Jeims 2

1 Na nga angmÊn! TÊn nga Nuim Jisas Kraist wu eng nui ei mondÊk pilÊi! Enim wamp ik kondÊk ni uⱡ ila, elpa elpa pi nÊpangga! Wote, kÊng orunga mint kandkÊn, ni nÊnÊi mon! 2 Wote, wu mel pi ti, ki ring gol ti mondpa, muⱡ eng nui kai mat raⱡpa, mou tila wangga kÊn, wote wu kurpa ti mel kit mbÊ raⱡpa omba ku. 3 Wote nim ndi, wu mel pi ti mel kai raⱡÊm wu ei kundkÊn, “Ya kona kai ila okÊn muⱡi,” nÊkÊn. Wote wu kurpa ei kundkÊn, “Int ila anggilkÊn mon,” muna, “Ya manga rÊkÊ kÊmp pÊⱡ ila muⱡi,” ning. 4 Wote enim ndi, uⱡ ei mel eng ndam, wote enim ndi, wamp kÊmp ting mel kapⱡa mon. Enim nga numan ila pilpa kit pili uⱡ ei pendÊk kÊn, wamp mbÊ kÊmp tÊtmÊn. 5 Na nga angmÊn pinmin ye! Got ndi, Ya mÊi kona ila wamp kurpa norum, mbÊ mondpa pili uⱡ ila mel piyangga kÊn, Got ndi, nimba mÊi ropa kÊn, wamp tÊpa mumuk rÊi uⱡ ei, Got numan ngormÊn wamp ei, nguimp nitim. 6 Wote enim ndi, wamp kurpa mbÊ, etÊk pipil kundÊrmÊn. Wote, enim pÊtmÊn ni, wamp mel pi mbÊ ndi, enim tÊk mana nduk, mek puk kot endÊtmin. 7 Got ndi, Kraist nga mbi kai ei, tÊpa enim kÊn pinditim ei, wamp mbÊ ndi, mbi kai ei, nÊk kit mondÊrmin. 8 Enim uⱡ kun kai mbÊ etÊk, Got nga mi ik kÊⱡ pep ruing, Buk Wingti ei ndi, nimba mel, “En enim numan ngurmin ei mel ku, nim nga mang keta kup wamp mbÊ, i ku etkÊn numan ngui!” nitim. 9 Wote enim ndi, wamp mat numan ngok wamp mat tÊk mbuⱡ nguk eng ndam, enim mi ik ei, rok puⱡa rok etmin. Uⱡ ei ndi, enim uⱡ kit mbÊ etmin! 10 Wamp nam ti ndi, mi ik mbÊ pÊi, pep ropa moⱡpa, mi ik tenda ti pep rui narÊm ndam, wamp ei ndi, mi ik mbÊ pora, ropa puⱡa rorum. 11 Ei nga, Got nga mi ik ti ndi, nimba mel, “Wu ti nga ei amp ti nÊti!” nÊtÊm. Wote, “Wamp na ti rui nÊri!” nÊtÊm. Wote, wamp na ti rokÊn kondkÊn, wu ti nga amp ei ti nÊtÊn ndam, nim ndi, Got nga mi ik mbÊ pora rokÊn puⱡa rorÊn mint. 12 Enim ik nÊk kun kai mul mel ralk uⱡ mbÊ, etÊk Êndangina kandÊk, wamp mat kan manga ila, wei wak rormin ei mel etangga. 13 Nambuⱡ emel, wamp nam ti ndi, wamp ti kont kaimp kuⱡi naⱡÊm ndam, Got ndi, wamp ei, kont kaimp kuⱡi naⱡÊmba. Wote, kont kaimp kul uⱡ ei ndi, wamp kÊmp tÊmba uⱡ ei, tÊpa mana ndurum. 14 Na nga angmÊn! Wamp ti ndi, elim mondÊp pilip mor nimba, wote elim uⱡ kai mat iti natÊm ndam, elim nga mondpa pili uⱡ ei ndi, elim etpa tÊmba nda? 15 Wote wu ÊngÊn ti, muna amp ti, wal pÊki na mat mon ndangga, wote rÊng mat nomba ei nga ti nÊtangga, wote nim ndi, ik kai mat kondkÊn nÊkÊn, “Got ndi, nim memp pindangga nÊkÊn, rÊng mbÊ nÊi nÊkÊn, wote nim ndi, wal pÊki na rÊng mat ngui ngÊngÊn ndam,” kapⱡa etmba mel? 17 Wote mondpa pili uⱡ ei, ei mel ku mondpa pili uⱡ ei kongun iti natÊn ndam, mondpa pili uⱡ ei korum. 18 Wote wamp ti ndi, nimba mel, “Nim mondkÊn pÊtÊn ei, na uⱡ kai mbÊ et,” nimba. Wote, na ndi, punt rop nÊmp mel, “Nim nga mondpa pili ei, uⱡ mat iti natÊtÊn ei, na tÊkÊn ora ndun. Ei nga, na ndi, na nga mondpa pili et uⱡ ei, nim tÊp ora nduimp,” nÊnt. 19 Nim Got tenda morum ei, mondkÊn pÊtÊn ei? Ei kapⱡa! Wote, kur kit mbÊ ndi, i ku etÊk, Got tenda morum ei nga mondÊk pilik kÊn, mundmong etÊk rut nÊtmin. 20 Nim wu wÊlÊ ti kant! Nim mondkÊn pilkÊn, wote nim uⱡ kai mat iti natÊtÊn ndam, nim nga mondpa pili ei nga ronduⱡ ti mon! 21 TÊn nga anda kouwÊ Aparam ndi, elim nga kangÊm Aisak ei, Got kÊn angge nimba, rat pol ila, kaⱡpa tindiⱡim mundrum. Ei nga, Got ndi, kandpa, Aparam kundpa, “Wu kun kai!” ei nitim. 22 Uⱡ ei nim pÊn ei? Elim nga mondpa pili uⱡ ei kÊn, elim nga uⱡ itim ei kÊn, tenda mint purum. Uⱡ ila, elim nga mondpa pili uⱡ ei, kun purum. 23 Buk Wingti ei ndi, nitim ik ei, omba kupa itim. Nimba mel, “Aparam ndi, Got mondpa pitim,” nÊtÊm. Ei nga, elim nga mondpa pili uⱡ ei ndi elinga, Got ndi, Aparam kundpa, nimba mel, “Wu kun kai ei,” nÊtÊm. 24 Enim kÊnÊi! Wamp ti, Got ndi, wu kun kai nÊtÊm ei, mondpa pili uⱡ ei, mendpÊⱡ mon! Elim nga uⱡ etÊm mbÊ kunda. 25 Wote ei mel ku, wapra amp Reiyap ni ndi, Jura nombuⱡa rung wu raⱡ, rawe etpa tÊpa, wote nombuⱡa mam elpa ronggÊt mo rokÊⱡ, mang kona pÊl nitim. Ni kÊn, Got ndi, amp ni kundpa, “Kun kai ei,” nitim. 26 Ei mel ku, muⱡnga ei ndi, wamp ti wak rom ndam, wamp ei koⱡmba. Ei mel ku, mondpa pili uⱡ ei, kongun iti natÊtÊm ndam, mondpa pili ei korum.