Luk 4

1 Wote Jisas ni, Muⱡnga Wingti ndi, rukÊr orunga peka rurum ila, nu Joran ni, wak ropa kelpa yant urum. Ei kÊn, Muⱡnga Wingti ndi, Jisas tÊpa mepa mba, kona kui waka tila mundrum. 2 Kona kui waka nila, Jisas ni, Seitan ndi, oⱡa tÊpa kandpa mint moⱡnga, rumbÊⱡ 40 omba purum. Ui ni kÊn, Jisas ni, rÊng ti nui nandpa murum ei nga kump kun ndi kurum. Wote Seitan ndi, Jisas kundpa nimba mel, “Nim kupa Got nga kangÊm ndam, ku ei nana, omba oka rÊⱡ angga!” nitim. 4 Wote Jisas ndi, punt ropa Seitan kundpa nimba mel, “Got nga rÊnang ik ei ndi, nimba mel, ‘Oka ndi mendpÊⱡ, wamp kont mul uⱡ ei, ngui nganggÊrÊm mon!’” nitim. 5 Wote Seitan ndi, Jisas ni tÊpa mepa wi komnga mong ila oⱡa mba mul, uⱡ tepa purum nimbÊ, Jisas ni, tÊkrÊpa mint ora ndurum. Ni kÊn, Seitan ndi, Jisas kundpa nimba mel, “MÊl kÊmp ila tetÊm mel mbÊ nga ronduⱡ mbÊ pora, nim nguimp. Ya mel mbÊ pora, na ngurum ei nga, na nga mint tetÊm. Ei nga, na ndi, nguimp nÊmp pÊnt, wamp ti nguimp mint. 7 Ei nga, akup ila, nim ndi, mura rokÊn mondkÊn, na nga mbi paka rundÊn ndam, ya mel mbÊ pora, nim nguimp mint,” nitim. 8 Jisas ndi, Seitan nga ik nitim punt ropa nimba mel, “Got nga RÊnang Ik ila nimba mel, ‘Nim nga Nuim Got tenda ei nga mint, mbi paka rokÊn, kindmant indi, nÊtÊm ni ka!’” nitim. 9 Wote Seitan ndi, Jisas ni, tÊpa mepa mba, Jerusalem kona peng ni nga manga wingti mam im ila mundpa, Jisas kundpa nimba mel, “Kupa nim Got nga kangÊm ndam, pÊkÊ rokÊn mana pana kÊnamp. 10 Ei nambuⱡ emel, Got nga RÊnang Ik Kai ei ndi nÊtÊm, ‘Got elim nga anggelo mbÊ kundpa nangga, nim rÊp etmba, nokundÊk kai munding, nÊtÊm. 11 Wote, nim ku ndi, ropa kÊmp kit mondpa etmba ei nga, anggelo mbÊ ndi, ki pol ila mondÊk mek ping nÊtÊm ni ka!’” nitim. 12 Wote Jisas ndi, punt ropa nimba mel, “Got nga rÊnang ik kai ei ndi, nimba mel, ‘Nim nga Nuim Got tenda ei kÊn, oⱡa tÊkÊn kÊni nÊkÊni mon!’ nÊtÊm ni ka!” nitim. 13 Seitan ndi, Jisas ni, uⱡ elpa elpa mbila oⱡa tÊpa kandpa, pora ndupa kÊn, Jisas wak ropa, wote ui mat ila oⱡa tÊp kÊnimp nimba pilpa, kelpa purum. 14 Wote Jisas ni, Muⱡnga Wingti ei ndi, ronduⱡ nguⱡnga, Galili kona ila int purum. Galili kona ila wamp mbÊ molk pÊtÊng ei, Jisas ni, Galili kona ila omba morum nÊtÊng. 15 RÊk rÊk Jisas ndi, atinga manga kel titim mbila, wamp mbÊ ik mbo enduⱡnga, wamp mbÊ pora, Jisas nga mbi paka rondrung. 16 Jisas ni, kang kel kÊn mba, Nasaret kona peng ila moⱡpa, ou itim kona ila, mowi kor mbÊ kÊn, rÊk rÊk atinga manga kel mbila, mba itim ei mel ku purum. Kona ila moⱡpa, Got nga rÊnang ik kai mon mat, kÊmp ruimp nimba, oⱡa anggilinga. 