Matyu 26

1 Wote, Jisas ndi, ik mbÊ mel mbo endpa pora ndupa kÊn, elim nga kitip kÊni wu mbÊ kundpa nimba mel, “Enim pilik mormin rumbÊⱡ raⱡ omba pangga! Pasopa rÊng normin ui ei om kÊn, na MuⱡÊl MuⱡÊl Wu Kupa ei tÊk mek puk, el rui wu mbÊ ngangina, nde peta ila rok kunding,” nitim. 3 “Ui ei kÊn, wu pris kuimbal na, manga wingti rÊp wu na mbÊ ndi puk, wu Pris kÊⱡ nga peng mumuk wu Kaiyapas nga manga ila, tÊk tenda etÊk morung. 4 Ni kÊn, wamp nimbÊ tÊp kum ngui randpÊn, Jisas ni, rop kundmin nÊtÊng. 5 Ni wote, en enmin ndi, nÊk mel, “Pasopa rÊng nuing ui ei kÊn, pendÊp kilÊmin. Ei mel, imÊn ndam, ui mam ila wamp mbÊ, el pundung ei mon,” nÊtÊng. 6 Jisas ni, noi Betani kona ila pombuⱡma rorum wu Saimon ni nga manga ila murÊk mba moⱡnga, amp ti ndi, Jisas murum nila, kopung mura rui ti mepa omba, Jisas nga peng ila, kopung oi ndurum. 8 Wote, elim nga kitip kÊni wu ni kÊⱡ ndi, amp ei, itim uⱡ ni kandÊk, popÊⱡ kulk nÊk mel, “Kopung mura rui kai ei, nambuⱡ emel etpa ge ndonÊm nda? 9 Kopung kai ei, rarÊp ropÊn ku moni tÊpÊn, wamp kurpa mbÊ ngoⱡum, muna ant ko!” nÊtÊng. 10 Jisas ndi, wu kÊⱡ nÊtÊng ik ni pilpa, int ndupa nimba mel, “Nambuⱡ emel, amp ei, ik ngonmin? Amp ei ndi, na kÊn uⱡ kai ti enim. 11 Ei nambuⱡ emel, wamp kurpa mbÊ, pila kana ui mbila, enim kÊn rÊk rÊk muⱡing. Wote, na enim kÊn rÊk rÊk muⱡi nÊmbÊⱡimp. 12 Amp ei ndi, enim uⱡ ni, na nga kÊng kÊⱡ tÊk mek puk on iting ei nga, tÊpa kun endpa, kopung kandnim. 13 Enim ik kupa ei, kundÊp nÊnt. Kona nant mbila, RÊnang Ik Kai mbÊ nÊk ngÊng ila, amp ei ya na kÊn, uⱡ enim ei nga timan rok nguing ku,” nitim. 14 Ei kÊn, kitip kÊni wu 12 ni kÊⱡ nga, Juras Iskariyot wu ni ndi, mba wu pris kÊⱡ nga wu kuimbal ni, waldpa nimba mel, “Na ndi, Jisas ni wu ei, rÊk moⱡÊp mep omp enim ngÊnt ndam, na namba mel ei nguing?” nitim. Wote, wu ni kÊⱡ ndi, ku moni kum raldika, Juras ngorung. 16 Ku moni kÊⱡ, tÊpa pendpa kÊn, Jisas ruk moⱡmba ei nga ui kai ti nokÊndrÊm. 17 Bret yis mundi namÊndÊk normin ui ei nga ui, puⱡ mondpa ila, Jisas elim nga kitip kÊni wu kÊⱡ ndi ok, Jisas waldÊk nÊk mel, “Pasopa ui ei nga rÊng mbÊ, nant ila tÊp kun etpÊn muⱡamina, ok nuin?” nÊtÊng. 18 Wote Jisas ndi, punt ropa nimba mel, “Kona peng ila puk, wu ti ni nga manga ila puk, i nÊi, ‘Ik mbo wu ei ndi, ei mel nÊnÊm. Na nga ui ei omba, nondpa enim, Pasopa ui ei nga rÊng ei, nim nga manga ila, na nga kitip kÊni wu mbÊ kÊn omp nuimÊn,” nitim. 