Matyu 5

1 Jisas wamp num ni kandpa, elim komnga mong tila oⱡa mba murum. Elim nga kitip kÊni wu ni kