Jon 9

1 Jisas ni, nombuⱡa ila mba kÊndrÊm mel, wu ti metÊng kÊn, mong titim ti murum. 2 Elim nga kitip kÊni wu ni kÊⱡ ndi, waldÊk nÊk mel, “Ik Mbo Wu ye! Wu ei metÊng kÊn, mong titim uⱡ ei, nam nga ⱡawa tila itim nda? Elim nga, muna mam tipam raⱡ nga nda?” nÊtÊng. 3 Ni kÊn, Jisas ndi, punt ropa nimba mel, “Wu ei nga mong titim uⱡ ei, elim nga kep, wote mam tipam raⱡ nga kep, ⱡawa tila mon. Mong titim uⱡ ei, Got nga ronduⱡ ei, kongun em ei mel, kÊneing nimba itim. 4 Na tÊpa mundrum wu ei nga kongun, rÊnggilmÊ endamin. Wamp ti ndi, rumbuldi kongun kapⱡa iti natÊtÊmba. 5 Na ya mÊi kona ila mor ei kÊn, mÊi kona wamp mbÊ nga rÊⱡang ei na mor,” nitim. 6 Ni kÊn, Jisas i nimba moⱡpa, ol ropa mÊi ila mondpa etpa, ui endpa tÊpa, wu mong titim ni nga mong raⱡ ila kandpa kÊn, nimba mel, “Nim nu Sailom ila pukÊn, nim nga kuimp keta ei ⱡumÊi rui!” nitim. (Sailom mbi ei nga puⱡ ei, ‘TÊpa Mundrum.’) Wu ni mba kuimp keta ⱡumÊi ropa pendpa, yant oⱡnga, mong raⱡ piral nilinga, kona kÊndrÊm. 8 Ei nga, mang keta kup wamp na, unt rÊng mawa etpa moⱡnga, kandrung wamp na nimbÊ ndi, waldÊk nÊk mel, “Wu ei moⱡpa, wamp mbÊ rÊng mawa etÊm ni nda?” nÊtÊng. 9 Wamp mat ndi, “Wu waⱡÊm ei,” nÊtÊng. Wamp mat ndi, “Wu ei mel ti morum ei,” nÊtÊng. Wote, mong titim wu ni, elim nimba mel, “Na wu waⱡÊm ei,” nitim. 10 Ni kÊn, wamp nimbÊ ndi, waldÊk nÊk mel, “Nim nga mong raⱡ etpa, piral nim mel nant?” nÊtÊng. 11 Wu ni ndi, punt ropa nimba mel, “Wu ti mbi tek, Jisas nÊtmin ni ndi, ui mat tÊpa, na nga mong raⱡ ila, kandpa kÊn na kundpa, nimba mel, ‘Nu Sailo ila pukÊn, kuimp keta ⱡumÊi rui nim ila, mbo ⱡumÊi roⱡmba.’ Na nga mong raⱡ piral nilinga, kona mbÊ kÊnt,” nitim. 12 Wote, wamp nimbÊ ndi, wu ni, waldÊk nÊk mel, “Wu ei nant ila morum,” nÊtÊng. Ni kÊn, wu ni ndi, punt ropa nimba mel, “Na kÊni nÊkÊnt!” nitim. 13 Mong titim wu ni, mek puk, Perisi wu ni kÊⱡ ngurung. 14 Jisas ndi, ui mat tÊpa, wu ni nga mong rat etpa piral ndurum uⱡ ni, mowi kor mormÊn ui ila itim. 15 Ni kÊn, Perisi nimbÊ ndi, aldpa wu ni, waldÊk nÊk mel, “Nim nga mong raⱡ etpa, piral nim mel nant?” nÊtÊng. Wote, wu ni ndi, nimba mel, “Ui mat tÊpa, na nga mong ila kandÊm. Wote, na nga kuimp keta ⱡumÊi roⱡmba, mong raⱡ piral nim,” nitim. 16 Perisi wu mat ndi, nÊk mel, “Uⱡ i etpa em wamp ei, Got nga wamp ti mon. Nambuⱡ emel, mowi kor nga mi ik ei, tÊpa roi ndupa em,” nÊtÊng. Wote, wu mat ndi, nÊk mel, “Uⱡ kit etÊm wu ti ndi, uⱡ rÊpndi i etpa, mat etmba ei?” nÊtÊng. Wote, en enim nga rÊk ting ila, oi kan mel pendÊk ik nÊtÊng. 17 Ni kÊn, Perisi wu mbÊ ndi, mong titim wu ni, aldpa waldÊk nÊk mel, “Nim nga mong raⱡ etpa piral ndum, wu ei etkÊn, pÊn mel nant?” nÊtÊng. Ni kÊn, wu ni ndi, punt ropa nimba mel, “Ei painui wu ti, nÊmp pÊnt,” nitim. 18 Jura wu nimbÊ ndi, ko tÊk, wu ei kupa mong titim ila, wote akup kanim nda? Mam tipam raⱡ pilamin nÊk, waldÊk nÊk mel, “Wu ei enmbil nga kangÊm ei? Wote metÊng kÊn mong titim ninggil ndam, wote akup mong raⱡ piral nilinga, kona kandpa andnim ei etpa, em mel nant?” nÊtÊng. 20 Wote, tipam mam raⱡ ndi, punt rokÊⱡ nÊkÊⱡ mel, “Wu ei tÊl nga kangÊm ei pÊtmbÊⱡ. Wote, mong raⱡ titim uⱡ ei, tÊl pÊtmbÊⱡ ku. 21 Wote, mong raⱡ piral nilinga kanim, uⱡ ei, nam ndi, etpa piral ndum nda? Elim wu ou ei, waldÊk pilangina, punt ropa nimba!” nÊtÊnggil. 