, mek oⱡa puk enmin mbÊ ndi, enim kÊng kupti uⱡ ila, mek ruk ping enmin. I etÊk enmin uⱡ puⱡ ei, Kraist nga nde peta koma rok mbun mindil ti, uⱡ ei ti nÊtmin nÊk etmin. 13 KÊng kupti uⱡ ila mormin wamp mbÊ kep, mi ik mbÊ pep rui narÊrmin ku. Wote wamp mbÊ ndi, enim Galesiya wamp mbÊ, kÊng kupti uⱡ ei tangina, ya uⱡ ei nga, en enim kaip ninding nÊk etmin. 14 Wote, na ei mel mon. Nuim Jisas Kraist nga nde peta ei nga rom kaip mbÊ, nindimp mint. Kraist nga nde peta ila, ya mÊi kona uⱡ kai, na nga numan ila orum mbÊ, koⱡpa pora ndurum. Wote, mÊi kona wamp mbÊ nga kuimp keta ila, na wamp kui mel mor. 15 KÊng kupti uⱡ ila moⱡung ndam kep, wote muⱡi nambÊⱡmÊn ndam kep, uⱡ ti pi iti napÊmba. Got ndi, tÊn etpa kont mundÊmba uⱡ ei, tÊn kÊn kont mba pemba. 16 Wamp nam ti, ya ik nÊnt kÊⱡ, pep rok moⱡung ndam, Got nga moⱡpa kundi uⱡ ei kÊn, kont kaimp kul uⱡ mbÊ, kan piyangga! Wote, Got nga wamp mbÊ pÊkÊ, uⱡ tenda ei ndi, tÊpa tenda etangga! 17 Akup ui ei kÊn, wote ui ila wamp ti, na kÊn ik ti ni nanÊmba! Nambuⱡ emel, na nga kÊng ÊrÊⱡa kat petÊm kÊⱡ ndi, ora ndangga. KandÊk kÊn, na Jisas nga kindmant wu kupa ei mor nÊk piling. 18 Na nga angmÊn, Nuim Jisas Kraist nga poⱡ ti uⱡ mbÊ, enim kÊn kan piyangga! Ei kupa.