Jon 2

1 Wote, rumbÊⱡ raldika omba puⱡnga, Galili kona peng Keina ila, amp ti, wu ngorung nila, Jisas nga mam ni, ila murum ku. 2 Jisas kÊn, elim nga kitip kÊni wu ni kÊⱡ kÊn, rung munduⱡina, puk morung ku. 3 Wote, nu wain nok pora nduⱡmina, Jisas nga mam ndi, Jisas ni kundpa, nimba mel, “Nu wain ei, pora ninim,” nitim. 4 Jisas ndi, int ndupa, nimba mel, “Amp ye! Nim ndi, na nga itimp uⱡ ei mel, nÊkÊn ngui ngÊngi! Na nga ui ei, kokila petÊm,” nitim. 5 Wote, Jisas nga mam ndi, kongun wu ni kÊⱡ, kundpa nimba mel, “Elim ndi, enim kundpa nim ik ei mel, pilik itÊi!” nitim. 6 Ku ming 6 kat titim ni kÊⱡ, Jura wamp mbÊ nga atinga rok uⱡ etmin ei nga, nu kulk, kump ki ⱡumÊi rormin ming mam nimbÊ, wei titim. 7 Jisas ndi, kongun wu ni kÊⱡ, kundpa nimba mel, “Ming mbila nu kulk mundÊi!” Nilinga, nu kulk peka rondrung. 8 Jisas ndi, kongun wu ni kÊⱡ, kundpa nimba mel, “Akup nu mbÊ kulk, mek puk, rÊng kaⱡÊm rÊp wu ei ngÊi!” nitim. Wote, nitim ni mel etÊng. 9 RÊng rup itim wu ni ndi, nomba pitim mel, nu wain mendpÊⱡ itim, “Apa ye! Nil kandÊk tÊng nda?” nimba pitim. Wote, kongun wu nu kulk, mek orung ni kÊⱡ, pilik morung. Amp titim wu ni, wi ropa kundpa, nimba mel, “Wamp pora, nu wain kai mbÊ, kuimp tek nok, wote akil tek, nu wain tÊngÊn iti nÊti ei, etmin ni. Nim nu wain kai mat titÊn ti, wote akup, nonmÊn ei ka!” nitim. 11 Ni kÊn, Galili nga kona peng Keina ila, Jisas ndi, puⱡ mondpa, uⱡ rÊpndi ti itim ila, kitip kÊni wu ni kÊⱡ ndi, elim nga ronduⱡ ei kandÊk, elim ni, mondÊk pÊtÊng. 12 Wote, Jisas elim nga mam kÊn, ÊngÊnÊl kÊn omba, elim nga kitip kÊni wu ni kÊⱡ kÊn, Kaperniyum kona peng ila puk, ui mat morung. 13 Jura wamp nga Pasopa rÊng nuing ui ni, nondpa elinga, Jisas ni, Jerusalem purum. 14 Wote, manga wingti ou ila, wamp minal kng kau na, sipsip na, kÊi na mbÊ, rarÊp rok, ku moni int yant etÊk, rat pol nimbila moⱡina kundrum. 15 Ni kÊn, Jisas ndi, kan puⱡa ti tÊpa, wamp na, kng sipsip na, kng kau na mel nimbÊ, kan puⱡa ndi ropa, makrÊpa mundpa, ku moni int yant etÊng nimbÊ, ropa mbuⱡ mbaⱡ etpa, rat pol nimbÊ, ropa kongundpa itim. 16 KÊi na mat, tek morung wamp nimbÊ, kundpa nimba mel, “Kelik mek pÊi! Na nga Wuta nga manga ei, tÊk mel rop manga rundi nÊndÊi!” nitim. 17 Kitip kÊni wu ni kÊⱡ ndi, Buk Wingti ila, ik ti petÊm ei, omba ronduⱡ nga pÊtÊng. “Got nim nga manga ei, na numan ngÊmp kÊn, na nga numan ei, ndip mel nonum,” nÊtÊm. 18 Wote, Jura wu nuim nimbÊ ndi, yant nduk, Jisas waldÊk nÊk mel, “Nim namba uⱡ rÊpndi ti, etana kandpÊn, nim uⱡ mbÊ nga ronduⱡ tekÊn molkÊn en, ei nana pilamin!” nÊtÊng? 19 Jisas ndi, punt ropa, nimba mel, “Manga wingti ou ei, rok tÊk tiyangina, na ndi, rumbÊⱡ raldika ila mendpÊⱡ, rakÊp timp,” nitim. 20 Jura wu nimbÊ ndi, ik int nduk nÊk mel, “Ya manga wingti ei rakÊⱡina, pana 46 omba purum. Nim wu ei ndi, rumbÊⱡ raldika ila, manga rakÊp timp nun ei?” nÊtÊng. 21 Wote Jisas ndi, manga wingti nitim ni, elim nga kÊng kÊⱡ kundpa nitim. 22 Wote Jisas ndi, on kona ila, ⱡoporpa omba purum ni kÊn, kitip kÊni wu ni kÊⱡ ndi, nitim ik ni, pilik tÊk rondÊk, Buk Wingti ila ik petÊm mbÊ kep, Jisas elim nga nitim ik nimbÊ, kÊmp kÊm pilingina, kupa elinga, mondÊk pÊtÊng. 23 Wote Jisas ndi, Jerusalem kona peng ou ila, Pasopa ui ou morung ni kÊn, Jisas uⱡ rÊpndi mat itim ni, wamp minal ndi kandÊk mondÊk pÊtÊng. 24 Wote Jisas ndi, i etÊng uⱡ ni, kandpa tÊpa pei mundpa kÊn, el elim ndi, wamp kÊⱡ nga ki ila, ngui ngÊnggÊrÊm. 25 Nambuⱡ emel, wamp nam ti ndi, wamp nga numan pÊtmÊn uⱡ ei nga, Jisas kundÊk ni nandÊtÊng. Nambuⱡ emel, elim ndi, wamp nga numan rukÊr kandrum.