Jut 1

1 Enim Got Tipam ndi, numan ngumba wi ropa tilinga, Jisas Kraist ndi, rÊp etÊm wamp kÊⱡ, na Jeims ÊngÊn Jut, Jisas Kraist nga kongun kindmant wu ei ndi, mon ei rop, enim ngunt. 2 Got nga wamp kont kul uⱡ na, numan wang ndui uⱡ na, wote elim nga wamp numan ngui uⱡ na mbÊ, enim kÊn piyangga! 3 Na nga mÊn mul wamp mbÊ, Got ndi, tÊn etpa titim uⱡ ei nga, enim mon ti, rop nguimp nÊmp pit. Wote ei kelip, enim Got ndi, mondpa pili uⱡ ngurum ei, ronduⱡ puk rÊp etÊk, uⱡ kit mbÊ, rok mana nduk iteing nÊmp, mon ei, rop ngunt. 4 Wamp mat, unt Buk Wingti ei ndi, kit muⱡing nitim nimbÊ, akup tÊn kÊn ruk ting ila ok molk, Got nga wamp poⱡ tÊtÊm rÊnang ik ei, tÊk pei mundÊk, wote Jisas Kraist tÊn nga wu Nuim ei, tÊk mbuⱡ ngunmin. 5 Enim pÊtmÊn ik ni, aldpa enim kundÊp namp. Ei Oⱡa Nuim ei ndi, Isrel wamp mbÊ, Isip kona ila etpa tÊpa mepa ekit urum. Wote akil tepa, elim mondÊk pili napÊtÊng wamp mbÊ ropa kundrum. 6 Ik ti unt anggelo mat, ronduⱡ tek morung mbÊ, en enim nga kongun ila meka rok, kongun etÊk kai mundi namÊndrÊng ila, en enim nga Got ndi, ngurum kona ei wak rorung. Anggelo mbÊ Got ndi, ui ou ei kÊn kÊmp tÊmba. Ei nga akup, Got ndi, tÊpa kan ngurum ei mel, rumbÊⱡ ila pek mormin. 7 Unt Sorom kÊn Gomora raⱡ kÊn, wote kona peng mat, nondpa titim mbila petÊng wamp mbÊ ndi, anggelo mbÊ etÊng ei mel, wapra rui uⱡ na, minÊpi na, minal mat etÊng ila, ndip mana ndupa, wamp minal ropa kÊrÊm. Uⱡ itim kÊⱡ, uⱡ nga kona ila, ndip ei ndi nomba ei mel, to tÊndpa itim. 8 Uⱡ tenda ei mel ku etÊk, wamp mbÊ ur kump mat etmin nÊk, en enim nga kÊng orunga, etÊk ge nduk, wote Got nga ronduⱡ ei, tÊk pei mondÊk, muⱡ ila anggelo mbÊ, ik mura nguk etmin. 9 Wote, anggelo Maikel kuimbal morum ei ndi, uⱡ mbÊ mel iti nÊtÊtÊm. Unt anggelo Maikel kÊn Seitan raⱡ, Moses nga on ei, tek piral etÊnggil. Ei kÊn, Maikel ndi, Seitan tÊpa pei mundpa ik mura ngui ngÊnggÊrÊm. Wote elim ndi, nimba mel, “Got elim ndi, nim kÊn ik ti nangga!” nitim. 10 Wote, wamp kit mbÊ, en enim pilik kun iti natÊtmÊn uⱡ mbÊ nga, ik mbuldung orunga nÊtmÊn. I etmin uⱡ ei ndi, en enim nga numan mbo ei, mel rakra mel, kapⱡa pelinga, en enim etpa kit mondrum. 11 Enim pilik kun itÊi! Wamp kit kÊⱡ ndi, unt wu Kein uⱡ kit itim uⱡ ei mel etÊk, wu Beilam ku moni timp nimba, etpa kit mundrum ei mel etÊk, wote, unt wu Kora ik tÊpa roi ndupa, elim kit murum ei mel, wamp mbÊ i ku etÊk, en enim kit muⱡing. 