Luk 22

1 Bret yis mundi namÊndÊrmin Mowi Kor ui ei, mbi tek, Pasopa rÊng normin. Ui ei nondpa mel pitim. 2 Ni kÊn, mi ik mbo wu na, Perisi wu na mbÊ ndi, wamp mbÊ nga pilik, mundmong etÊk, nÊk mel, “Namba uⱡ ti etpÊn, Jisas imp moⱡpÊn, rop kundmin nda?” nÊk pÊtÊng. 3 Kitip kÊni wu 12 kÊⱡ nga wu ti nga mbi, Juras, mbi ti tek, Iskariyot nÊtÊng. Wu ni, Seitan ndi, rukÊr orunga moⱡpa, kunt kunt rurum. 4 Juras ni mba, wu pris kuimbal na, manga wingti ou mbila wu nuim nimbÊ kÊn, rÊk murum. Jisas tÊpa, wu kÊⱡ ngumba ei nga nombuⱡa ti kÊrÊrÊm. 5 Wu nimbÊ, numan mam ti, Juras kÊn nguk, Juras kandÊk, ku moni na mat nguimin nÊk nÊtÊng. 6 Wu ni kÊⱡ nga nÊtÊng ik ni, Juras ni, kapⱡa nimba, Juras ndi, Jisas tÊpa, wu kÊⱡ nga ki kaimp ila ngumba. Ei nga, nombuⱡa mam ti, kurpa nokundpa, moⱡpa mba, wote wamp mbÊ, Jisas kÊn rÊp rok, muⱡi nambÊⱡangina kÊn, kiyang nÊmp, Jisas tÊp nguimp nimba pitim. 7 Mowi kor mormÊn ant ila bret yis mundi namÊndÊrmin ui ei urum. Ant ei kÊn, kng sipsip waⱡ mat rok, Pasopa rÊng nuing ei nga tÊk kun etÊng. 8 Wote Jisas ndi, Pita kÊn Jon raⱡ, kuimp tepa tÊpa mundpa kÊn, kundpa nimba mel, “Enmbil pukÊⱡ, Mowi Kor rumbuⱡ ila rÊng nuimin mat, tÊkÊⱡ kun itinggil pÊl!” nitim. 9 Wu raⱡ ndi, Jisas kÊn int ndukÊⱡ, waldkÊⱡ nÊkÊⱡ mel, “TÊn nga rÊng nimin mbÊ, kona nant tila, tÊpÊⱡ kun itimbil, nÊkÊn nÊn ei?” nÊtÊnggil. 10 Jisas ndi, wu raⱡ, kundpa nimba mel, “Enmbil pukÊⱡ, Jerusalem kona peng ila panggila kÊn, wu ti, nu ming mam ti, nu kuⱡpa mepa om wu ei, pep rokÊⱡ pukÊⱡ, wu ei mba, mukÊr pum manga ila, mukÊr pukÊⱡ kÊn, manga puⱡ wu ei, waldkÊⱡ nÊkÊⱡ mel, ‘Ik mbo wu ei ndi, nim waldpa, na nga kitip kÊni wu kÊⱡ kÊn, Pasopa rÊng moⱡpÊn nimin, manga kÊkaⱡ ei nant nda?’ tÊl tÊkÊn, ora ndana kÊn, 12 wu ei ndi, enmbil tÊpa ora ndumba ei, manga kÊkaⱡ oⱡa orunga ila, rÊng noⱡÊp nuimin mel mbÊ pora, tetÊm kona ila mel mbÊ, tÊkÊⱡ kun etkÊⱡ muⱡÊl!” nitim. 13 Wote, wu ni raⱡ, pukÊⱡ kandrÊnggil mel, Jisas ndi, nitim uⱡ nimbÊ mel pitim. Wote, rÊng nuing nimbÊ, tÊkÊⱡ kun etkÊⱡ morunggil. 14 RÊng nuing ui ei, nondpa itim ila, Jisas na, elim nga kitip kÊni wu ni kÊⱡ kÊn kunda, rat pol nila morung. 15 Kona ila, Jisas ndi, kitip kÊni wu kÊⱡ, kundpa nimba mel, “Na akup enim kÊn rÊp rop moⱡÊp, Pasopa nimin ei, numan enim. Wote, na mindil nuimp!” nitim. 