Jon 19

1 Wote Pailot ndi, Jisas ni mek, puk komnga pilda ndi, rÊi! nitim. 2 El wu nimbÊ ndi, kan goimbun rong mul mat, tÊk mÊkÊp etÊk, King mbÊ nga wÊna mondÊrmÊn, ei mel endÊtÊng. Wote, wal pÊki kunt ruⱡ kat i ku etÊk, tÊk pakÊndrÊng. 3 Wote, el wu nimbÊ ndi, nÊk mel, “KÊnÊiya! Ya wu ei, Jura wamp mbÊ nga Wu Nuim Mumuk ye!” nÊtÊng. I nÊk kÊn, ki raka ndi rorung. 4 Ni kÊn, Pailot aldpa pena mba, wamp mou morung nimbÊ kundpa nimba mel, “Ya kÊnÊiya! Na ndi, wu ei nga uⱡ ⱡawa ti kandÊp, ti natÊnt. Ei nga akup, mep pena omp, enim tÊp waka nduimp,” nitim. 5 Ei kÊn, Jisas ni, kan goimbun wÊna mel ni pakÊpa, muⱡ ruⱡ ni kÊⱡ raⱡpa, pena oⱡnga, Pailot ndi, wamp morung nimbÊ kundpa nimba mel, “Na nÊnt wu ni, ya kÊnÊiya!” nitim. 6 Wote, Pris kÊⱡ nga wu kuimbal kÊⱡ kÊn, rÊp wu nimbÊ kÊn, Jisas ni kandÊk, ke nÊk mel, “Nde peta ila nil ro! Nde peta ila nil ro!” nÊtÊng. Pailot ndi, punt ropa, nimba mel, “Na ndi, wu ei nga uⱡ ⱡawa ti kandÊp, ti natÊnt. Ei kÊn, en enim ndi, mek puk, nde peta ila nil rok pindÊi!” nitim. 7 Ni kÊn, Jura wamp nimbÊ ndi, punt rok, nÊk mel, “TÊn nga mi ik ti petÊm ei ndi, nimba mel, wu ei, elim Got nga kangÊm nÊtÊm uⱡ ei nga kuⱡangga!” nÊtÊng. 8 Ik ei mel nÊtÊng ni, Pailot ndi, pilpa mundmong minal itim. 9 Wote, Pailot manga ila int mba, Jisas ni, waldpa nimba mel, “Nim nant ila molkÊn urÊn?” nitim. Wote Jisas ndi, ik ti, punt rui nÊrÊrÊm. 10 Ni kÊn, Pailot ndi, Jisas kundpa nimba mel, “Nim rok kundÊi, nint ndam, rok kunding! Muna wak runt ndam, wak ruimp, ei nga ronduⱡ ei, na tep mor,” nitim. 11 Jisas ndi, punt ropa, nimba mel, “Nim Got ndi, ronduⱡ ngui nganggÊⱡnga ndam, na tÊkÊn mana ndui nandÊⱡina. Ei nga, na tÊpa, nim nga ki ila amÊndÊm wu ei nga nit ei, oⱡa mba petÊm,” nitim. 12 Pailot ndi, ik ni pilpa, nombuⱡa ti kandÊp tÊp, Jisas ni, wak rop mundimp nimba pitim. Ni kÊn, Jura wamp nimbÊ ndi, ke nÊk, “Wu ei, tÊkÊn ekit ndun ndam, nim wu nuim mumuk Sisa nga wu mÊn ti mon. Wu ti, elim wu nuim ei, nÊm ndam, nuim mumuk Sisa ei, tÊpa pei mundÊmba,” nÊtÊng. 13 Pailot ndi, ik ni pilpa, Jisas ni, mepa pena omba, elim ni, kot pÊtmÊn kona ila mana murum. Kona ei mbi tek ku pol nÊtmin. Grik ik ila mbi tek, ‘Gapata,’ nÊtmÊn. 14 Kona ni, ou rÊnggilmÊ elinga, Jura wamp nga Pasopa rÊng nuing ui ei, utÊma orunga mel pitim. Ni kÊn, Pailot ndi, Jura wamp nimbÊ, kundpa nimba mel, “Enim nga wu nuim mumuk ei ya kÊnÊiya!” nitim. 