Matyu 28

1 Mowi kor mormin ui ni, pora nilinga, mÊkÊlmÊ kor ou ei kÊn, rangÊmba pilpa, ⱡant gu nilinga, amp Mariya Makndelin kÊn, amp Mariya ti ni kÊn, Jisas nga on ei, on etÊng kona nila, kunÊnggil pilkÊⱡ purÊnggil. 2 Ei kÊn, tÊngÊnda mint, kona ni kilimbÊmp mam ti elinga, oⱡa muⱡ ila, Got nga Anggelo ti mana urum. Wote, ku mam ti, Jisas tetÊng on kona ei, kumba angÊndÊk pendÊtÊng ni, mberÊk ndupa mundpa, elim pol nila murum. 3 Elim nga kÊng ei, kona kiraipa na ei mel, rÊⱡang mba eng nurum. Wote, elim nga muⱡ mbal rÊrÊm mel mbÊ, kona kup mong mel kurÊmÊⱡa itim. 4 El nde wu ila, rÊp etÊk morung ni kÊⱡ, uⱡ ei kandÊk, en enim nga min mbÊ raka nilinga, min ngÊn mundÊk, wamp kormin ei mel kapⱡa puk petÊng. 5 Ei kÊn, anggelo ni ndi, amp ni raⱡ, kundpa nimba mel, “Enmbil mundmong iti nÊtÊl! Enmbil wu Jisas, nde peta ila rong wu ni, kurÊk onmbil ei, na pÊnt. 6 Wu ni, ya on kona ila pi napÊtÊm. Elim unt kont moⱡpa, nitim ni mel, elim ni ⱡoporpa omba pum. Ya okÊⱡ on kona koⱡ ei, kunÊnggil wÊl! 7 Akup tÊkrÊk pukÊⱡ, elim nga kitip kÊni wu nimbÊ kundkÊⱡ, ‘Jisas koⱡum ni, wote ⱡoporpa omba pum. Akup wi Galili mba pilpa, kuimp tepa pum. Wote, enim ila puk, Jisas elim kÊning!’ Enmbil kundÊp nÊnt ik kÊⱡ, pilkÊⱡ pÊl!” nitim. 8 Ei kÊn ku, mundmong etkÊⱡ, wote numan mam ti elinga, wu on ei, tetÊng kona ni wak rokÊⱡ, elim nga kitip kÊni wu ni kÊⱡ kondÊk, ninggil pilkÊⱡ pukÊⱡ nÊkÊⱡ purÊnggil. 9 Ei kÊn mint, Jisas ni, elim yant omba, amp ni raⱡ kandpa nimba mel, “Enmbil numan wang ndÊl!” nitim. Ni kÊn, amp ni raⱡ ndi, rÊk pukÊⱡ, Jisas nga kÊmp raⱡ ambulk, rumaⱡi pekÊⱡ, Jisas nga mbi paka rondrÊnggil. 10 Jisas ndi nimba mel, “Enmbil mundmong iti nÊtÊl! Na nga wu ÊngÊnÊl kÊⱡ, pukÊⱡ kundkÊⱡ nanggila, wi Galili puk ila, na ok kÊning nÊl!” nitim. 11 Amp ni raⱡ puⱡÊnggila mel, el nde wu ila morung ni kÊⱡ ndi, int puk kona peng nila, wu pris kuimbal nimbÊ, uⱡ itim kandrung nimbÊ mel, kundÊk nÊtÊng. 12 Wu pris kuimbal nimbÊ kÊn, manga wingti rÊp wu nimbÊ kÊn, ol tek, ku moni minal kum rok, el nde wu nimbÊ nguk, nÊk mel, “Enim ndi, wamp mbÊ kundÊk nÊk mel, ‘TÊn ur pimÊn ndi kÊn, elim nga kitip kÊni wu kÊⱡ ndi, rumbuldi ok, wu on ei kundÊp nok, tÊk mek pung nÊi!’ nÊtÊng. 14 Wote, wu Pailot ei ndi, ik ei pilim ndam, tÊn ndi, enim mong ti nÊteing nimbun ik mat, tÊp rapundpÊn nindmin,” nÊtÊng. 15 Wote, el nde wu ni kÊⱡ ndi, ku moni ni kÊⱡ tÊk, wu pris kuimbal ei ndi, ik nÊi nitim ik ni mel nÊtÊng. Ei kÊn, ik timan kep nok, rorung ni, Jura wamp mbÊ kÊn, nÊk mek int yant etÊng ei mel, akup ik kep norung timan ei ku, tepa yant yant orum. 16 Wote, kitip kÊni wu 11 ni kÊⱡ, Jisas ndi, wi Galili komnga ila pÊi nitim ni mel purung. 17 Wote, Jisas ni oⱡnga kandÊk, Jisas nga mbi paka rondrÊng. Wote, wu mat ndi, Jisas wu waⱡÊm ei nda nÊk, Êk puk tÊtÊng. 18 Jisas ndi, wu ni kÊⱡ morung ila, nondpa omba, kundpa nimba mel, “Muⱡ mÊi raⱡ nga mel tetÊm mbÊ na ndi, rÊp iteimp nimba, Got ndi, na ronduⱡ ei, na ngurum. 19 Ei kÊn, akup enim ndi, puk muⱡ uⱡ kona mbila, wamp mormin mbÊ, etÊk tÊk, na nga kitip kÊni wamp rundÊi! Wuta kÊn, kangÊm kÊn, Muⱡnga Wingti kÊn, mbi tek angÊndÊk, wamp mbÊ nu tindÊi! 20 Wote na ndi, enim man ngur ik nimbÊ mek puk, wamp mbÊ mbo indangina, pilik teing. Ei kÊn, na enim kÊn pÊla kana ui moⱡÊng mbila, kunda moⱡÊp mint pamba mba, muⱡ mÊi raⱡ pora nimba,” nitim.