Luk 8

1 Wote Jisas ni, kona peng na mbo kona mbila, Got nga wamp tÊpa mumuk rui uⱡ ei nga RÊnang Ik Kai ei nga, wamp ik mbo indimp nimba purum. Elim nga kitip kÊni wu 12 kÊⱡ kunda ku, rup rok purung. 2 Amp kat kunda ku, rup rok purung. Amp kÊⱡ, unt kui pepa kur kit rukÊr orunga murum ila, Jisas ndi, nimba tÊpa mundrum. Amp ti nga mbi Mariya Makndelin. Amp nga, rukÊr orunga kur kit 7 kÊⱡ morung ila, Jisas ndi, nimba tÊpa mundrum. 3 Wote amp ti, Jowana, Susana na, amp mat kunda, rup rok purung. Wu Kusa ambÊm Jowana, wu Kusa ni, ei wu nuim Erot nga manga rÊp inditim. Amp kÊⱡ ndi, Jisas na, kitip kÊni wu kÊⱡ, tÊk rapÊndÊk, enim nga mel mbÊ, wu kÊⱡ ngÊk etÊng. 4 Kona peng elpa elpa mbila wamp rÊⱡaip mam ti ok, Jisas kÊn mÊk rok morung ila, Jisas ndi, wamp kÊⱡ kÊn, ik ek ti ropa, nimba mel, “Wu ti ndi, wit mong mat mepa mba, kongun kona mbila ropa mundrum ila, wit mong mat mba, nombuⱡa mam ila mana purum. Wote wamp mbÊ ndi, andÊk kambÊlÊngina, kÊi mbÊ ndi ok, tÊk norung. 6 RÊng mong mat mba, ku pol ila, mÊi wei wei etpa tetÊm mbila, mana purum ila, tÊkrÊpa mint oⱡa mba, wote kurum. Ei nambuⱡ emel, mÊi ei kÊp etÊm. 7 Wote, wit mong mat, goimbun rong pana mbila, mana purum mbÊ, goimbun rong morum mbÊ ndi, tÊpa kom rorum ila, oⱡa ui nawÊrÊm. 8 Wote, wit mong mat, mÊi kai mbila, mana purum mbÊ ndi, mÊlÊ ropa oⱡa omba, ropa kai mondpa, rÊng mong mat, 100 nimba rurum,” nitim. Jisas ndi, ik ek ni, ropa pora ndupa kÊn, wi ropa, wamp mbÊ kundpa, nimba mel, “Wamp ti, kum nombuⱡa tem ndam, ik nÊnt kÊⱡ pilik itÊi!” nitim. 9 Jisas elim nga kitip kÊni wu ni kÊⱡ ndi, Jisas nga ik ek rurum puⱡ ei, nimba mot ngangga, nÊk waldÊtÊng. 10 Wote Jisas ndi, elim nga kitip kÊni wu kÊⱡ, kundpa nimba mel, “Got elim ndi, Got nga wamp tÊpa mumuk rui uⱡ, mo ropa tetÊm ei, enim tÊpa, ora ndupa pora ndurum. Wote, wamp mat ndi, ik ek ila mint piling. Wote, mong ei ndi kÊning ei wote, kandÊk mbi ndui nÊnding. Ik pÊtmÊn ei, wote ik puⱡ ei, pilik mbi ndui nÊnding,” nitim. 11 Jisas ndi, ik ek ropa nitim kÊⱡ nga puⱡ ei, para ndupa nimba mel, “Wit mong kat nÊnt ni kÊⱡ, Got nga ik mong ei, to rondÊp nÊnt. 12 Wit mong mat, nombuⱡa mam ila mana purum ei, to rondpa wamp mat, unt Got nga ik mong ei, pilik moⱡina kÊn, wote Seitan ndi, kandrÊm mel, wamp kÊⱡ, Got kÊn mondÊk piling enmin ei, ka nimba pilpa kÊn, wote rÊk omba ik mong pÊtmÊn kÊⱡ, tÊpa mepa purum. 