19 Ei kÊn, kitip kÊni wu ni kÊⱡ ndi, Jisas nitim ni mel, puk manga ila, rÊng mbÊ kalk tÊk kun etÊk morung. 20 Kona rumbÊⱡ puⱡnga, Jisas kÊn elim nga kitip kÊni wu nimbÊ kÊn molk, Pasopa rÊng norung. 21 RÊng nok moⱡina, Jisas ndi, nimba mel, “Enim ik kupa ei kundÊp nÊnt. Enim mormin wu kÊⱡ nga ti ndi, na ruk moⱡmba,” nitim. 22 Kitip kÊni wu ni kÊⱡ, ik ni pilik, munt mindil tÊk, elpa elpa Jisas waldÊk nÊk mel, “Nuim ye! Ei nam nda?” nÊtÊng. 23 Jisas ndi, punt ropa nimba mel, “Na kÊn tÊngÊnda nu ming ila, bret nu mondpÊⱡ numbÊⱡ wu ei ndi, na ruk moⱡmba. 24 MuⱡÊl Wu Kupa ei, rÊnang ik ila, koⱡmba nÊk, mon rok pendÊtÊng ei mel ku koⱡmba. Wote, wu nam ti, MuⱡÊl Wu Kupa ei, rÊk moⱡmba ei nga, na kont mam ti enim! Wu ei mam ndi, mei nambil nga ndam, kapⱡa elinga!” nitim. 25 Juras ruk murum wu ni ndi kundpa nimba mel, “Ik mbo wu ye! Ei na nanim nÊmp pÊnt ei?” nitim. I nilinga, Jisas ndi, punt ropa nimba mel, “Int ninim nÊn ei ka!” nitim. 26 RÊng nok moⱡina, Jisas ndi, bret ti tÊpa, Got kÊn angge nimba kÊn, pok ropa, kitip kÊni wu ni kÊⱡ ngumba nimba mel, “TÊk nÊi! Ya ei, na nga kÊng elim ei,” nitim. 27 Wote, nu wain ming ni, i ku etpa tÊpa, Got kÊn angge nimba, wu kÊⱡ ngumba nimba mel, “Nu ei, kump kÊm tÊk nÊi! Ya ei, na nga mema oi ndont ei ndi, wamp minal nga uⱡ kit mbÊ pendpa kilmba. Wote, Got nga wamp tÊpa, tenda iti uⱡ kont ei, etpa ronduⱡ mundÊmba. 29 Enim ik ti kundÊp namp, na ya nonmÊn nu wain ei, wote aldpa nui nÊnimp. Wote, ui tila, enim kÊn pÊkÊ nuimÊn ei, na nga Wuta nga muⱡ ila, tÊpa mumuk rui kona ila, tÊp tenda imÊn ui ei kÊn, wain kont paka nuimin,” nitim. 30 Wote, kinan kat nÊk pendÊk pena ok, Olip Komnga ila purung. 31 Wote Jisas ndi, wu kÊⱡ kundpa nimba mel, “Akup rumbuldi, enim pÊkÊ, na wak rok mondÊk, kelik nung nÊk ping. Ei, Got nga ik ti petÊm ei ndi, nimba mel, ‘Na ndi, sipsip rÊp wu ei, rop kundamba, kng sipsip mbÊ, mbuⱡ mbaⱡ ning,’ nÊtÊm 32 Wote, na ropa rut ndangga, kont munt ei kÊn, enim Galili pi nÊpi, na unt mbo muⱡimp,” nitim. 33 Ni kÊn, Pita ndi, Jisas kundpa nimba mel, “Wu wei mbÊ ndi, nim wak rok kelik pung ndam, na nim wak rui nÊrimp!” nitim. 34 Jisas ndi, Pita kundpa nimba mel, “Nim ik kupa ei, kundÊp nÊnt. Akup rumbuldi mendpÊⱡ, kÊi kulda rui nÊri, na pili napÊt nÊkÊn, raldika indin,” nitim. 