17 Wamp mbÊ ndi, Painui wu Aisaiya nga rurum Buk Wingti kÊⱡ tÊk ngurung. Buk ila ik mong kÊⱡ mel murum ila kandpa titim, 18 “Got nga Muⱡnga Wingti ei, na kÊn omba morum. Uⱡ ei, nambuⱡ emel, Got elim ndi, na Wu Nuim muⱡimp nimba, kopung kandpa, memp pinditim ei ndi, elim nga ik mong kai kÊⱡ mek pukÊn, wamp mbÊ kÊn kundkÊn ni nitim. Got elim ndi, na tÊpa mundpa kÊn, kan manga ila petmin wamp mbÊ, kan pilinga ndana kÊn, wamp mbÊ wei muⱡeing nitim. Mong rumbina wamp mbÊ, nana mong makilik kÊneing. Wamp mat mbun mam tÊk mormin mbÊ, etpa piya ndumba. 19 Wote, Got elim nga wamp etpa tÊmba ui ei, nimba mot nduimp,” nitim. 20 Wote Jisas ni, ik nimba pora ndupa kÊn, buk ni kÊⱡ tÊpa rÊp etÊm wu ni, elim ngumba kÊn, Jisas ni mana murum. Atinga manga kel ila morung wamp nimbÊ ndi, Jisas mong rÊk rÊk etÊk kandrÊng. 21 Wote Jisas ndi, wamp mbÊ kundpa nimba mel, “Got nga ik mong kat buk ila, enim kÊmp rop ngÊnt pÊnmin ni kÊⱡ akup omba kupa enim,” nitim. 22 Nitim ila, wamp mbÊ ndi, Jisas nga kaip nÊndÊk ik mong kai mat nitim nimbÊ, pilik min ngÊn mundÊk etÊng. Wote, wamp mbÊ ndi nÊk mel, “TÊn pÊtmÊn ni, wu ei, Josep nga kangÊm ni ka, ik mong min ngÊi ninim kÊⱡ namba etpa ninim nda?” nÊtÊng. 23 Jisas ndi, wamp mbÊ, kundpa nimba mel, “Kupa, enim ndi, na ik ek ti rok, wu dokta ye! ‘Ninim nga kÊng kÊⱡ etkÊn kai iti!’” ning. Wote enim ndi, nÊk mel, “Jisas nim ndi, Kaperniyum kona ila uⱡ itÊn pitmin ni mel, akup ya nim nga mÊi kona ila uⱡ ei mel ku iti!” nÊtÊng. 24 Wote Jisas ndi, nimba mel, “Enim ik kupa ei, kundÊp nÊnt. MÊi puⱡ painui wu ti, elim nga mÊi kona ila wamp mbÊ ndi, numan ngui nganggÊrmÊn. 25 Enim ik kupa kat kundÊp nÊnt, unt wu Ilaija murum ei kÊn, amp wiya mat ou ndupa, wam ila korung mbÊ, Isrel mÊi kona ila morung. Ui ei kÊn, kona ndamÊng rui narÊⱡnga, pana raldika, kalimp tÊmbÊkak pÊmp raⱡ pip omba purum ei kun, Israel nga kona mbila pora, kump kun mam ti titim. 26 Ui ei kÊn, Got ndi, Ilaija tÊpa, Isrel kona ila amp wiya ti kÊn, tÊpa mundi nÊmÊndrÊm mon! Got ndi, Ilaija tÊpa, Sairon ni, mÊi kona ei nga kona peng kel Sarapat ila, amp wiya tenda ti, murum ila tÊpa mundrum. 27 Uⱡ ei mel ku, painui wu Ilaisa murum ei kÊn, Isrel mÊi kona ila kint pombuⱡma wamp ou ndupa morung. Wamp kÊⱡ nga ti kep, kui pora ni nÊndÊtÊm mon. Wote, Siriya mÊi kona ila wu, Neiman nga kui ei mint kapⱡa itim,” nitim. 28 Jisas ik nitim ni, atinga manga kel ila morung wamp nimbÊ, pilik popÊⱡ ndi korung. 29 Wamp nimbÊ ndi, Jisas makrÊk tÊpÊn, kona peng ei nga ekit orunga komnga mong kit punt ronggÊt, mondpÊn rop mana nduimin nÊk etÊng. 30 I etÊng ni wote, Jisas pilpa kongundpa kiyang nimba, wamp nimbÊ, tÊpa ruip ndupa purum. 31 Wote Jisas ni, Galili wamp kÊⱡ nga Kaperniyum kona peng nila mba, mowi kor ui ei kÊn, wamp mbÊ ik mbo inditim. 