Luk 6

1 Mowi kor ui ti kÊn, Jisas kÊn elim nga kitip kÊni wu ni kÊⱡ kÊn, wit pana rÊk ting tila purung. Kitip kÊni wu ni kÊⱡ ndi, puk mel, wit mong nimbÊ, oldÊk tÊk, ambulk mitÊk roⱡina, kÊng mbÊ puⱡnga, mong mbÊ nok purung. 2 Uⱡ etÊng ni, Perisi wu mbÊ ndi kandÊk, nÊk mel, “Uⱡ kÊⱡ, Mowi Kor ui ei kÊn, tÊn nga mi ik ei ndi, mon nÊtÊm ndi, nambuⱡ emel enmin?” nÊtÊng. 3 Wote Jisas ndi, Perisi wu kÊⱡ nga nÊtÊng ik ni, punt ropa nimba mel, “Enim ndi, Depit nga timan ropa pinditim kÊⱡ, kÊmp rok kÊni nakÊndÊrmin ei? Unt Depit kÊn, el elim nga wu rÊⱡaip kÊⱡ kÊn, kump kun kurung ei kÊn, Depit ndi, Got nga manga ila mukÊr mba, Got kÊn angge nÊk, bret tetmin mbÊ titim. Bret kÊⱡ, wu pris mbÊ mint normin. Wamp mbÊ, mi rok mon nÊtmin. Wote Depit ndi, bret mbÊ, tÊpa nomba, wote elim nga wu rÊⱡaip mbÊ, mok ropa ngumba itim ku,” nitim. 5 Wote Jisas ndi, ik ti nimba mel, “MuⱡÊl Wu Kupa ei ndi, Mowi Kor ui ei, rÊp etÊm!’ nitim. 6 Mowi kor ui ti kÊn, Jisas ndi mba, atinga manga kel nila mba, wamp ik mbo endpa murum. Manga nila wu ti murum ei nga, ki mbo orunga kit itim. 7 Wote, ik mbo wu mat kÊn, Perisi wu na nimbÊ ndi, Jisas tÊk kongundÊk morung. Ei nambuⱡ emel, Mowi Kor ui ei kÊn, Jisas ndi, kui wamp mbÊ, etpa tÊm ndam, Jisas kot indimin nÊk pilik, nokundÊk morung. 8 Wote, wu kÊⱡ nga pÊtÊng numan ni, Jisas ndi, pilpa pora ndupa kÊn, ki rumbrÊm wu ni, kundpa nimba mel, “Nim ya wamp mbÊ nga kuimp keta ila, oⱡa ÊnggÊli!” nitim. Wote wu ni, oⱡa ÊnggÊtÊm. 9 Jisas ndi, wamp mbÊ, kundpa nimba mel, “Na ndi, enim ik ti wuldimp ent. TÊn nga mi ik ei ndi, tÊn Mowi Kor ui ei kÊn, namba uⱡ mbÊ, itÊmin nÊtÊm? Uⱡ kit mbÊ, itÊmin nÊtÊm, muna uⱡ kai mbÊ itÊmin nÊtÊm nda? TÊn ndi, wamp mbÊ, tÊpÊn rapundpÊn, etpÊn kai itÊmin nÊtÊm, muna wamp mbÊ, etÊp kit mundmin nÊtÊm nda?” nitim. 10 Jisas ndi, wamp morung nimbÊ, kandpa pok etpa kÊn, ki rumbrÊm wu ni, kundpa nimba mel, “Nim nga ki ei tÊkÊn, run ndui!” nitim. I nilinga, wu ni nga ki ni tÊpa, run nduⱡnga, omba kun purum. 11 Wote, mi ik mbo wu nimbÊ kÊn, Perisi wu na nimbÊ, popÊⱡ ndi kolk, en enim nÊk, int yant etÊk nÊk mel, “TÊn ndi, Jisas ni wu ei, namba uⱡ ti itmin nda,” nÊtÊng. 12 Ui ei kÊn, Jisas ni, elim Got kÊn atinga ruimp nimba, komnga nila purum. Mba, rumbuldi atinga ropa moⱡnga, kona ni rÊnggÊrÊm. 13 Kona ranggÊpa, ant kuimp oⱡnga, Jisas ndi, elim nga kitip kÊni wu nimbÊ, wi ropa rÊk tÊpa mondpa, elim nga kitip kÊni wu 12 kat, nombuⱡa rung wu nimba, mbi tepa ngurum. 