13 Wote, wit mong kat, ku pol ila mana purum ni, wamp mat, Got nga ik kai mbÊ pilik, numan ngormin ni mel. Wote ik ei, numan ila puⱡ pilkan ngumba pi napÊtÊm, wote ui onunga ila mint pÊtmÊn. Wote, mbun mat orum ei kÊn, mundmong etÊk, Got wak rormin. 14 RÊng mong mat, goimbun rong morum kona mbila mana purum. Uⱡ ei, to rondpa wamp mat, Got nga ik ei pilik kÊn, wote kÊng orunga uⱡ mbÊ nga kel rondÊk ku moni numan ngurmin. Uⱡ ei ndi, Got nga ik pÊtmÊn ei, en enim kÊn, mong ropa, muⱡ pi napÊtÊm. 15 Wote, wit mong mat, mÊi kai mbila mana purum ei, wamp mat ndi, Got nga ik mong ei pilik tÊk numan ila pendÊk, numan kun kai mbÊ pilik, ronduⱡ mundÊk, uⱡ kai mbÊ etÊk, mong rok muⱡ petmin,” nitim. 16 Wote Jisas ndi, nimba mel, “Wamp nam ti ndi, lam kiya kandpa, nu ming ila Êk ropa, rat pol mana orunga ila, mundi namÊndÊrmin mon! Lam kiya kandÊk, mondÊrmin kona ila mondÊⱡmina kÊn, wamp murÊk ormÊn mbÊ ndi, rÊⱡang ei kandÊk ormÊn. 17 Ni kÊn, mel mat, akup mo ropa tetÊm mbÊ, wote pena ila ekit omba. Wote mel mat, panda ropa tetÊm mbÊ, wote rÊⱡang ila ekit wangga, wamp mbÊ ndi kÊning. 18 Enim wamp kum nombuⱡa tem ndam, ik nÊnt kÊⱡ, kum tek pilik kai itÊi! Wamp nam ti, mel mat, tepa moⱡum ndam, Got ndi, mel mat, aldpa pol ila ngumba. Wote, wamp nam ti, mel mat, tepa muⱡi nambÊⱡÊm ndam, tep mor nimba pÊtÊm mel mbÊ, Got ndi, rukÊr tÊmba,” nitim. 19 Wote, Jisas elim nga mam kÊn ÊngÊnÊl na mbÊ, Jisas kÊning pilik orung. Wote, wamp mbÊ ndi, Jisas tÊk pok etÊng ila, Jisas ruk ok, kÊning mel kapⱡa mon itim. 20 Ni kÊn, wamp ti ndi, Jisas kundpa, nimba mel, “ManÊm kÊn, ÊngÊnÊl na mbÊ, nim kÊnmin nÊk, pena orunga ok mormin,” nitim. 21 Wote Jisas ndi, ik nÊtÊng ni, punt ropa nimba mel, “Wamp mat, Got nga ik ei pilik, pep rok eng wamp mbÊ, na nga mamÊl na, ÊngÊnÊl mbÊ ka!” nitim. 22 Ui ti kÊn, Jisas elim nga kitip kÊni wu ni kÊⱡ kÊn, nu kanu kat ila ok, oⱡa purung. Puk molk kÊn, Jisas ndi, kitip kÊni wu kÊⱡ, kundpa nimba mel, “TÊn mbun num ei nga, noi ÊldÊ orunga pamin!” nitim. I nilinga, wote purung. 23 Nu kanu ni kÊⱡ, nu ndi, pol ila puⱡnga mel, Jisas ni, nu kanu nila rukÊr ur pitim. Ni kÊn, kona kÊpkÊ mam ti, roⱡnga mel, num ni, kildpa ropa, rukÊr omba, nu kanu ni kÊⱡ nu ndi, peka romba elinga, wu ni kÊⱡ, nu wanging etÊng. 