Ipru 1

1 Unt kor nga, tÊn nga anda kouwÊmÊn Jura wamp morung ui ei kÊn, ui ou ndupa, Got ndi, ik mat painui wu mbÊ nga keta ila nimba ekit nduⱡnga pÊtÊng. 2 Wote akup, ui pora nimba enim ila, Got ndi, elim nga kangÊm ei nga keta ila, ik nimba tÊn ngonum. Wote, ui pora nim kÊn, kangÊm ei ndi, mel mbÊ pora, elim rÊp itangga nimba tÊpa mundrum. Wote, kangÊm ei ndi, muⱡ mÊi raⱡ mim itim. 3 Got nga uⱡ eng nui mbÊ pora, kangÊm kÊn tepa rÊⱡang purum. Uⱡ ei ndi, kangÊm ei, Got nga uⱡ eng nui mbÊ pora, elim kangÊm morum ei mel, tÊn tÊpa ora ndonÊm. Elim nga ik ei, ronduⱡ minal petÊm ei ndi, mel mbÊ pora, etpa ronduⱡ mundrum. Wote, tÊn wamp mbÊ nga uⱡ kit wak rui uⱡ ei, etpa pora ndupa, elim muⱡ kona Got wu ronduⱡ pi, ei nga ki mbo orunga, wu nuim mumuk oⱡa orunga ei morum. 4 Got ndi, kangÊm mbi ou kai ti ngurum. Uⱡ ei ndi, anggelo mbÊ nga mbi mbÊ ropa mana ndupa, elim oⱡa orunga Wu Nuim ei morum. 5 Unt Got ndi, Jisas kundpa, nimba mel, “Nim na nga KangÊm ei, akup na nim nga TipanÊm ei,” nitim. Aldpa Got ndi, nimba mel, “Na nim nga Tipam ei mor, nim na nga kangÊm ei muⱡi,” nitim. Ik ei, Got ndi, anggelo ti, kundpa ni nÊndÊtÊm mon. 6 Wote Got ndi, elim nga kangÊm kumina tenda ei, mÊi kona ila ngumba mana ndupa, nimba mel, “Got nga Anggelo mormin mbÊ ndi pora, wu ei nga mint mbi paka rundeing,” nitim. 7 Wote Got ndi, elim nga anggelo mbÊ kundpa, nimba mel, “Kona kÊpkÊ mel nimba, wote elim nga kongun kindmant wamp mbÊ kundpa, ndip anmbil mel kapⱡa,” nitim. 8 Wote Got ndi, kangÊm kundpa, nimba mel, “Nuim Got Wu Nuim Mumuk ei, rÊk rÊk molkÊn mint pukÊn! Nim nga wamp tÊpa mumuk rui uⱡ ei kÊn, uⱡ kÊn kai mbÊ kÊn, nokundkÊn moⱡÊn mint pin,” nitim. 9 Wote Got ndi, kangÊm kundpa, nimba mel, “Nim uⱡ kun kai mbÊ numan ngukÊn, uⱡ kit mbÊ numan ngui nganggÊrÊn. Ei nga, Got ei, nim nga Got ei ndi, wamp wei mbÊ kelpa, nim mbi ropa tÊpa ambuⱡpa pÊl kopung ei, nim kÊn oi ndurum,” nitim. 10 Aldpa Got ndi, kangÊm kundpa, nimba mel, “Wu Nuim ye! Unt kuimp tepa nim ndi, mÊi mim itin. Wote, nim nga ki raⱡ ndi, muⱡ ei itin. 11 Muⱡ mÊi raⱡ pora ninggil, wote nim rÊk rÊk molkÊn mint pin, muⱡ mbal na, ti ping norum ni mel, muⱡ mÊi raⱡ ping nomba. 12 Nim ndi, kÊnÊng mat na ti, ambulk mÊkÊp rorÊn uⱡ ni mel, muⱡ mÊi raⱡ ambulkÊn mÊkÊp ruin. Wal pÊki unt nga na kat, mundÊk kelik, kont kat yant tÊk etmin. Uⱡ ni mel, nim ndi, muⱡ mÊi raⱡ i ku itin. Wote, nim rÊk rÊk molkÊn mint pin. Nim nga ui ti pora ni nanÊmba, mon,” nitim. 13 Unt Got ndi, kangÊm kundpa, nimba mel, “Nim tÊp na nga ki mbo orunga mundamba kÊn, nim nga el rui wamp mbÊ, nim nga kÊmp puⱡ ila muⱡeing,” nitim. Wote Got ndi, elim nga anggelo tenda ti, ik ei mel kundpa, ni nÊndÊtÊm mon. 14 Anggelo mbÊ namba mel? Muⱡnga ei ndi, anggelo mbÊ nga, Got elim kindmant kongun endÊtmÊn. Got ndi, wamp mat etpa rukÊr tÊtÊm wamp mbÊ, tÊk rapÊndÊk etmin.