Jon 13

1 Pasopa rÊng nuing ui ei nondpa elinga, Jisas elim pitim ei, ya mÊi kona wak ropa, Tipam kÊn mba ui ei, nondpa itim. MÊi kona wamp mat, elim numan ngurum nimbÊ nga kont minal kuⱡpa mba, wote elim kurum. 2 Jisas kÊn elim kitip kÊni wu ni kÊⱡ kÊn, epindama Pasopa rÊng nok morung. Ni kÊn, Saimon kangÊm Juras nga numan ila, Seitan ndi, kunt ropa Jisas nga rÊk moⱡmba. 3 Jisas pitim ei, Got ndi, uⱡ ronduⱡ mbÊ pora, elim nga ki ila tinditim. Wote, elim Tipam kÊn moⱡÊp, ur ei mel ku, aldpa rukÊr mbi nimba pitim. 4 Ei nga, Jisas run nimba anggilpa, wal pÊki oⱡa ni kÊⱡ, potpa tepa, muⱡ kil ngurmin kat tÊpa, elim nga kan rÊⱡi ila, kan ropa pendpa, nu ni tÊpa, nu ming tila oi ndupa mondpa, elim nga kitip kÊni wu ni kÊⱡ nga kÊmp nimbÊ, ⱡumÊi ropa, muⱡ kil ngurmin ni kÊⱡ ndi, kil ngurum. 6 I etpa omba, Saimon Pita murum ila oⱡnga, Saimon Pita ndi, nimba mel, “Wu Nuim ye! Na nga kÊmp raⱡ ⱡumÊiya ruin en ei?” nitim. 7 Wote Jisas ndi, punt ropa nimba mel, “Na uⱡ ent ei nga, akup nim pili napÊn. Wote nim molkÊn, pilkÊn kun itin,” nitim. 8 Pita ndi, nimba mel, “Nim ndi, na nga kÊmp raⱡ ⱡumÊiya rundin mel kapⱡa mon!” nitim. Wote Jisas ndi, punt ropa nimba mel, “Nim nga kÊmp raⱡ ⱡumÊiya rui nÊrÊnt ndam, nim na kÊn muⱡi nÊmbÊⱡÊn, mon!” nitim. 9 Pita ndi, punt ropa, nimba mel, “Nuim ye! Na nga kÊmp raⱡ mendpÊⱡ mon. Na nga ki raⱡ kÊn, peng kÊn pÊi, ⱡumÊi rundil!” nitim. 10 Wote Jisas ndi, nimba mel, “Wamp nam ti, nu tepa kai em ndam, aldpa nu temba mel mon. Wote kÊmp kÊⱡ mint, ⱡumÊi rangga kÊn, kÊng mbÊ pora, eng nomba. Ei mel, enim nga kÊng kÊⱡ, eng nonum. Wote, wu tenda ti, mint mon,” nitim. 11 Jisas ndi wu tenda ti, eng nu nanÊnÊm nitim. Ei nambuⱡ emel, elim nga ruk moⱡmba ei nga pilpa nitim. 12 Wote, kÊmp ⱡumÊiya ropa pora ndupa, Jisas elim nga wal pÊki oⱡa ni kÊⱡ, tÊpa pakÊpa, elim murum nde pol nila int mba moⱡpa, nimba mel, “Uⱡ ent ei nga puⱡ ei, enim pilik kun enmin ei? 13 Na kundÊk, ik mbo wu ei nÊk, wote Wu Nuim ei nÊk enmin, ei kupa! Ei na waⱡÊm ei. 14 Na enim nga Ik Mbo Wu ei, wote enim nga Wu Nuim ei ndi, enim nga kÊmp ⱡumÊiya rondunt. Ei mel, enim ndi, i ku etÊk, en enim rÊk ila ti ndi, ti nga kÊmp ⱡumÊiya rundÊi! 15 Na ndi, uⱡ to rop enim kÊn ent ei mel, enim ndi, na nga kitip kandÊk, i ku etÊk, mek pÊi! 16 Enim ik kupa ei, kundÊp nÊnt. Kindmant wu ti, elim nga wu nuim ei, tÊpa mana ndumba, mel kapⱡa mon. Omba, nombuⱡa rÊng wu ti ndi, elim tÊpa mundum wu ti, tÊpa mana ndumba mel mon ku. 17 Ik kupa nÊnt ei, enim pilik mormin, pÊnmin ei mel etÊk, mek pung ndam, numan wang ni, uⱡ mbÊ enim kÊn pemba, nitim. 18 Ik nÊnt ei, enim pÊi kundÊp ni nanÊnt. Enim kÊmp rop tit ei, nanim pilip mor. Wote, Buk Wingti ila ik petÊm ei omba, kupa etmba. Enim ei ndi, nimba mel, ‘Wu ti ndi, na nga rÊng tÊpa nom ei ndi, na ruk muⱡÊmba.’ 19 Uⱡ wote, pemba ei nga, enim kuimp tep kundÊp nÊnt. Wote, uⱡ ei pem kandÊk kÊn, Na Wu Nam Moⱡ, ei enim ndi, mondÊk piling. 