Matyu 20

1 Muⱡ ila tÊpa mumuk rui uⱡ ei, ya uⱡ ei mel. Wu Nuim ti, elim nga wain pana ei, kongun indeing nimba, ipri unt ekit mba, wu mat kurpa purum. 2 Mba kandpa titim wu mbÊ, ku moni ruri tenda ei mel, ant tenda ila nguimp nitim ila, kapⱡa nilingina, tÊpa wain pana ila kongun itÊi nimba tÊpa mundrum. 3 Wote ant omba, 9 kilok ei oⱡa elinga kÊn, wu nuim mba aldpa mba mel rop kona ila wu kat kai kandÊk morung ila kandpa nimba mel, ‘Enim puk na nga wain pana ila kongun indeing pÊi! Enim ku moni mat, kongun eng ei mel kapⱡa kapⱡa etÊp nguimp,’ nitim. Ni kÊn, wain pana ila puk kongun endÊtÊng. 5 Wote, rÊnggilmÊ 12 kilok elinga kÊn, wu mat i ku etpa kandpa tÊpa, kongun ila tÊpa mundrum. Wote ant ei mana mba, 3 kilok elinga, wu mat ku kandpa tÊpa, kongun ila tÊpa mundrum. 6 Wote akil tepa, ant ei mana mba, 5 kilok elinga kÊn, wu kai kandÊk morung kat kÊⱡ, kundpa nimba mel, ‘Enim nambuⱡ emel, kai kandÊk moⱡina, kona rumbÊⱡ romba enim?’ nimba wuldÊtÊm. 7 Wote, wu ni kÊⱡ ndi, nÊk mel, ‘TÊn wamp ti ndi, kongun iteing wÊi ni nanim,’ nÊtÊng, ‘I ndam, enim puk, na nga wain pana ila kongun iteing pÊi ku!’ nitim. 8 “Kona rumbÊⱡ romba itim ni kÊn, wain pana puⱡ wu ni ndi, kongun rÊp wu ni, kundpa nimba mel, ‘Kongun wu mbÊ, wi rokÊn moni ngui! Akil tek ok, kongun eng wu mbÊ, moni kuimp tekÊn ngukÊn, wote kongun kuimp tek ok eng mbÊ, moni akil tekÊn ngui!’ nitim. 9 Ni kÊn, mel ant ei mana puⱡnga, kongun etÊng wu nimbÊ, ku moni ruri tenda nÊk tÊtÊng. 10 Wote, kongun ipri unt ok etÊng nimbÊ, en enim moni minal mel timin nda nÊk pilik morung. Ni wote, ku moni ruri tenda nimba ngurum. 11 Ku moni ni kÊⱡ tÊk, wain pana puⱡ wu ni kÊn, numan rukÊr ik mura etÊk nÊk mel, ‘Wu akil tek kongun rung tilinga ong kÊⱡ, ant mong tenda mendpÊⱡ kongun eng. Wote, tÊn ipri unt ombun etÊp moⱡmina, wote ant ndi, tÊn nom uⱡ ei, kandkÊn kelkÊn, wote ku moni ruri tenda nÊkÊn ei, ngun ei ka?’ nÊtÊng. 13 Pana puⱡ wu ni ndi, wu ti ni, kundpa nimba mel, “Ang ye! Na ndi, nim tÊp wÊlÊ mundÊp uⱡ ti iti nÊtÊnt. Nim ant tenda ila, ku ruri tenda nguimp nÊnt ei, kapⱡa nÊkÊn nim ok, kongun in ni ka! 14 Nim nga ku tin ei mel, tin ei kÊn, mekÊn mang kona pi! Ya wu ant ei, mana pÊng omba, kongun em wu ni, nim ngont ku peng ni mel ku nguimp. 15 Ku nanim nga mbÊ ndi, nanim kÊmp tÊp, itimp nÊmp pint mbÊ mel, iti nÊtÊmp ye? Muna, nim wu kÊⱡ kÊn, ku moni kapⱡa etÊp ngont ei nga wÊlÊk ron ei?” nitim. 16 Wote Jisas ndi, ik ek kÊⱡ ropa pora ndupa nimba mel, “Akil teng wamp mbÊ ok, kuimbal ping, wote kuimbal moⱡÊng wamp mbÊ ok, akil ting,” nitim. 17 Wote Jisas kÊn, elim nga kitip kÊni wu ni kÊⱡ kÊn, wi Jerusalem mbin nÊk puk, nombuⱡa rÊk tÊngÊn ila, Jisas ndi, wu kÊⱡ ekit tÊpa ndenga nimba, kundpa nimba mel, “Pilik kun tÊi! TÊn wi Jerusalem punmÊn ila, MuⱡÊl MuⱡÊl Wu Kupa ei, imp molk tÊk, pris wu kuimbal kÊⱡ kÊn, mi ik mbo wu kÊⱡ kÊn nguing. Wu kÊⱡ ndi, wu ei punt wu nÊk, rok kundÊi nÊk, tÊk mek puk wu rÊⱡaip elpa kat ngangina, kan ngÊk tÊk ik kuldÊk, tÊmbÊⱡ rok tÊk, nde peta ila nil rok pindangina, pepa koⱡmba. Wote, rumbÊⱡ raldika omba pangga, ⱡoporpa tÊpa oⱡa mondÊmba,” nitim. 