35 Pita ndi, punt ropa nimba mel, “Na nim kÊn pendÊk, rok kondung ndam kep, nim pili napÊt, ni nÊnimp,” nitim. Wote, kitip kÊni wu mat ndi, i ku etÊk nÊtÊng. 36 Wote, Jisas kÊn elim nga kitip kÊni wu kÊⱡ kÊn, kona ti mbi tek Getsemani nÊtmin kona ila purung. Jisas wu kÊⱡ kundpa nimba mel, “Enim ila muⱡÊi! Na merÊng ila mbo atinga ramp,” nitim. 37 Elim mba etpa, wu Pita kÊn, anda Sepeti kangÊm Jeims, Jon raⱡ tÊpa mepa purum. Ni kÊn, elim ni, munt mindil tÊpa mbun ndi kurÊm. 38 Wote, wu ni kÊⱡ, kundpa nimba mel, “Na nga mundmong ei, ama mbun ndi konum. Ei kÊn, enim ur pi napÊk, nokundÊk muⱡÊi!” nitim. 39 I nimba pendpa, onunga kot wuldÊng mba, mura ropa, mÊi ila rumaⱡi pepa, atinga ropa nimba mel, “Na nga Wuta ye! Nim ndi, kapⱡa nÊkÊn pin ndam, ya nu ming mel, mindil nuimp ming nu morum ei, tÊkÊn mundi! Ei na nga pint ei mel mon. Ninim pin ei mel itiyo!” nitim. 40 Wote, yant omba kÊndrÊm mel, kitip kÊni wu raldika ni kÊⱡ, ur pi napilik petÊng. Wote Jisas ndi, Pita kundpa nimba mel, “Enim wu raldika kÊⱡ ndi, ant mong na tenda kot kep, na nga nÊndÊk rut nÊk muⱡi nambÊⱡÊng ei ka! Etpa em mel nant? 41 Enim oⱡa tÊpa, kÊni uⱡ mbila, ropa mana ndumba ei nga, tÊk mendÊk atinga rok muⱡÊi! Muⱡnga ei ndi, numan ngonum. Ei wote, kÊng kÊⱡ ndi, enÊmp monum,” nitim. 42 Nimba pendpa, aldpa mba atinga ropa nimba mel, “Na nga Wuta ye! Nu ming mel ya, mindil nuimp ming ei, tÊk mundi nÊmÊndÊn! Na nÊnt ei kÊn mint, nim nga numan pÊtÊn uⱡ ei, peng pemba,” nitim. 43 Wote, yant omba kundrum mel, kitip kÊni wu ni kÊⱡ, ur petÊng. Ei nambuⱡ emel, wu kÊⱡ nga mong mbÊ, ur ndi titim. 44 Aldpa wu ni kÊⱡ, mondpa kelpa int mba, unt nitim ik ni kÊⱡ ku nimba, atinga roⱡnga raldika itim. 45 Wote yant omba, elim nga kitip kÊni wu ni kÊⱡ, kundpa nimba mel, “Enim muⱡ tÊk, ur ku pek mormÊn ei? KÊnÊiya! MuⱡÊl MuⱡÊl Wu Kupa ei, tÊk pok punt uⱡ kit etmin wu mbÊ nga ki ila tÊnding. Ei nga, ui ei nondpa enim. 46 Oⱡa muⱡangina, kelip pamin! Na ruk moⱡmba wu ei, unt ya onum ei kanmin mon!” nitim. 47 Jisas ik nimba moⱡnga, kitip kÊni wu kÊⱡ nga Juras ni, wu ei urum. Wote urum ila, wamp minal wu peng mumuk na, manga wingti rÊp wu na mbÊ kÊn, rÊp rok, tÊmbÊⱡ na, koiya na mat, kapⱡa etÊk ambulk mek orung. 