14 Wu ti nga mbi Saimon, wote Jisas ndi, wu ei, mbi tepa, Pita nitim. Ei nga, ÊngÊn Andru kÊn, Jeims, Jon, Pilip, Bartolomiyu, Matyu, Tomas, wu Alpiyas kangÊm Jeims, Saimon ni, wu Selot rÊⱡaip kÊⱡ nga. 16 Jeims kangÊm Juras, Juras Iskariyot ni wu ei, wote Jisas ruk moⱡpa itim wu ei. 17 Wote Jisas kÊn, elim nga kitip kÊni wu ni kÊⱡ kÊn, komnga morung ni, wak rok, kelik mana ok, kona kai tila morung. Wamp puⱡi, Jura kona na, Jerusalem kona peng na, Tair kÊn, Sairon kona raⱡ nga nondpa, nu wung ila na, petmin wamp mbÊ pora, ok morung. 18 Wamp orung mbÊ, Jisas nga ik nitim mbÊ, kum tek pilik, kui rurum wamp mbÊ, Jisas ndi, etpa tangga nÊk, wote kur kit rukÊr orunga murum wamp mbÊ, etpa tangga nÊk orung. 19 Wote, wamp mbÊ nga ki mbÊ ndi pora, Jisas ni, minda ndÊmin nÊk pilik etÊng. Ei nambuⱡ emel, kui wamp mbÊ ndi, Jisas minda ndurÊng ei kÊn, Jisas nga ronduⱡ ei ndi, kui rurum wamp mbÊ, etpa titim. 20 Jisas ndi, elim nga kitip kÊni wu kÊⱡ, kundpa nimba mel, “Enim wamp kurpa mbÊ, numan wang ndÊi, Got nga wamp tÊpa mumuk rui uⱡ ei, enim nga mint. 21 Enim akup kump kun ndi kormÊn wamp mbÊ, numan wang ndÊi! Wote ei kÊn, enim rÊng nangina, pilÊng etmba. Enim akup ka etÊk mormÊn wamp kÊⱡ, numan wang ndÊi! Wote ei kÊn, enim oi iting. 22 Enim ndi, MuⱡÊl Wu Kupa ei nga uⱡ mbÊ, pep rok pangina kandÊk kÊn, wamp mbÊ ndi, enim kÊn numan kit piling. Wamp mbÊ ndi, enim makrÊk mundÊk, ik kit nÊk ngÊk iting. Wote, wamp mbÊ ndi, enim nga mbi ei, nÊk kit munding. Uⱡ mbÊ mel, enim kÊn om ndam, enim numan wang nduk muⱡÊi! 23 Wamp mbÊ ndi, enim kÊn uⱡ kit mbÊ eng ndam, enim ambulk palk numan kai pilik muⱡÊi! Enim nga mel mam kai mat, muⱡ kona ila tinditim ei tetÊm. Nambuⱡ emel, wamp mbÊ nga anda kouwÊmin mbÊ ndi, uⱡ ei mel ku, painui wu mbÊ kÊn etÊng. 24 Enim kng mel pi wamp mbÊ, akup pilik kun etÊk muⱡÊi! Enim wi muⱡ kona ila ting mel ei, ya mÊi kona ila tÊk pora ndurmin. 25 Akup enim rÊng nok pilÊng kundÊk mormin wamp mbÊ, pilik kun etÊk muⱡÊi! Wote, enim kump kun kuⱡing. Akup enim oi etÊk mormÊn wamp mbÊ, pilik kun etÊk muⱡÊi! Wote, enim ka itangina, ka nu mel omba mba. 26 Wamp mbÊ, ndi, enim nga kÊng orunga mbi paka rok, mek oⱡa pung ndam, pilik kun etÊk muⱡÊi! Nambuⱡ emel, wamp mbÊ nga unt nga anda kouwÊmin mbÊ ndi, i ku etÊk, ik kol rok painui wu mbÊ nga kaip nÊndÊtÊng. 