24 Wote, kitip kÊni wu ni kÊⱡ ndi puk, Jisas rok rut nduk, nÊk mel, “Nuim ye! Nuim ye! TÊn nu wanggÊpÊn kÊⱡmin enmin ei ka!” nÊtÊng. Ni kÊn, Jisas rut nimba, kona kÊpkÊ kÊn, nu kÊn, tÊpa pendpa ik nguⱡnga kÊn, kona kÊpkÊ ni, kÊr nilinga, nu ndi, rurum ni, tiyu nimba titim. 25 Wote Jisas ndi, elim nga kitip kÊni wu ni kÊⱡ, waldpa nimba mel, “Enim nga mondpa pili uⱡ ei, nant?” nitim. Wote wu, ni kÊⱡ, uⱡ ni kandÊk, mundmong etÊk, numan ou nduk pilik, nÊk mel, “Wu ei namba wu ti nda? Wu ei ndi, kona kÊpkÊ kÊn, nu ei kÊn nilinga, wu ei nga ik ei, kum tekÊⱡ, tÊngÊnda mint kur nÊnmbil ei ka!” nÊtÊng. 26 Wote, Jisas kÊn elim nga kitip kÊni wu ni kÊⱡ kÊn, Gerasin wamp mbÊ nga kona nila puk, rÊk purung. Ni kÊn, Gerasin ni kona ei, num Galili ÊldÊ orunga tetÊm. 27 Jisas ni, nu kanu purung ni kÊⱡ, wak ropa ekit puⱡnga, kona peng ila, wu ti omba, Jisas kandpa titim. Wu ni nga rukÊr orunga, kur kit mat morung. Wu ei, kump kor nga kur kit ndi, ropa wÊlÊ munduⱡnga, muⱡ rÊⱡi naⱡÊpa, manga tila mukÊr pi nÊpÊtÊm, mon! Wote, pena wamp on kona mbila pepa ÊndrÊm. 28 Wote, wu ni ndi, Jisas kandpa, ronduⱡ ke nimba omba, Jisas nga kÊmp puⱡ nila omba, mana pitim. Wote, ronduⱡ ke nimba mel, “Jisas, nim Got Oⱡa orunga nga kangÊm ei, na kÊn namba uⱡ ti, itÊn on nda? Nim wu kai ei ndi, na etkÊn kit mundi nÊmÊndi,” nitim. 29 Ei nambuⱡ emel, Jisas ndi, wu ei, kur kit rukÊr orunga murum ei, kundpa nimba mel, “Nim ndi, wu ei, wak rokÊn kelkÊn ekit pi!” nitim. I nilinga mel, kur kit ni, ronduⱡ ke nitim. Wamp mbÊ ndi, wu ei nga kÊmp ki mbÊ, kan ronduⱡ mat ndi rok, gi nduk pendÊtmÊn mbÊ, ropa puⱡa rorum. Kur kit ei ndi, wu ei, ropa wÊlÊ munduⱡnga, kona waka mbila, pena pepa ÊndrÊm. 30 Wote Jisas ndi, kur kit murum wu ni, waldpa nimba mel, “Nim nga mbi nam?” Kur kit ni ndi, nimba mel, “Na nga mbi ou ndupa ei ka!” nitim. Nambuⱡ emel, kur kit ou ndupa, wu ei kÊn, rukÊr orunga morung ei nga nitim. 31 Wote, kur kit nimbÊ ndi, ronduⱡ ke nÊk, Jisas waldÊk nÊk mel, “Nim ndi, tÊn tÊkÊn ndip kona ila, mundi nÊmÊndi mon!” nÊtÊng. 32 Ni kÊn, komnga mong ramba tila, kng puⱡi, Êi ongum nok morung. Kur kit nimbÊ ndi, Jisas kÊn ronduⱡ ke nÊk, waldÊk nÊk mel, “Nim ndi, tÊn kundÊk kui tana kÊn, tÊn ombÊn kng kÊⱡ ila, rÊk pamin,” nÊtÊng. Wote Jisas ndi, kur kit ni kÊⱡ tÊpa, kng ni kÊⱡ kÊn tÊpa, rukÊr ndurum. 