48 Ruk murum wu ni ndi, wamp orung nimbÊ nimba, ndoimp rondpa, “Na mbo keta nu rop nunt wu ei kandÊk, wu aⱡÊm ei, nÊk puk imp muⱡÊi!” nitim. 49 Nitim ni mel, Juras kun mba Jisas keta nu ropa nomba ei mel nitim, “Ik mbo wu ye! Nim ila morÊn kant ei ka!” nitim. 50 Jisas ndi, punt ropa nimba mel, “Nim itÊn pilkÊn un uⱡ ei mel, tÊkÊrkÊn eta!” nitim. Wote, wu nimbÊ ok, Jisas ni tÊk imp morung. 51 Ni kÊn, Jisas kunda morung wu ni kÊⱡ nga ti ndi, elim nga koiya ni, ekit tÊpa, wu pris peng mumuk ei nga kindmant wu ti, urum ni nga kum ei, ropa puⱡa rÊrÊm. 52 Wote Jisas ndi, wu ni kundpa nimba mel, “Nim nga koiya ei, elim nga petÊm kona ila, int nduk pindi! Wamp nam ti, koiya ambÊⱡÊm wamp ei, koiya ei ndi ku, elim nomba. 53 Na nga Wuta ei ndi, na tÊpa rÊpÊndangga nÊmp, mawa el mba ndam, tÊngÊnda mint anggelo wu ei, kum 12 mel tÊpa munduⱡnga, ei pÊn muna mon? 54 Wote Got ndi, na tÊpa rÊpÊndangga nilmba ndam, Got nga ik mong ti ndi, uⱡ enim ei mel itangga, nÊtÊm ik ei omba, ik kupa tÊmba mel nant?” nitim. 55 I nimba kÊn, wote wamp morung nimbÊ, kundpa nimba mel, “Enim wu kÊⱡ ndi, na punt mong wu na ni mel, na imp muⱡmÊn nÊk, koiya na, tÊmbÊⱡ mel mbÊ mek onmÊn ei? Na manga wingti ila, Got nga ik ei, rÊk rÊk wamp mbÊ mbo endÊp mor ei kÊn, tÊk imp muⱡi nambÊrmÊn ni ka? 56 Wote, uⱡ pÊnÊm kÊⱡ ndi, Got nga ik ti, painui wu kÊⱡ ndi, unt mon rorung ik ei, etpa kupa pendÊm,” nitim. Ni kÊn, kitip kÊni wu nimbÊ, elim wak rok, mundmong etÊk, nung nÊk purung. 57 Jisas puk imp morung wu nimbÊ ndi, Jisas mek puk, pris kuimbal murum wu Kaiyapas kÊn, mi ik mbo wu na, manga wingti rÊp wu na mbÊ, tÊk tenda etÊk, morung manga ila mek purung. 58 Pita ni, wu kÊⱡ purung ni mel, ruⱡ etpa pep ropa mba, wu pris kuimbal ei nga mang keta ila purum. Kona ila moⱡpa, Jisas ni etÊk enmin mel nant nimba, el nde wu kat, kona rÊp etmin ni kÊⱡ kÊn, mba murum. 59 Ni kÊn, wu pris kuimbal na, wote manga wingti rÊp wu na nimbÊ ndi pÊkÊ, uⱡ ⱡawa nant ila, nÊmp oⱡa ndupÊn, Jisas ruimin nda nÊk, ol tek nÊtÊng. 60 Wote, ⱡawa ti kandÊk ti natÊtÊng. Wote, wamp minal ok, ik kep nok nÊtÊng ik nimbÊ, kupa iti nÊtÊtÊm. Ei kÊn, wu ralt okÊⱡ, ei mel nÊtÊnggil, “Ya wu ei ndi, nimba mel, ‘Got nga manga wingti ou ei, rok tÊp mana tÊp, wote rumbÊⱡ raldika ila, rÊkimp nÊm,’” nÊtÊnggil. 62 Wu pris kuimbal ni anggilpa, Jisas kundpa nimba mel, “Nim kÊn ik ninmin ei nga ik na ti kep, punt ruin muna mon ei?” nitim. 