15 Wote ke nÊk, int nduk nÊk mel, “Rok konda! Rok konda! Nde peta ila pendkÊn nil ro!” nÊtÊng. Ni kÊn, Pailot ndi, punt ropa, nimba mel, “Na ndi, enim nga wu nuim mumuk ei, nde peta ila reimp ninmin ei!” nitim. Wote, Pris kÊⱡ nga wu kuimbal kÊⱡ ndi, ik punt rok, nÊk mel, “TÊn nga wu nuim mumuk tenda e, i Sisa,” nÊtÊng. 16 Wote Pailot ndi, Jisas nde peta ila reing nimba, wu ni kÊⱡ nga ki ila ngurum. 17 Ni kÊn, el wu nimbÊ ndi, Jisas tÊk ambÊⱡÊngina, elim nga nde peta ni, koma ropa, kona peng ni, wak ropa, kona ti mbi tek, ‘Wamp peng ombil,’ nÊtmÊn kona ila mepa purum. Ipru ik ila kona ei, mbi tek, ‘Golgata,’ nÊtmÊn. 18 Kona ila, Jisas ni, nde peta ila pendÊk rorung. Ni kÊn, wu raⱡ pendÊk rorung. Wu ti tÊk ki mbo orunga rok, ti tÊk, ki rar orunga rorung. Jisas ni, rÊk ting ila pendÊk rorung. 19 Wote Pailot ndi, nde peta ila mon ti, rÊi nilinga rorung ei ndi, nimba mel, “Nasaret Wu Jisas, Jura Wamp Nga Wu Nuim Mumuk Ei,” nimba murum. 20 Ni kÊn, Jura wamp minal ndi, mon kÊⱡ kÊmp rorung. Ei nambuⱡ emel, Jisas rorung kona ei, kona peng ila nondpa, wote, mon kÊⱡ Grik, Latin, Ipru ik ila rurum. 21 Wote Pris kÊⱡ nga wu kuimbal nimbÊ ndi, Pailot kundÊk nÊk mel, “Jura wamp nga wu nuim mumuk nÊkÊn, rui nÊri! Wote wu ei, el elim ndi, nimba mel, ‘Na Jura wamp mbÊ nga wu nuim mumuk ei, nÊtÊm ei mel rui!’” nÊtÊng. 22 Pailot ndi, punt ropa, nimba mel, “Na ndi, mon runt ei mel muⱡangga!” nitim. 23 Wote, el wu nimbÊ ndi, Jisas ni, nde peta ila rok pendÊk, elim nga muⱡ rÊrÊm ni kÊⱡ, potÊk tÊk kÊmp tÊk, tÊmbÊkak etÊk tÊtÊng. Wal pÊki ruⱡ ti, rumbÊⱡi nambrÊng ni, pendÊk tÊtÊng ku. 24 El wu nimbÊ, en enim nÊk mel, “Wal pÊki ruⱡ ei, ambuⱡpÊn undi nÊndÊmin! El mong poⱡpÊn kÊnamina, ambÊⱡÊm wu ti tangga!” nÊtÊng. Ni kÊn, Buk Wingti ila ik ti petÊm ei, omba kupa itim, “Na nga mel mbÊ, kÊmp tÊk, elpa elpa tÊk, wal pÊki ruⱡi kÊⱡ el mong puⱡing,” nitim. El wu nimbÊ ndi, uⱡ ei kupa etÊng. 25 Jisas nga nde peta puⱡ ila nondpa, elim nga mam Mariya kÊn, ÊngÊn kÊn, Kliopas ambÊm Mariya kÊn, Makndelin Mariya kÊn morung. 26 Jisas ndi, elim nga mam kandpa, wote elim nga kitip kÊni wu numan ngorum ni ÊnggÊtÊm. Kandpa kÊn, elim nga mam ni kundpa nimba mel, “Amp ye! Int wu ei, nim nga kangnÊm,” nitim. 