Jon 4

1 Ui ni kÊn, Jisas ndi, Jon ni, tÊpa mana ndupa, wamp minal nu tinditim. Uⱡ ei, Perisi wu nimbÊ ndi, molk pÊtÊng. 2 Wamp minal nu tÊtÊng uⱡ ei, kitip kÊni wu ni kÊⱡ ndi, mendpÊⱡ etÊng. Jisas elim mon. 3 Jisas elim nga uⱡ itim nimbÊ, Perisi wu nimbÊ ndi, pÊtÊng ila, Juriya kona ni, wak ropa, Galili kona ila int mba pilpa kÊn, Sameriya kona ila unt ekit urum. 5 Ni kÊn, Sameriya kona peng ti, mbi tek, Saikar nÊtmÊn nila urum. Kona ni unt, Jekop ndi, elim nga mÊi ti, kangÊm Josep ngurum ni, nondpa mel titim. 6 Jekop nga nu kut kona nila titim. Ant ni omba, peng im ila pelinga, Jisas nombuⱡa ruⱡ urum ei nga, kÊmp ambuⱡnga omba, nu kut ÊldÊ ila murum. 7 Ni kÊn, Sameriya amp ti, nu kuⱡmba pilpa urum ila, Jisas ndi, kundpa nimba mel, “Na nu kot kulkÊn ngui!” nitim. 8 Elim nga kitip kÊni wu ni kÊⱡ, kona peng ila, rÊng rarÊp ruing purung. 9 Wote, Sameriya amp ni ndi, punt ropa nimba mel, “Nim Jura wu, na Sameriya amp ei wote, nu kuⱡÊp ngeimp, nÊn ei ka!” nitim. Ni, Jura wamp mbÊ kÊn, Sameriya wamp mbÊ kÊn, el rui wamp morung ei nga pilpa nitim. 10 Wote Jisas ndi, nimba mel, “Nim Got nga mel gem ngurum uⱡ mbÊ, pilkÊn mbi ndukÊn, wote na nu kulkÊn ngui nÊnt wu ei, akup kandkÊn, mbi nduⱡina ndam, wu ei kÊn, nu kot mawa etana! Wote, kont mba mul nu ei, kuⱡpa nim nguⱡnga,” nitim. 11 Amp ei ndi, kundpa nimba mel, “Nuim ye! Nu kut kona ei, ama mandpa tetÊm. Nim nu kuⱡin ming ti kep, mon ku ei ka! Kont mba mul nu nÊn ei, nil moⱡnga kulkÊn, na nguin pilkÊn nÊn nda? 12 TÊn nga anda tipam Jekop ndi, nu kut kona ei, tÊn ngurum. Unt, elim kÊn, elim nga kangÊmÊl na, wote kng kau na nimbÊ ndi, norung ku. Jekop ni wu mana, nim wu oⱡa mel nda?” nitim. 13 Wote Jisas ndi, punt ropa nimba mel, “Ya nu ei, kuⱡpa nom wamp ei, aldpa nu waka kuⱡmba ku. 14 Wote, wamp nam ti ndi, nu kuⱡÊp ngamba nom wamp ei, aldpa nu waka kuⱡi naⱡÊmba. Nu kuⱡÊp ngÊnt nu ei ndi, wamp ei nga numan rukÊr orunga, nu pit kona mel raⱡpa, pukpa omba mba, mint moⱡmba. Nu ei, pukpa omba mba, mint moⱡmba ei, uⱡ nga kÊnt nga kont mul uⱡ ei, kandpa tÊpa ngumba,” nitim. 15 Amp ni ndi, nimba mel, “Nuim ei! Nu ei na ngui! Na wote, nu waka kuⱡi nÊⱡimp. Wote, na nu kuⱡimp ont uⱡ ei, ui nÊwimp mon!” nitim. 16 Wote Jisas ndi, amp ei, kundpa nimba mel, “PukÊn wanÊm wu ei, ui nana, ya ila wangga!” nitim. 17 Amp ei ndi, nimba mel, “Na wu ti mon ei ka,” nitim. Jisas ndi, amp ni, kundpa nimba mel, “Nim wu ti mon, nÊn ei, kupa nÊn. 18 Nim unt wu 5 kat purÊn, akup wu ti kÊn morumbil ei, wanÊm wu ti mon. Nim nÊn ik ei, kupa nÊn,” nitim. 