63 Wote, Jisas ni, ik ti ni nandpa, pilpa kui itim. Aldpa, wu pris kuimbal ni ndi, ronduⱡ mundpa, Jisas waldpa nimba mel, “Got kont morum ei nga mbi ila, mi ambÊⱡÊp nÊnt. Ei kÊn, nim wu Kraist, Got nga kangÊm ei kupa muna mon?” nitim. 64 Wote, Jisas ndi, punt ropa nimba mel, “Ik ei int nim nÊn ei ka! Wote, ik ti enim wamp pora kundÊp namp. Akup mormÊn ui ei nga mba, wote ui tila, na MuⱡÊl Wu Kupa ei, Got wu ronduⱡ pi ei nga, ki mbo orunga moⱡÊp, muⱡ kona kopa pol ila wamba, kÊning!” nitim. 65 Ei mel nilinga, wu pris kuimbal ni ndi, elim nga wal pÊki ni kÊⱡ ambuⱡpa, rung ndupa, nimba mel, “Got kÊn ik nimba kit mondnÊm! Aldpa ik mat, kombÊⱡÊp ni nÊnamin! Got kÊn ik nimba, kit mondnÊm ik ei, enim pora pÊnmin ni ka! 66 Ei kÊn, akup enim namba nÊk pÊnmin?” nitim. Wote, wu kat ndi, ik punt rok nÊk mel, “Elim nga ⱡawa ila, elim kuⱡangga!” nÊtÊng. 67 I nÊk kÊn, Jisas nga kuimp keta ila ol rok, wote ki kum ndi rorung ku. Wu mat ndi, ki ⱡurwa ndi rok, kundÊk nÊk mel, “Kraist ni, nim painui wu ti ndam, wamp nam ndi, nim ronum ei mbi tekÊn ni,” nÊtÊng. 69 Pita ni, wu pris kuimbal ei nga mang keta ila murum. Ei kÊn, wu pris kuimbal ei nga kongun amp ti ndi omba, Pita kundpa nimba mel, “Nim Galili wu, Jisas ei kÊn kunda andÊrmÊn, kandÊr ni ka!” nitim. 70 Wote Pita ndi, wamp kona ila morung nimbÊ mondpa, kulkÊⱡ ropa nimba mel, “Nim nÊn ik ei, na pili napÊnt,” nitim. 71 Wote, i nimba pendpa, mang keta nila omba ekit purum. Wote ila, kongun amp ti ndi, kandpa mbi ndupa nimba mel, “Wu ei, Nasaret wu Jisas kÊn, kunda andrÊnggil ndi ka!” nitim. 72 Wote, aldpa Pita ndi, kulkÊⱡ ropa nimba mel, “Wu ninmin ei, na pili napÊnt ei ka,” nitim. 73 Ei kÊn, nondpa mel ku, wu kat ila morung kÊⱡ ndi ok, Pita kandÊk nÊk mel, “Nim wu kÊⱡ nga ti ku kanmin ei, nim nga ik nÊn, nuim kan ei, pilip ninmin ei ka!” nÊtÊng. 74 Wote Pita ndi, nimba mel, “Na mi tep, ik kupa ei nÊnt! Na wu ei, pi napÊnt nÊnt. Muna na wu ei, etÊp pÊt ndam, Got ndi, na mbun ti ngangga!” nitim. Ei kÊn mint, kÊi kulda ti, wi roⱡnga, Jisas ndi, unt Pita kundpa nitim ik ni kÊⱡ, omba rundrum, “KÊi kulda wi ropa, raldika indi nÊndi kÊn, nim ndi, na pili napÊt nÊkÊn kulkÊⱡ rokÊn, raldika indin,” nitim. Ni kÊn, manga keta ni, wak ropa ekit mba, ka rom kÊk kÊk nimba rurum.