16 Jisas ndi, wu ni kÊⱡ, kundpa nimba mel, “Na ndi, enim ik kupa kat kundÊp nÊnt. Na enim kÊn rup ropÊn moⱡpÊn, Pasopa rÊng ti, wote nui nÊnmÊn. WakÊt, Got nga wamp tÊpa mumuk rui uⱡ kupa ei, ekit om ei kÊn, Pasopa rÊng ei nga puⱡ ei, mot nÊm kÊn, na kÊning,” nitim. 17 Wote Jisas ndi, nu wain ming n, tÊpa ambuⱡpa oⱡa ndupa, Got kÊn angge nimba, wote kitip kÊni wu kÊⱡ, kundpa nimba mel, “Enim ya nu ming ngÊnt ei, kÊmp tÊk nÊi! 18 Na ndi, enim kundÊp nÊnt. Akup nga ant ila enim kÊn, ming ila nu wain nont ei manda. Wote, na nu wain enim kÊn, moⱡÊp nuimp ei, Got nga wamp tÊpa mumuk rui uⱡ ei, ekit om ei kÊn nuimin,” nitim. 19 Wote Jisas ndi, bret ni tÊpa ambuⱡpa, puk ropa oⱡa ndupa, Got kÊn angge nimba, tÊpa elim nga kitip kÊni wu kÊⱡ ngumba, nimba mel, “Ya ei na nga kÊng ei, ei ndi, enim tÊpa rÊpÊndangga nÊmp ngÊnt. Enim tÊk nok molk, wote na pilik mint muⱡeing nÊmp ent,” nitim. 20 RÊng nok pora nduⱡmina kÊn, wote nu wain ming ni tÊpa, ambuⱡpa oⱡa ndupa, Got kÊn i ku etpa, angge nimba kÊn, kitip kÊni wu kÊⱡ ngumba, nimba mel, “Ya nu wain ming ei, na nga mema ei, enim kÊn nÊmp mÊi ruimp mema ei, oi nimba kÊn, enim tÊpa rapÊndÊmba,” nitim. 21 Jisas ndi, wu ni kÊⱡ, kundpa nimba mel, “Ya kÊnÊi! Na ki ambuⱡpa tÊpa, el puⱡa wu mbÊ nga ki kaimp ila ngumba wu ei, na kÊn nondpa rat pol ila morum wu ei. 22 Wu ei nga MuⱡÊl Wu Kupa ndi, nombuⱡa mam ti unt to ropa tinditim ila pep romba. Wu ti ndi, MuⱡÊl Wu Kupa ei, tÊpa el puⱡa wu kÊⱡ nga ki kaimp ila ngum wu ei, mong mam ti tÊmba!” nitim. 23 Wote, kitip kÊni wu ni kÊⱡ ndi, en enim int yant etÊk, waldÊk nÊk mel, “Uⱡ ei, nam ti ndi, etmba nda?” nÊtÊng. 24 Wote, kitip kÊni wu kÊⱡ, en enim nga rÊk ila, puⱡ mondÊk ik palk, wu nam ti, kuimbal moⱡmba nda waldÊtÊng. 25 Jisas ndi, kitip kÊni wu ni kÊⱡ, kundpa nimba mel, “Wu king mat, wamp rÊⱡaip mat nga kuimbal molk, wamp mbÊ rÊp etÊk etmin wu kÊⱡ, uⱡ kai mbÊ elingina, mbi moⱡpa etÊm. 26 Wote, enim uⱡ ei mel iti natÊnmÊn, mon ei ka! Wu nam ti, kuimbal muⱡimp nimba pilim wu ei omba, akil tiyangga! Enim nga kuimbal moⱡpa, rÊp itimp nimba pilim wu ei ndi, enim tÊpa rapundpa kindmant kongun endpa tangga! 