19 Amp ei ndi, nimba mel, “Nuim ei! Nim Painui Wu ti pÊnt ei ka! 20 TÊn nga Sameriya ila anda tipam ila mbÊ ndi, ya komnga ila molk, Got nga mbi paka rondrung. Wote, enim Jura wamp mbÊ ndi, tÊn Jerusalem kona ila molk, Got nga mbi paka rundeing nÊtmÊn,” nitim. 21 Wote Jisas ndi, amp ni, kundpa nimba mel, “Na ik nÊnt ei, mondkÊn pili! Ui ti, ekit om ei kÊn, Wuta nga mbi paka runding uⱡ ei, ya komnga ila mon. Wote, Jerusalem kona ila mon ku. 22 Enim Sameriya wamp mbÊ, nam nga mbi paka rondÊrmin uⱡ ei, pili napilik etmin. TÊn Jura wamp mbÊ pilpÊn, Got nga mbi paka rondÊrmÊn. Ei nambuⱡ emel, Got nga wamp etpa ti uⱡ ei, tÊn Jura wamp mbÊ kÊn ekit orum. 23 Wote ui ti, ekit omba, ni akup ekit onum. Ei nga, Wuta nga mbi paka runding uⱡ ei, wamp mbÊ ndi, Muⱡnga Wingti ei kÊn, wote uⱡ kupa mbÊ kÊn iting. Wuta ei ndi, wamp i iti mbÊ, numan ngurum. 24 Got elim Muⱡnga ei nga, elim nga mbi paka rondÊk iting wamp mbÊ, Muⱡnga ei kÊn, ik kupa raⱡ nga pol ila mint, molk iteing,” nitim. 25 Amp ei ndi, Jisas ni, kundpa nimba mel, “Mesaiya ni, Wu Kraist nÊtmin ni omba ei, na pilip mor. Omba kÊn, uⱡ mbÊ nga pora, tÊn kundpa nimba,” nitim. 26 Wote Jisas ndi, amp ni, int ndupa, nimba mel, “Nim nÊn wu ei, na akup nim kÊn, ik nimbuⱡ morumbÊⱡ ei ka!” nitim. 27 Wote, Jisas nga kitip kÊni wu ni kÊⱡ, andÊk yant ok, kandrung ei, Jisas ni, amp ti kÊn, ik nimba murum ila kandÊk rot nÊtÊng. Wote, ik nÊtÊnggil ni nga, wu ti ndi kep, waldÊk nÊk mel, “Nim namba mel numan ngÊn, muna nim amp ei kÊn, namba ik ei, nÊn nÊk kep,” waldÊk, pili napÊtÊng. 28 Wote amp ei, nu ming ei, tepa kelpa, wi kona peng nila mba, wamp nimbÊ, kundpa nimba mel, “Wu ti ndi, na nga et uⱡ mbÊ nga puⱡ ei, pilpa kelpa ninim ei, kÊneing wÊi! Wu ei, Kraist nda?” nitim. 30 Wamp nimbÊ, ik ei pilik, kona peng ni, wak rok, Jisas murum kona nila orung. 31 Wote, ant ni kÊn ku, kitip kÊni wu ni kÊⱡ ndi, Jisas kundÊk, nÊk mel, “Ik mbo wu ye! Nim rÊng ti nui!” nÊtÊng. 32 Wote Jisas ndi, wu kÊⱡ, kundpa nimba mel, “Na nga nuimp rÊng mbÊ tetÊm ei, enim pili napilik mormin,” nitim. 33 Ei kÊn, kitip kÊni wu ni kÊⱡ ndi, en enim nÊk mel, “Wamp nam ti ndi, rÊng mat ngum ei nga ninim nda?” nÊtÊng. 34 Jisas ndi, wu ni kÊⱡ, kundpa nimba mel, “Na nga rÊng ei, na tÊpa mundrum wu ei nga numan pÊtÊm uⱡ mbÊ mel, teng ndup kongun ngurum ei, etÊp pora nduimp. 35 Enim ik ti, ei mel nÊtmin. ‘RÊng rÊpa romba ei nga kalimp 4 petÊm,’ nÊtmin. Na enim ik ti kundÊp namp, pilik kai itÊi! RÊng rÊpa ropa kenim ei nga, rÊng ting ui ei, nondpa enim. 36 RÊng tÊm wu ei mel kaⱡmba, wote rÊng tepa, uⱡ nga kÊnt nga kont mul uⱡ ei, tÊpa mou romba. RÊng rarum wu ei kÊn, rÊng tÊm wu ei kÊn, raⱡ kunda numan kai pilinggil. 