27 Wote Jisas ndi, kitip kÊni wu ni kundpa nimba mel, “Int amp ei, nim nga manÊm,” nitim. Ui ni kÊn, kitip kÊni wu ni ndi, amp ni mepa, mang kona mba rÊp itim. 28 Ni kÊn, Jisas elim nga uⱡ etmba nimbÊ, etÊp pora ndunt nimba pilpa kÊn, Buk Wingti ila ik mbÊ omba, kupa etangga, nimba mel, “Na nu waka enim,” nitim. 29 Ming tila nu wain kombila iti ni, peka ropa murum ila, muⱡ pang pang iti ti, tÊk nu wain ila mana nduk, wote ndila rok tÊk, oⱡa nduk, keta min ila, kopung kandrung. 30 Wote Jisas ndi, nu wain ni nomba, nimba mel, “Pora ninim!” nitim. Ni kÊn, peng ni, mana puⱡnga, koⱡpa nuim kan ÊkrÊm. 31 Jura wamp nimbÊ ndi, Pailot kundÊk nÊk mel, “Nde petal ila rorung wu kÊⱡ nga kÊmp mbÊ, rop puk rok, nde peta ila mana teing ni!” nÊtÊng. I etÊng ei, kongun pÊmp kÊn, nambuⱡ emel, ui ei, Jura wamp mbÊ nga mowi kor ou ei kÊn, wu kÊⱡ nga kÊng kÊⱡ, nde peta ila pi napÊmba. Ei nga, mowi kor onum ei, Kor Wingti ei. 32 Wote, el wu nimbÊ ndi, kuimp tek puk, wu ti nga kÊmp raⱡ rok, puk rok, wote wu ti nga rok puk rorung. Wu raⱡ, Jisas kÊn pendÊk rorung wu raⱡ. 33 Wote ok, Jisas ni, kandrung mel, koⱡpa pora ndurum. Ni kÊn, Jisas nga kÊmp raⱡ, rok puk, rui narÊrÊng. 34 Ni kÊn, el wu ti ndi, elim nga kupanda ni, tÊpa oⱡa ndupa, Jisas nga wÊnggÊⱡÊp ila poⱡnga, tÊngÊnda mint mema kÊn, nu kÊn oi nitim. 35 Uⱡ itim kÊⱡ, wu ti kÊndrÊm. Ei nga, enim mondÊk pileing nimba kÊn, uⱡ pitim ei mel, mendpÊⱡ kundpa ninim. 36 Uⱡ ei, Buk Wingti ila petÊm ik ei, omba kupa itim: “Ei kÊn, elim nga ombil ti, rok puk rui, nÊring,” nitim. 37 Wote, Buk Wingti ila ku, ik ti ndi, nimba mel, “Wamp mbÊ ndi, kupanda ndi, purung wu ei kÊning,” nitim. 38 Ni kÊn, akil tepa, Arimatiya wu Josep ndi, Jisas nga on ei, timp nimba mba, Pailot waldpa pitim. Josep ei, Jisas nga kitip kÊni wu ti ku ei, mo ropa ÊndrÊm. Nambuⱡ emel, Jura wu mbÊ nga mundmong itim. Wote Pailot ndi, kapⱡa nilinga, Josep ndi, Jisas nga on ei, tÊpa mepa purum. 39 Wote, Nikondimas ni wu ti, Jisas kÊn rumbÊⱡ rui ik nÊtÊnggil wu ni, Josep kÊn mba, etpa kopung mura rui mat ou ndupa, 45 kilo mel mepa purum. 40 Wu ni raⱡ ndi, Jisas nga on ni kopung mura rui mbÊ ndi, kopung kandkÊⱡ, muⱡ kurÊmÊⱡa tila kum rorÊnggil. Uⱡ ei, Jura wamp mbÊ nga wamp on angÊndÊk, etmin ei mel etÊnggil. 41 Jisas rorung kona ila, nondpa kongun kona ti titim. Kona ila wamp ÊngÊndi nangÊndÊtmin kona ila, ku manga ti titim. 42 Jura wamp nga mowi kor muⱡing ui ei, nondpa itim. Wote, ku manga ei nondpa titim. Ei nga, Jisas nga on ni kona ila tetÊng.