27 Enim pilÊi! Nam kuimbal moⱡmba? Wu nam ti, rÊng nomba moⱡum ei, muna kindmant wu ti, rÊng kaⱡpa mepa om ei? RÊng moⱡpa nom wu ei, kuimbal moⱡmba. Wote, na ya enim nga rÊk ting ila moⱡÊp, enim tÊp rapÊndÊp, kindmant kongun endÊp mor. 28 Uⱡ mat ndi, na oⱡa tÊpa kanÊmba om ndam, enim na kÊn kunda, rÊp rok muⱡing ei ka! 29 Na nga Tipam ei ndi, Got nga wamp tÊpa mumuk rui uⱡ ei, na ngurum. Na ndi, Got nga wamp tÊpa mumuk rui uⱡ ei, akup enim nguimp. 30 Got nga wamp tÊpa mumuk rui kona na ndi, enim nguimp kona ila enim rat pol mbila molk, rÊng na, nu na mel mbÊ nuing. Enim rat pol kai mbila molk, wote Isrel wamp rÊⱡaip 12 kÊⱡ, kÊmp tÊk iting,” nitim. 31 Wote Jisas ndi, nimba mel, “Saimon, Saimon, nim kum tekÊn pili! Seitan ndi, enim nga mondpa pili oⱡa tÊpa, kanmba uⱡ ei, nimba pora ndum. Uⱡ ei, wit mong kÊⱡ ambulk, mÊk tÊk, elim muna kÊn, ⱡawa kÊⱡ purum ni mel, enim kÊn etmba ei ka! 32 Na ndi, enim nga tÊp rapÊndÊp, atinga rondÊp pora ndÊnt uⱡ ei ndi, nim nga mondpa pili ei, mana pi napÊmba. Nim wote, kelkÊn ropÊl rokÊn, na kÊn yant okÊn, nim nga ÊngÊnÊl kÊⱡ, nÊkÊn ronduⱡ mundi!” nitim. 33 Pita ndi, int ndupa, Jisas kundpa nimba mel, “Wu Nuim ye! Nim kan manga ila pun ndam kep, kun ndam kep, na kunda rÊp ropÊⱡ mbil mint,” nitim. 34 Jisas ndi, Pita ni, kundpa nimba mel, “Pita, akup rumbÊⱡ ila, kÊi kulda rui nÊri! Nim ndi, na pili napÊt nÊkÊn, raldika indin,” nitim. 35 Jisas ndi, elim nga kitip kÊni wu kÊⱡ, kundpa nimba mel, “Na ndi, enim unt tÊp mundÊr ni kÊn, ku moni wal na, kÊmp rÊk na mel mat, mek pi naprÊng ni kÊn, enim mel mat nga mon ndurum, muna mon?” nitim. Wu kÊⱡ ndi, “Mon ndi nÊndrÊm!” nÊtÊng. 36 Jisas ndi, wu kÊⱡ, kundpa nimba mel, “Ku moni na, wal na mel mbÊ tÊk mek, kur koiya ti natÊm wu ti, elim nga wal pÊki kÊⱡ tÊpa, wamp mat kÊn, kur koiya rarÊp ropa tangga! 37 Uⱡ ei, nambuⱡ emel, Buk Wingti ila, MuⱡÊl Wu Kupa ei nga, nÊtÊm ni mel, ‘Wu ei, elim wamp mbÊ ndi, etÊk kit munding,’ nÊtÊm. Ni mel, na ndi, enim kundÊp nÊnt. Uⱡ kÊⱡ, na kÊn pemba. Buk Wingti ila uⱡ kat, na kÊn omba nÊtÊm kÊⱡ, akup omba kupa etmba. 38 Kitip kÊni wu kÊⱡ ndi, Jisas kundÊk, nÊk mel, “Wu Nuim ye! Nim ya kÊni! TÊn koiya raⱡ mint, tepÊn mormÊn,” nÊtÊng. Jisas ndi, wu kÊⱡ, kundpa nimba mel, “Koiya raⱡ manda,” nitim. 39 Jisas ni, kona murum ni, wak ropa mba, wi Komnga Olip nila, atinga unt rurum uⱡ ei mel, romba purum. Elim nga kitip kÊni wu kÊⱡ, akil tek pep rok purung. 40 Komnga ila ruk puk kÊn, Jisas ndi, wu kÊⱡ, kundpa nimba mel, “Enim atinga rok mint muⱡÊi! Ei nga wote, uⱡ mbun mindil mbÊ, enim kÊn ui nÊwangga!” nitim. 