37 Ik kupa nÊtmin ni mel, wamp ti ndi, rÊng rarum, wote wamp ti ndi, rÊng tÊtÊm. 38 Ni mel, enim kongun iti natÊtÊng. Wote, wamp elpa mat, kongun mindil nok etÊng kona ila, na ndi, enim tÊp mundunt, rÊng tÊk mek, weing pÊi,” nitim. 39 Sameriya wamp minal ndi, Jisas kÊn mondÊk pÊtÊng. Ei nambuⱡ emel, amp ni ndi, wamp mbÊ, kundpa nimba mel, “Na nga it uⱡ mbÊ pora, pilpa mbi ndupa, ninim ik ei nga etÊng. 40 Wote, Sameriya wamp nimbÊ, Jisas kÊn ok, rÊp ropÊn muⱡamin nÊtÊng ila pilpa, kona nila moⱡpa, rumbÊⱡ raⱡ tÊpa mundrum. 41 Ik mbo inditim ni, wamp minal mondÊk pilik, wote amp ni kundÊk, nÊk mel, “Nim nga keta ila ik pÊnmin ni mon. Jisas elim nga keta ila ik punmÊn ei, mÊi kona wamp mbÊ nga Etpa TÊmba Wu waⱡÊm ei, nÊmp pÊnmÊn!” nÊtÊng. 43 RumbÊⱡ raⱡ omba puⱡnga, Jisas Galili kona ila purum. 44 Ni kÊn, Jisas elim ndi, nimba mel, “Painui wu ti nga mbi ei, elim nga mÊi mang kona ila, tÊk ou ndui nandÊrmin,” nitim. 45 Wote Jisas ni, Galili kona ila rÊk puⱡnga, wamp morung nimbÊ ndi, rawe etÊk tÊtÊng. Ei nambuⱡ emel, Jerusalem kona ila uⱡ rÊpndi mat, Pasopa Ui ei kÊn, itim kandrung ni nga, pilik etÊng. 46 Wote, Galili nga Keina kona ila, Jisas ndi, mbo nu tÊpa, wain rundrum ila int purum. Wote, gapman el wu ou ti nga kangÊm ei, Kaperniyum kona ila kui roⱡnga pitim. 47 Jisas ndi, Juriya moⱡpa, Galili kona ila onum nÊtÊng ik ei, el wu ou ni pilpa, Jisas kÊn purum. Mba kÊn, kont kaimp ik ranggÊpa, “Na nga kangÊm ei, koⱡmba enim. Nim etkÊn, tÊn nÊmp timp ont,” nitim. 48 Wote Jisas ndi, wu ei, kundpa nimba mel, “Enim uⱡ rÊpndi ou ndupa mat, kandÊk kÊn, na nga ik ei, mondÊk piling nÊnmÊn ye!” nitim. 49 Ni kÊn, el wu ni ndi, yant ndupa, nimba mel, “Nuim ye! Na nga kang ei, kuⱡi nÊⱡangga, pili nÊkÊn ui!” nitim. 50 Jisas ndi, wu ei, kundpa nimba mel, “Nim pi, nim nga kang ei kont moⱡmba ei ka!” nitim. Wu ni, Jisas nga ik ni, mondpa pilpa kÊn, wote purum. 51 Kokila puⱡnga, elim nga kongun wu nimbÊ ndi, yant ok, nÊk mel, “Nim nga kang ei kont morum,” nÊtÊng. 52 Kang ei nga tipam ei ndi, waldpa nimba mel, “Kui nant kÊn, wang nimba?” waldinga. Elim nga kongun wu nimbÊ ndi, nimba mel, “UkÊ ou runggilmÊ kui ropa wang nim,” nÊtÊng. 53 Kang ei nga tipam ni ndi, ui ei kÊn, Jisas ndi, elim kundpa nimba mel, “Nim nga kangnÊm kont moⱡmba,” nitim. Ik niting ni kÊn, pilpa mbi ndurum. Ni kÊn, elim kÊn, elim nga wamp mbo kÊⱡ pora, Jisas kÊn mondÊk pÊtÊng. 54 Jisas ni, Juriya kona moⱡpa, Galili kona yant urum ei kÊn, uⱡ rÊpndi raⱡ itim.