20 Wu Sepeti ambÊm ni, elim nga kangÊm raⱡ mepa omba, Jisas murum nila, mura ropa mondpa mel ti, mawa etmba itim. 21 Wote Jisas ndi, “Nim namba mel ei, numan ngun?” nimba wuldÊtÊm. Amp ni ndi, punt ropa nimba mel, “Nim nga tÊpa mumuk rui kona ila nim wu nuim mÊn ei kÊn, na nga kang wu raⱡ nga ti tÊkÊn, ki mbo orunga mondkÊn, ti tÊkÊn, ki rar orunga mundimp nÊn nÊmp ont,” nitim. 22 Jisas ndi, punt ropa nimba mel, “Nim mawa etkÊn nÊn ik ei, pilkÊn kun iti natÊk ninmin. Na mindil nu nuimp ent nu ming tenda ila, kapⱡa enim kapⱡa nuing ei?” nimba wuldÊtÊm. Wote, punt rokÊⱡ nÊkÊⱡ mel, “TÊl kapⱡa nuimbil,” nÊtÊnggil. 23 Wote Jisas ndi, kundpa nimba mel, “Enmbil na nÊnt nu ming tenda ila kapⱡa nuinggil mint. Wote nam ti, na nga ki mbo orunga muna, rar orunga moⱡmba ei na ndi, nimp mel kapⱡa mon. Kona raⱡ na nga Wuta ei ndi, to ropa titim wamp mbÊ nga kona tetÊm,” nitim. 24 Wote, wu raⱡ nga ik nÊtÊnggil ni, kitip kÊni wu 10 kat ndi, pilik popÊⱡ kurung. 25 Wu kÊⱡ popÊⱡ kurung uⱡ ei, Jisas ndi, kandpa, wu ni kÊⱡ pÊkÊ, wi ropa rukÊr tÊpa, nimba mel, “Enim pilik mormin ei, mbo wu nuim mbo wamp mbÊ, ou kel mbÊ ambulk, oⱡa mana etÊk, wote en enim oⱡa mel puk wamp mbÊ ndi, en enim nga ik mbÊ teng ndeing nÊtmin. 26 Uⱡ ei mel, enim kÊn pi nÊpangga! Enim nga ruⱡ ila wu ti, nuim muⱡimp nimba pilim ndam, enim nga kindmant wamp mel muⱡangga! 27 Ei kÊn, enim kÊn kuimbal muⱡimp nimba pilim wu ei, enim nga kindmant wamp kurpa raⱡpa muⱡangga! 28 Ei nambuⱡ emel, MuⱡÊl MuⱡÊl Wu Kupa ei ndi, enim tÊpa kindmant wamp rundi nandÊmba mon. Enim nga kindmant endpa, elim nga kont mba mul uⱡ ei, wak ropa, wamp minal etpa tÊmba, pilpa mana urum ei mel, enim i ku itÊi,” nitim. 29 Wote Jisas kÊn, elim nga kitip kÊni wu ni kÊⱡ kÊn, Jeriko wak rok kelik ping oⱡina, wamp minal Jisas pep rok, akil tek orung. 30 Wu mong ti raⱡ, nombuⱡa ÊldÊ ila molkÊⱡ pÊtÊnggil mel, Jisas ni omba punum nÊtÊng ila, wi rokÊⱡ nÊkÊⱡ mel, “Wu Nuim ye! Depit nga kangÊm. TÊl kont kun ka!” nÊtÊnggil. 31 Wote, wamp nimbÊ ndi, ik ngÊk, raka ni kÊⱡ moⱡÊnggil ka nÊtÊng ni, pilik kelkÊⱡ wi oⱡa ndukÊⱡ, rokÊⱡ nÊkÊⱡ mel, “Depit nga kangÊm wu Nuim ye! TÊl kont kun ka!” nÊtÊnggil. 32 Jisas ndi, nombuⱡa ila anggilpa, wu raⱡ waldpa nimba mel, “Na ndi, enmbil etÊp iteimp nÊk, nÊnmbil mel nant?” nitim. 33 Wote, wu raⱡ ndi, punt rokÊⱡ nÊkÊⱡ mel, “Nuim ye! TÊl nga mong raⱡ etkÊn, piral ndun nÊmp nÊnmbÊⱡ ei ka!” nÊtÊnggil. 34 Ni kÊn, Jisas ndi, wu raⱡ kandpa kont elinga, wu raⱡ nga mong ila ambuⱡnga, tÊngÊnda mint piral nilinga, kona kandkÊⱡ, Jisas purum mel, pep rokÊⱡ purÊnggil.