41 Nimba pendpa, Jisas ndi, wu kÊⱡ, wak ropa mba, ruⱡ etpa mel, mura ropa mondpa, atinga ropa, nimba mel, “Wuta! Nim nga numan ei ndi, na nga mindil nuimp uⱡ ei, timp nin ndam, timp. Nim ndi, na nga numan ei pep rui nÊri, mon! Nim nga numan ei ndi, pin uⱡ mbÊ mel iti!” nitim. 43 Ni kÊn, muⱡ kona anggelo ti ndi omba, Jisas etpa ronduⱡ mundrum. 44 Jisas ni pitim ei, mbun itim ila, atinga ronduⱡ mundpa roⱡnga, elim nga kÊng ila kur mema raⱡ nu mel, oi nitim. 45 Wote, atinga ropa pora ndupa, oⱡa anggilpa omba, elim nga kitip kÊni wu kÊⱡ, kÊndrÊm mel, numan mbun minal tÊk, ur pek morung. 46 Jisas ndi, wu kÊⱡ, kundpa nimba mel, “Nambuⱡ emel, enim ur mint pek mormÊn? Oⱡa molk, atinga rok mint muⱡÊi! TÊpa kawa ndangga, uⱡ mbun pi mbÊ, enim kÊn wangga, enim mana ping,” nitim. 47 Jisas ni, ik nimba moⱡnga kÊn, wu rÊⱡaip mam ti orung. Kitip kÊni wu 12 kÊⱡ nga wu ti nga mbi, Juras nÊtmin. Wu ei ndi, wu kat nombuⱡa ora ndupa, mepa urum. Juras ni, Jisas kÊn nondpa omba, keta nu ropa nuimp nimba itim. Wote, Jisas ndi, Juras waldpa, nimba mel, “Juras, nim ndi, MuⱡÊl Wu Kupa ei, keta nu rok nokÊn, wote wu ei, tÊkÊn el puⱡa wu kÊⱡ, nguin pilkÊn en ei?” nitim. 49 Kitip kÊni wu kÊⱡ, Jisas kÊn rÊp rok molk, kandrÊng mel, uⱡ ni kÊⱡ etÊng ila, wu ni kÊⱡ ndi, nÊk mel, “Wu Nuim ye! TÊn koiya tep mormÊn ei ndi, wu mbÊ ramin ei?” nÊtÊng. 50 Kitip kÊni wu ti ndi, koiya pinditim ni, ekit tÊpa, wu pris kuimbal ei nga kongun wu ni, koiya ndi, kum mbo orunga ropa, puⱡa rurum ila mana urum. Wote Jisas ndi, uⱡ ni kandpa, nimba mel, “Uⱡ ⱡawa en ei, wak rui!” nitim. Nimba kÊn, wu ni nga kum ni, tÊpa aldpa ropa rÊmp ndupa, mundrum ila kapⱡa itim. 52 Wote Jisas ndi, wu pris kuimbal na, manga wingti rÊp wu na, wu nuim na mbÊ, kundpa nimba mel, “Enim kur koiya na, tÊmbÊⱡ na mat, mek onmÊn mbÊ, kindÊp nomba, el ropa ik pili napilim wamp ti, imp muⱡing pilik onmÊn ei? 53 Ui mbila rÊk rÊk, na manga wingti ou ila rukÊr mor ni, wote enim ndi, na imp muⱡi nambÊrmÊn ni ka! Akup nga ui ei, enim nga ti pÊnt. RumbÊⱡ ei ndi, rÊⱡang ei kapⱡa, ropa mana ndumba,” nitim. 54 Jisas ni, ik nimba pora nduⱡnga, imp molk mek puk, wu pris kuimbal kÊⱡ nga manga ila mukÊr purung. Pita ni, akil tepa mba, ruⱡ etpa murum. 55 Wu mat, manga ei nga paⱡa rukÊr ndip kalk morung kona nila, Pita kunda rÊp rok morung. 