22 Mam tipam raⱡ ik i etÊk, nÊtÊnggil ni. Nambuⱡ emel, Jura wu nimbÊ nga mundmong etÊnggil. Jura wu mbÊ nga ik ti unt nÊk ronduⱡ mundrÊng. Ei kÊn, wamp ti ndi, Jisas Got nga ngurum wu ei, nÊng ndam, manga wingti ila makÊrpÊn mundmin nÊtÊng. 23 Mam tipam raⱡ ndi, ik ei nga pilkÊⱡ mundmong etkÊⱡ, nÊkÊⱡ mel, ‘Elim wu ronduⱡ ei elim waldÊk pilÊi!’ nÊtÊnggil. 24 Aldpa mong titim wu ni, wi rok tÊk kundÊk, nÊk mel, “Nim Got kÊn ik kupa ti, nÊkÊn mÊi rui! Nim nga mong etpa piral ndum wu Jisas ei, tÊn ndi, uⱡ kit etÊm wu ti, nÊmp pÊnmin,” nÊtÊng. 25 Wote, mong titim wu ni ndi, punt ropa nimba mel, “Wu ei uⱡ kit etÊm, muna mon nda, na pili napÊnt. Uⱡ tenda ti, pilip mor ei, na nga mong raⱡ unt titim. Wote akup piral nilinga, kandÊp mbi ndup mor,” nitim. 26 Aldpa Jura wu nimbÊ ndi, waldÊk nÊk mel, “Nim nga nambuⱡ ti endim? Wote nim nga mong raⱡ etpa piral ndum mel nant?” nÊtÊng. 27 Aldpa mong ti, wu ni ndi, punt ropa nimba mel, “Enim kundÊp nÊnt, ik ni pili napÊlÊng ei? Aldpa piling pilik nÊnmÊn ei? Enim wu ei nga kitip kÊni wu rÊⱡing pilik nÊnmÊn ei?” nitim. 28 Ni kÊn, Jura wu nimbÊ ndi, ik mura nguk, nÊk mel, “Nim mint wu ei nga kitip kÊni wu ei. Wote, tÊn Moses nga kitip kÊni wu kÊⱡ mormun. 29 Got ndi, Moses ik mbo inditim ei, tÊn pÊtmÊn. Wote, int wu ei, kona nant tila moⱡpa urum ei, tÊn pili napÊnmÊn,” nÊtÊng. 30 Wote, mong titim wu ni ndi, punt ropa nimba mel, “Uⱡ elpa ti mel etpa, na nga mong raⱡ etpa kai endim wu ei moⱡpa, om kona ei, enim ndi pili napÊnmin ei ka!” nitim. 31 Wote Perisi wu nimbÊ ndi, nimba nÊk mel, “TÊn pÊtmÊn ei, Got ndi, uⱡ kit etmin wamp mbÊ nga ik kum ti natÊtÊm. Wamp mat, elim tÊk ou nduk, elim nga ik teng nduk etmin wamp mbÊ nga ik kum tetÊm. 32 Unt kor nga, muⱡ mÊi raⱡ puⱡ mondpa itim ei kÊn, wamp nam ti ndi, wamp ti, mel nga mong raⱡ kit moⱡnga, wote wamp ti ndi, etpa piral ndurum timan ik ti, pepa yant yant oⱡnga, pili napÊtmÊn mon. 33 Ya wu ei, Got kÊn moⱡpa, ui nawÊⱡnga ndam, uⱡ ti mong ropa iti natilinga,” nitim. 34 Jura wu nimbÊ ndi, punt rok nÊk mel, “Nim uⱡ kit nga mur ila mondÊk metÊng wu ei ndi, wote tÊn ik mbo endÊn ei?” nÊtÊng. I nÊk, popÊⱡ kulk, wu ni, rok pep rorung. 35 Jisas ndi, wu makrÊk mundrÊng ni nga timan ei pilpa, wu ni, kandpa tÊpa, nimba mel, “Nim MuⱡÊl Wu Kupa ei kÊn, mondkÊn pÊn, muna mon nda?” nitim. 36 Ni kÊn, wu ni ndi, punt ropa nimba mel, “Wu Nuim ye! Wamp nam ti, mondÊp pilimp ei, na kundkÊn nana pilamp!” nitim. 37 Jisas ndi, nimba mel, “Nim ndi, wu ei unt kandrum ni. Wote, akup nim kÊn ik nimba morum, ei ka!” nitim. 38 Wote, mong ti wu ni ndi, nimba mel, “Wu Nuim ye! Na akup nim mondÊp pÊnt!” nitim. Nimba Jisas nga kÊmp puⱡ ila rumaⱡi pepa, elim nga mbi paka rundrum. 39 Wote Jisas ndi, nimba mel, “Na mÊi kona ila mana ur ei, wamp kÊmp tÊp mong ti wamp mbÊ, etÊp piral ndup, wote mong piral nÊtÊm wamp mbÊ etÊp, mong ti wamp rundimp pilip ur,” nitim. 40 Ni kÊn, Perisi wu mat, nondpa morung nimbÊ ndi, ik nitim ni pilik, int nduk waldÊk nÊk mel, “TÊn mong tÊtÊm ku nda?” nÊtÊng. 41 Wote Jisas ndi, punt ropa nimba mel, “Enim mong tilinga ndam, enim uⱡ kit mat, iti natilingina. Wote, enim nga mong piral nÊtÊm nÊnmÊn uⱡ ei ndi, ora ndupa, enim uⱡ kit mbÊ etÊk, mint mormÊn,” nitim.