27 Wote Jisas ndi, aldpa nimba mel, “Na nga ik nÊnt ei kum tepa pilim wamp ei ndi, el puⱡa wamp mbÊ, numan ngangga, nim kÊn, ik kit nim wamp ei, uⱡ kai mbÊ etkÊn ngui! 28 Wamp mat ndi, enim ik mura ngÊng ndam, enim ndi, wamp ei, Got ndi, memp pindangga nÊi! Wote, wamp ti ndi, enim rom ndam, wamp ei nga, Got kÊn atinga rundÊi! 29 Wamp ti ndi, nim ki ⱡÊrwÊ ndi rom ndam, wote keng orunga nont ndana pendpa rangga! Wamp ti ndi, nim nga wal pÊki ekit orunga kÊⱡ tÊm ndam, wote wal pÊki rukÊr kÊⱡ kunda tangga, kandkÊn kui iti! 30 Wamp mat ndi, nim mel mat mawa eng ndam, mawa eng mel mbÊ ngui! Wamp ti ndi, nim nga mel mat roldpa tÊm ndam, wote mel mbÊ, nim yant ndupa ngangga nÊkÊn, mawa iti nÊti! 31 Wote, wamp mat ndi, enim nga uⱡ mat, indeing nÊk numan pÊtmÊn ei mel ku, enim ndi, wamp mbÊ nga ei mel ku indÊi! 32 Wamp mat, enim numan ngÊng mbÊ mint, pep rok numan ngÊng ndam, memp kai ei, etÊk ting mel nant? Uⱡ kit etmin wamp mbÊ ndi, ku etÊk, en enim numan ngurmin wamp mbÊ, pep rok numan ku ngurmin. 33 Wamp mat, enim kÊn uⱡ kai eng wamp mbÊ kÊn, pep rok, uⱡ kai mbÊ mint eng ndam, enim memp kai ei etÊk ting mel nant? Uⱡ kit etmin wamp kÊⱡ, uⱡ to tenda ei mel ku etmin. 34 Enim ndi, wamp mat mel mbÊ, ngurmin uⱡ ei, enim punt rok, yant ngeing mint nÊk pilik etmin. Wote, enim memp kai ei, etÊk ting mel nant? Uⱡ kit etmin wamp mbÊ ndi, ei mel ku etÊk mel mbÊ, wamp mat, punt mondÊk ngÊk kÊn, wote punt rok, ngeing mint nÊk pilik etmin. 35 Ei mon, enim nga el puⱡa wamp mbÊ, numan minal ngÊk, uⱡ kai mbÊ mint itÊi! Enim ndi, wamp mbÊ, mel mat ngÊk kÊn, punt rok yant ngui ngÊngeing nÊk, pili nÊpÊlÊi mon! Uⱡ mbÊ, pep rok eng ndam, enim nga puⱡ wamp mbÊ, memp kai mat tetÊm mbÊ, wote ting. Wote, enim Got Oⱡa Nuim ei nga kangambuⱡa mel muⱡeing. Wote, uⱡ kit mbÊ etÊk, Got kÊn angge ni nandÊk etmin wamp mbÊ, Got ndi, numan minal ku ngurum. 36 Enim nga Got Tipam ndi, wamp pora, kont kurum uⱡ ei mel, enim ndi, wamp mbÊ pora, i ku etÊk, kont minal kÊⱡÊi! 37 Wote Jisas ndi, ik ti wamp mbÊ, kundpa nimba mel, “Enim ndi, wamp mat nga uⱡ kit eng mbÊ, kÊmp ti nÊtÊi mon! Wote Got ndi, enim kÊmp tÊmba. Enim ndi, wamp mat nga uⱡ kit mbÊ, wak rundangina kÊn, wote Got ndi, enim nga uⱡ kit mbÊ, wak ku rondÊmba. 38 Enim ndi, mel mat ou ndupa, wamp mbÊ ngÊng ndam, wote Got ndi, enim mel mat ou ndupa, kÊmp tÊpa mel kai mat ngangga, peka romba. Wote, pi rok mana tangina kÊn, oⱡa oi nimba ei mel kapⱡa. Enim ndi, mel mat wamp ngurmin to ni mel ku, Got ndi enim i ku etpa ngumba. 