32 Jisas nga ik mbo inditim mbÊ, ronduⱡ mam ti pendpa nilinga, wamp mbÊ pilik min ngÊn mundrÊng. 33 Atinga manga kel nila, wu ti kur kit rukÊr orunga murum ti, ila rÊk murum. Wu ni, ronduⱡ wi ropa ke nimba mel, “Nim Nasaret wu Jisas ye! Nim tÊn kÊn, namba uⱡ ti itÊn on? TÊn etkÊn kit mundun on ei? Nim wu nam ei, na ndi, nim pilip mor. Nim Got nga Wu Wingti ei!” nitim. 35 Ni kÊn, Jisas ndi, kur kit ni, ik mura ngumba nimba mel, “Nim ik ni nandkÊn, wu ei, wak rokÊn kelkÊn pi,” nitim. Wote, kur kit rukÊr orunga murum ni ndi, wu ni nga kÊng ombil kÊⱡ purpur ropa, wu ni ropa mundrum ila, mana mba wamp morung kona nila mba pitim. Wote, kur kit ni ndi, wu ni wak rurum. Kur kit ni ndi, wu ni, ropa nit pindi nÊpÊndÊtÊm. 36 Wote, wamp morung nimbÊ ndi, uⱡ ni kandÊk, min ngÊn mundÊk, en enim rÊk nÊk, int yant etÊk nÊk mel, “Ik mong mbo endnim ei, namba ik ti nda? Wu ei, ik ronduⱡ mbÊ ik nilinga, wu ei nga kur kit rukÊr orunga moⱡÊng mbÊ, wak rok ok pÊnmÊn,” nÊtÊng. 37 Wamp mbÊ ndi, Jisas nga itim uⱡ ni kandÊk, int puk kona mbila nÊk mek puⱡina, uⱡ itim kÊⱡ, wamp mbÊ pora, pilik kapⱡa endÊtÊng. 38 Wote, Jisas atinga manga kel ila murum ni, wak ropa mba, Saimon nga manga ila mukÊr purum. Saimon ambÊm nga mam amp ei, kÊng muⱡ moⱡpa, kui kat rurum ila, Jisas ndi omba, amp ei nga kui ei, etpa kapⱡa indangga nÊk, Jisas wangga nÊtÊng. 39 Ni kÊn, Jisas ni mba, amp ni pitim nila nondpa anggilpa, kui ei, nim amp ei, wak rokÊn kelkÊn pi nitim. Wote kui ni, amp ei, wak roⱡnga, amp ni tÊngÊnda mint oⱡa moⱡpa, mba wamp rÊng nuing mbÊ, kaⱡpa tÊpa kun inditim. 40 Ant ei mana puⱡnga, mba pilpa elinga, wamp mbÊ ndi, en enim nga wamp mat kui elpa elpa pitim nimbÊ, mek Jisas murum kona nila orung. Jisas ndi, ki oⱡa ndupa, wamp tenda tenda nimba, peng ila ambuⱡnga, kui pitim mbÊ, pora nitim. 41 Wamp ou ndupa, kur kit rukÊr orunga murum mbÊ, nimba tÊpa mundrum ila, kur kit mbÊ ndi, wamp mbÊ wak rok ping etÊk kÊn, Jisas wi rok nÊk mel, “Nim Got kangÊm ei ka!” nÊtÊng. Jisas ndi, kur kit mbÊ, ik mura ngumba, “Enim ik ni nÊnÊi mon!” nitim. Uⱡ ei namba elinga, kur kit kÊⱡ pÊtmÊn ei, Kraist ei, Got nga kangÊm wu ei. 42 MÊkÊlmÊ unt, Jisas pepa murum kona peng ni, wak ropa mba, kona waka tila purum. Wamp mbÊ ndi, Jisas mba murum kona nila, kurÊk kandÊk tÊk kÊn, pi nÊpangga nÊk, imp imp etÊng. 43 Wote Jisas ndi, wamp mbÊ, kundpa nimba mel, “Na kona peng mat ila, Got nga wamp tÊpa mumuk rui uⱡ ei nga, rÊnang ik kai mbÊ, wamp mbÊ kundÊp nÊmp ont. Ei nambuⱡ emel, Got ndi, na kongun ei, iteimp nimba tÊpa mundrum,” nitim. 44 Wote, Juriya kona ila wamp mbÊ nga atinga manga kel mbila andpa, wamp ik mbo inditim.