20 Enim ik kupa ei, kundÊp nÊnt. Wamp ti, na ndi, tÊp mundunt ei, nim wamp ti ndi, rawe etkÊn tin ndam, ei na rawe etkÊn tin. Wote, wamp nam ti ndi, na rawe etpa tÊm ndam, na tÊpa mundrum wu ei, rawe etpa tÊmba ku,” nitim. 21 Jisas ik nimba pora ndupa, elim mbun tÊpa nimba mel, “Na ik kupa ei, enim kundÊp nÊnt. Enim wu kÊⱡ nga ti ndi, na ruk muⱡing,” nitim. 22 Ni kÊn, kitip kÊni wu ni kÊⱡ ndi kundÊk nÊk mel, “Nam kundpa ninim nda?” NÊk pilik, rundÊk ti ndi, ti kandrung. 23 Jisas ndi, kitip kÊni wu ti, numan minal ngurum ni, elim kÊn nondpa murum. 24 Wote wu ni, Saimon Pita ndi, peng walinga ropa nimba mel, “Wu nam ti, kundpa ninim nda?” waldÊkÊn pili nitim. 25 Kitip kÊni wu ni ndi, Jisas murum nila nondpa mba moⱡpa, waldpa nimba mel, “Nuim ye! Nim nam kundkÊn nÊn?” nitim. 26 Jisas ndi, punt ropa nimba mel, “Bret ti tÊp, kopung kandÊp wu ti, ngamba tÊm wu ei, waⱡÊm ei,” nitim. Wote, bret ti tÊpa, kopung kandpa, Saimon Iskariyot kangÊm wu Juras ngurum. 27 Ni kÊn, Juras ndi, bret ni tÊpa ambuⱡnga, tÊkrÊpa mint, Seitan omba, Juras nga numan ila murum. Wote Jisas ndi, nimba mel, “Uⱡ itin ti, tÊkÊrkÊn iti!” nitim. 28 Nde pol ila morung wu nimbÊ ndi, Jisas nga nitim ik ni, tÊk mindi namindÊtÊng. 29 Juras ku moni wal kÊⱡ, rÊp itim ei nga, kitip kÊni wu ni kÊⱡ ndi pilik, Jisas ndi, ui rÊng ou ila rÊng mat, rarÊp ropa tangga, ninim nÊk pÊtÊng. Wote, mat ndi pilik, mel mbÊ tÊpa, wamp kurpa mbÊ ngangga nÊk pÊtÊng. 30 Wote Juras ndi, bret ni tÊpa, mepa, pena purum. Ni kÊn, kona ni rumbÊⱡ ropa pitim. 31 Juras ni, pena puⱡnga, Jisas ndi, nimba mel, “Akup MuⱡÊl Wu Kupa ei, mbi ou tinim. Got elim MuⱡÊl Wu Kupa ei kÊn, mbi ou tinim. 32 Got nga mbi ou tÊmba uⱡ ei, MuⱡÊl Wu Kupa ei ndi, etpa mot ndum ndam, wote MuⱡÊl Wu Kupa ei, elim mbi ou tÊmba. Uⱡ ei, Got ndi, wamp mbÊ kÊn, etpa mot ndumba. 33 Na nga kangambuⱡa mbÊ, na enim kÊn ui ruⱡ etÊp muⱡi nÊmbÊⱡimp. Ei kÊn, enim ndi, na andÊk kuring. Wote, na punt kona ila, enim ui nÊwing. Ik ei, Jura wamp mbÊ, kundÊp nit ei mel, enim kÊndÊp nÊnt. 34 Enim kÊn, mi ik kont ti, nÊmp ngÊnt ei, enim ndi, wamp mat numan ngÊi! Na ndi, enim numan ngur ei mel ku, enim ndi, wamp mat numan ngÊi! 35 Enim ndi, wamp mat numan ngÊng ndam, wamp elpa mbÊ ndi kandÊk, enim na nga kitip kÊni wu kÊⱡ, nÊk piling,” nitim. 36 Saimon Pita ndi, Jisas waldpa nimba mel, “Nuim ye! Nim nant ila pin?” nilinga. Jisas ndi, punt ropa, nimba mel, “Na akup punt kona ila, nim uin mel mon. Wote, ui ti kÊn, na pep rokÊn uin,” nitim. 37 Wote Pita ndi, waldpa nimba mel, “Nuim ye! Akup na nambuⱡ emel, nim pep rop ui nÊwimp. Na nim nga nindÊp kuⱡimp mor ei ka!” nitim. 38 Jisas ndi, punt ropa, nimba mel, “Nim kupa, na nga nÊndkÊn kuⱡin, ei nga tÊkÊn, kun etkÊn morÊn ei? Na ik kupa ei, nim kÊndÊp nÊnt. KÊi kulda rui nÊri kÊn, nim ndi, na kÊni nakÊndÊr nÊkÊn, ronduⱡ mundkÊn raldika indin,” nitim.