33 Wote, kur kit nimbÊ ndi, wu ni, wak rok ok, kng rÊⱡaip mam ni kÊⱡ kÊn, rÊk rÊk etÊng. Kng rÊⱡaip mam nimbÊ, ronduⱡ pÊn nÊk puk, kona kop tila mana puk, num tila nu wanggÊk korung. 34 Kng rÊp etÊng wu nimbÊ ndi, uⱡ ni kandÊk tÊkrÊk puk, kona peng na kona mbila pora, ik nÊk mek int int purung. 35 Wamp mbÊ ndi, namba uⱡ ti, enim nda nÊk, kÊnmin nÊk orung. Ok kandrÊng mel, kur kit ndi, ropa wÊlÊ mundrum wu ni, numan mbo pilpa, muⱡ raⱡpa Jisas nga kÊmp puⱡ nila nondpa murum ila, wamp kandÊk mundmong etÊng. 36 Wote, wamp mbÊ ndi, Jisas nga uⱡ itim ni, kandÊk min ngÊn mundÊk, timan rok nÊtÊng. Wu ei, unt kur kit ndi, ropa wÊlÊ mundpa itim ni, akup numan mbo pilpa morum, nÊtÊng. 37 Wote, Gerasin kona ila wu nimbÊ ndi pora, Jisas nga uⱡ ronduⱡ itim ni kÊⱡ, kandÊk min ngÊn mundrÊng. Wote, Jisas waldÊk nÊk mel, “Jisas ndi, wamp kÊⱡ, wak ropa kelpa pangga!” nÊtÊng. Wote Jisas ndi, kona ni, wak ropa, nu kanu kat ila, oⱡa mba kelpa purum. 38 Ni kÊn, kur kit ndi, ropa wÊlÊ mundrum wu ni ndi, Jisas ronduⱡ mundpa, waldpa nimba mel, “Nim ndi, kapⱡa nana, na nim kÊn kunda pumbil,” nitim. Wote Jisas ndi, wu ni, yant ndupa nimba mel, “Nim int pukÊn, Got ndi, nim tÊpa rapundpa endim uⱡ mbÊ mel, wamp mbÊ, kundkÊn nÊn pi!” nitim. Wote wu ni, mang kona kelpa yant omba, kona peng na, kona mbila pora, wamp mbÊ kandpa, Jisas ndi, elim tÊpa rapundpa itim uⱡ mbÊ mel, wamp mbÊ kundpa nitim. 40 Wote Jisas ni, num noi ÊldÊ orunga, rÊk oⱡnga kÊn, nokundÊk morung wamp nimbÊ ndi, ambulk palk, rawe etÊk tÊtÊng. 41 Ni kÊn, wu ti mbi tek, Jairus nÊtÊng ei, kuimp tepa urum. Wu ni, atinga manga kel ila nga rup wu murum. Wu ni omba, Jisas nga kÊmp puⱡ nila, mura ropa mondpa, Jisas kÊn kont it ik ranggÊpa, elim nga mang kona pambÊⱡ nitim. 42 Nambuⱡ emel, wu ni nga mbuⱡam ambuⱡa tenda ei, mint metÊm. Ambuⱡa wendÊp ei nga pana 12, ei nondpa koⱡmba itim. Wote Jisas ni, puⱡnga mel, purum nombuⱡa mam nila wamp minal ndi, Jisas tÊk kum rok purung. 43 Ni kÊn, amp ti, kona nila murum. Amp ei, rÊk rÊk ku puk roⱡnga, pana 12 omba purum. Amp ei ndi, elim nga kui ei, etÊp tÊp mundimp nimba, ku moni ou ndupa wak rurum. Wote kui ei, pora ni nÊndÊtÊm. 