56 Pita ni, ndip pilpa murum ila, kongun amp ti ruk omba, Pita ni, nem nÊm kandpa, amp ni ndi, nimba mel, “Wu ei, Jisas kÊn rÊp rokÊⱡ, andrÊmbil ndi ka!” nitim. 57 Wote Pita ndi, amp ni, kundpa nimba mel, “Jisas ni wu ei, na pili napÊt,” nitim. 58 Wote, wu ti ndi omba, Pita murum ni, kandpa mbi ndupa, nimba mel, “Wu ei, Jisas nga rÊⱡaip ila wu ei ka!” nitim. Pita ndi, int ndupa, nimba mel, “Na Jisas nga kitip kÊni wu ti mon!” nitim. 59 Wote moⱡnga, ant mong ti omba puⱡnga kÊn, wu ti ndi omba, Pita nem nÊm kandpa, ronduⱡ mundpa, nimba mel, “Kupa mendpÊⱡ, Jisas kÊn Galili kona ila wu raⱡ,” nitim. 60 Wote Pita ndi, int ndupa, nimba mel, “Nim nga nÊn, ik ei, na pili napÊt ik mat nÊn ei ka!” Pita ik nimba moⱡÊng mel, tÊngÊnda mint, kÊi kulda rurum. 61 Ni kÊn, Nuim ei ndi, tÊpa ropÊl ropa, Pita kanduⱡnga mel, wote elim numan tÊpa mundpa, pitim mel, Wu Nuim ei ndi, ik kat, elim unt kundpa, nitim kÊⱡ pitim. Nimba mel, “Akup rumbÊⱡ ila, kÊi kulda rui nÊri kÊn, nim ndi, na pili napÊt nÊkÊn, raldika indin,” nitim ik kÊⱡ, Pita pitim. 62 Wote Pita ni, mindil tÊpa, ka etpa, pena purum. 63 Jisas imp morung wu mbÊ nga mat ndi, Jisas nga mong raⱡ muⱡ ti ndi, kum rok pendÊk, tÊmbÊⱡ ndi rok, tÊk ik kuldÊk, waldÊk nÊk mel, “Nim wu nam ndi, ronum ei?” ÊldÊ ndukÊn, ni nÊtÊng. 65 Wote, wu mbÊ ndi, ik kit mat, Jisas kundÊk nÊtÊng ku. 66 MÊkÊlmÊ ant ei oⱡa oⱡnga, Jura nga pris kuimbal wu na, manga wingti rÊp wu na, mi ik mbo wu mbÊ kÊn, mou tenda ila rorung. Mou rok morung kona nila, Jisas tÊk mek, kaunsil ei nga kuimp keta ila puk, nÊk mel, “Nim ndi, tÊn kundÊk ni! Nim Got ndi, tÊpa mundpa kÊn, wamp mbÊ etkÊn, rukÊr ti nitim wu ei, muna wu elpa ti nda?” nÊtÊng. Ei mel, nilingina kÊn, Jisas ndi, punt ropa, nimba mel, “Na ndi, enim ik ei kundÊp, nint ndam, enim ndi, kapⱡa pilik poⱡ ndui nÊnding. 68 Wote, enim nam ndi, ik kat waldÊp, nint ndam, enim ndi kapⱡa punt rui nÊring. 69 Ei nga akup, MuⱡÊl Wu Kupa ei, kÊmp kÊm mba, Got Ronduⱡ Purum ei nga ki mbo orunga moⱡmba,” nitim. 70 Wu nimbÊ ndi, Jisas waldÊk, nÊk mel, “Nim Got KangÊm ei?” nÊtÊng. Jisas ndi, wu mbÊ kundpa nimba mel, “Enim pilik nÊnmÊn ei ka!” nitim. 71 Wu nimbÊ ndi, nÊk mel, “Namba ik ti, wu mbÊ wi ramina kÊn, ok nangina pilmin? Ya wu ei nga keta mÊn ila, ik nÊnÊm kÊⱡ, tÊn pilpÊn pora ndÊnmÊn,” nÊtÊng.