12 Wamp kit kÊⱡ ndi, enim min mondÊk, rÊng tÊk tenda etÊk, koik nok mormin ila, pipil kÊⱡi nalk, rÊng mbÊ ok, roldÊnga nok etmin. Wu kit mbÊ, kona kÊpkÊ ndi kopa mepa puⱡnga, kona rui narÊrÊm ni mel, wote nde ti mong rui narÊⱡnga, runggulk mundurmÊn ni mel. 13 Wamp mbÊ nga numan ei num kuta ndi, ropa omba ekit pi napÊrÊm ei mel kapⱡa. Wote wamp mbÊ mipil na ti, muⱡ ila rÊⱡang nomba mba, wote kumbrÊm ni mel kapⱡa. 14 Unt kor nga, Andam nga wamp kalk tÊk mek yant yant oⱡina, 7 itim ni kÊn, anda kouwÊ Inok ei ndi moⱡpa, ik pai nomba, nimba mel, “Ya kÊnÊiya! Oⱡa Nuim ei ndi, anggelo wingti minal mepa omba. Wamp mbÊ nga puⱡ mbÊ, akpa nimba, Got tÊk mbuⱡ nguk, wote Got kÊn el rui wamp ralk, ik minÊpi nÊk etmin wamp kit mbÊ nga, puⱡ mbÊ akpa nimba, kÊmp tÊpa etpa, elik rondÊmba,” nitim. 16 Wu kit mbÊ ndi, ik kek rÊk kak rÊk nÊk, wamp mat ik ndo ngok, en enim nga orunga ou nduk pilik, wamp mat etÊk rormin. 17 Wote, na nga wamp angmÊn mbÊ pilÊiya! Enim unt nombuⱡa rÊng wu kÊⱡ ndi, tÊn nga Nuim Jisas Kraist nga ik mat kundÊk nÊtÊng nimbÊ, pilik mint muⱡÊi! 18 Enim unt nÊk mel, “Ui pora nimba ei kÊn, wamp mat ndi, Got nga uⱡ eng mbÊ kandÊk, oi endÊk, en enim nga orunga uⱡ kit iting mbÊ nga ou nduk piling,” nÊtÊng. 19 Wamp iti mbÊ, Muⱡnga Wingti tek muⱡi nambÊlk, wamp etÊk geka nduk, en enim nga kÊng orunga ou nduk pilik etmin. 20 Wote, enim wamp angmÊn mbÊ, en enim nga mondpa pili wingti ila, ronduⱡ puk molk, Muⱡnga Wingti ei kÊn atinga rÊi! 21 Enim Got nga wamp numan ngui uⱡ ila muⱡangina, tÊn nga Nuim Jisas Kraist nga wamp kont kÊⱡ uⱡ ei ndi, enim uⱡ nga kÊnt nga kont mul uⱡ ei tÊpa ngumba, ei nga nokundÊk muⱡÊi! 22 Wamp kont kul uⱡ ei, mondpa pili ronduⱡ pi napÊm wamp mbÊ kÊn etÊk, wote wamp mat, ndip nuing mbÊ etÊk tÊi! Wote, uⱡ kit eng wamp mbÊ, kont kulk uⱡ kit eng mbÊ enim oⱡÊmp ting ei nga, ok tÊk muⱡÊi! 24 Enim kawa ndupa romba ei nga, peng manga rakpa muⱡangga, ambulk palk uⱡ eng nui mbÊ molk ting. 25 TÊn nga Etpa Ti Wu Got aⱡÊm ei, tÊn nga Nuim Jisas Kraist ei ndi, etpa mon mondpa, kaip nindpa etangga! Wamp mumuk rui omba uⱡ ombil Êmbil mbÊ, elim kÊn uⱡ nga kÊnt nga kont mul uⱡ ei, pimba ei nga petÊm. Ei kupa.