44 Amp ni, Jisas purum mbuldung orunga nondpa mba, Jisas nga wal pÊki pÊkrÊm ni kÊⱡ, ki ei ndi, minda ndurum. Ni kÊn, elim nga ku puk rurum uⱡ ni, tÊngÊnda mint pora nitim. 45 Wote Jisas ndi, wamp mbÊ, waldpa nimba mel, “Nam ndi, na minda ndunum?” nitim. Wote, wamp nimbÊ pora, en enim mon nilingina, Pita ndi, Jisas kundpa, nimba mel, “Wu Nuim ye! Wamp puⱡi molk, nim tÊk rÊk ndunmin ei ka!” nitim. 46 Wote Jisas ndi, wamp nimbÊ, kundpa nimba mel, “Wamp ti ndi, na minda nduⱡnga kÊn, na nga ronduⱡ ei, punum pÊnt ei ka!” nitim. 47 Ni kÊn, amp ni, pitim mel, elim mo romba uⱡ ti, mon itim ila, min ngÊn mundpa omba, Jisas nga kÊmp puⱡ nila mura ropa mondpa mba, mana mÊi ila rumÊⱡi pitim. Wote, wamp morung kuimp keta nila, amp ni, elim nga numan pilpa itim uⱡ nimbÊ, nimba mel, “Na nga kui ti, petÊm ei, tÊngÊnda mint pora ninim,” nitim. 48 Wote Jisas ndi, amp ni, kundpa nimba mel, “Ambuⱡa ye! Nim ndi, na kÊn mondkÊn pÊn uⱡ ei ndi, nim nga kui ei pora ninim. Ei nga, nim numan wang ndukÊn pi!” nitim. 49 Wote Jisas ni, wamp ik mbo endpa moⱡnga kÊn, atinga manga rÊp wu, Jairus ni nga wu ti ndi omba, elim kundpa nimba mel, “Nim nga ambuⱡa ni, koⱡum ei nga, nim ndi, ik mbo wu ei, mbun ik ti, ni nÊni mon,” nitim. 50 Wote Jisas ndi, ik ni pilpa kÊn, atinga manga rÊp wu Jairus ni, kundpa nimba mel, “Nim mundmong iti nÊti! Nim mondkÊn pilkÊn muⱡana kÊn, ambuⱡa ei kapⱡa etmba,” nitim. 51 Wote Jisas mba, atinga manga rÊp wu ni nga manga ila purum. Ni kÊn, Jisas ndi, wamp mbÊ pora, pena muⱡeing nimba, Pita, Jon, Jeims na, ambuⱡa ei nga tipam mam raⱡ kÊn mendpÊⱡ, tÊpa mepa mukÊr purum. 52 Wamp mat, ambuⱡa kurum on ni tek, ka etÊk morung. Ni kÊn, Jisas ndi, wamp ni kÊⱡ, kundpa nimba mel, “Enim ka iti nÊtÊi! Ambuⱡa ei kuⱡi naⱡÊm, wei ur petÊm,” nitim. 53 Ni kÊn, ka etÊk wamp morung nimbÊ ndi, ambuⱡa ei, kurum pilik pora ndurÊng. Ei nga, Jisas nga ik nitim kÊⱡ pilik oi endÊtÊng. 54 Wote Jisas ndi, ambuⱡa ni nga ki ni, ambuⱡpa oⱡa tÊpa, nimba mel, “Ambuⱡa ye! Nim oⱡa muⱡi!” nitim. 55 Ni kÊn, ambuⱡa ei nga muⱡnga ei, yant omba rukÊr puⱡnga, ambuⱡa ni, tÊngÊnda mint rut nimba, oⱡa murum. Wote Jisas ndi, wamp ni kÊⱡ, kundpa nimba mel, “Ambuⱡa ei, rÊng mat nangga, mek ok ngui!” nitim. 56 Ambuⱡa ni nga tipam mam raⱡ ndi kandkÊⱡ, min ngÊn mundrÊnggil. Wote Jisas ndi, wamp raⱡ, kundpa nimba mel, “Ya uⱡ kanmbil ei, wamp mat kundkÊⱡ, ni nÊnÊl mon!” nitim.