39 Jisas ndi, ik ek ti ropa, nimba mel, “Mong ti wamp ti ndi, kapⱡa mong ti wamp ti, nombuⱡa mam ora ndumba, ei mon! Ei mel enggil wamp raⱡ kunda, kut ila mana pinggil. 40 Kangambuⱡa ti ndi, elim nga ik mbo wu ei, kapⱡa tÊpa mana ndui nandÊmba mon! Kuimp tÊpa man ik pilpa tÊpa pora ndupa kÊn, wote ik mbo wu ei mel kapⱡa moⱡmba. 41 Nambuⱡ emel, nim ndi, ÊngÊn nga Êi moⱡ kel ti, mong waⱡ ila tetÊm ei, kandkÊn nÊkÊn purÊn. Wote, nim nga mong waⱡ ila, nde koⱡmung mam ti, peta ropa petÊm ei, pilkÊn nÊtÊn nda? 42 Nim nga mong waⱡ ila, nde koⱡmung mam ti, peta ropa tetÊm ei, kÊni nakÊndkÊn kÊn, nambuⱡ emel, ÊngÊn nga mong waⱡ ila Êi moⱡ kel ei, tÊkÊn mundun pilkÊn nÊtÊn nda? Nim wamp kai ti, molkÊn kÊn, wamp ei kondkÊn nÊtÊm nda? Unt, nim nga mong waⱡ ila, nde koⱡmung mam ei, kuimp tekÊn tÊkÊn mundkÊn kÊn, wote ÊngÊn nga mong waⱡ ila, Êi moⱡ kel ei, kandkÊn tÊkÊn mundun,” nitim. 43 Wote Jisas ndi, ik ti nimba mel, “Nde kai kÊⱡ ndi, nde mong kit mat rui narÊrÊm mon! Wote, nde kit kÊⱡ ndi, nde mong kai mat rui narÊrÊm, mon! 44 Wamp mat ndi, nde ei nga, nde mong rorum ei ndi, kit muna, kai ei unt kandÊk pÊtmÊn. Ei nga, ruwa rÊⱡwa ila neka kai ei, rui narÊrÊm mon! Wote, rakÊm ila ru keningina kai ei, rui narÊrÊm mon ku. 45 Wote, wamp kai mbÊ ndi, numan kai mbÊ nga puⱡi mundmong orunga pendÊk kÊn, uⱡ kai mbÊ mint etmin. Wamp kit mat ndi, numan kit mbÊ nga puⱡi mundmong orunga pendÊk kÊn, uⱡ kit mbÊ etmin kÊⱡ, mundmong rukÊr orunga, tepa oⱡa oⱡnga kÊn, keta ila nÊk ekit ndurmin,” nitim. 46 Wote Jisas ndi, nimba mel, “Nambuⱡ emel, na ‘Wu Nuim, Nuim’ nÊk, mbi mundÊnmin? Wote enim ndi, na nga ik nÊnt kÊⱡ, pilik pep rui narÊnmin ei ka! 47 Wamp nam ti, na kÊn omba, na nga nÊnt ik mbÊ, kum tepa pilpa, pep ropa em ndam, wamp ei nga puⱡ ei na ndi, enim kÊn nÊmp mot nduimp. 48 Wamp ei, wu ti manga rakÊmba pilpa, unt mÊi ila kut tÊpa mana mba kÊn, ku mam mbÊ, kandpa tÊpa kÊn, pol ila mang rakÊpa mepa oⱡa urum. Wote, kona ndamÊng tÊma ropa, nu kui omba, kÊpkÊ ropa etÊm ei kÊn, manga ei omba, mana pi napÊtÊm, mon! Nambuⱡ emel, wamp ei ndi, manga ronduⱡ ei, ku pol ila rakrÊm ei ndi, gi nimba anggÊtÊm. 49 Wote, wamp nam ti ndi, na nga ik nÊnt mbÊ, kum tepa pilpa, pep rui narÊm ndam, wamp ei wu ti, elim nga manga ei, oⱡa mÊi pol ila mendpÊⱡ, rakpa mondrum ni mel kapⱡa. Wote, kona ndamÊng tÊma ropa, nu kui omba, kÊpkÊ mam mat, ropa etÊm ei kÊn, manga ei, tÊkrÊpa mint ÊⱡmbÊⱡ nimba, mana petÊm,” nitim.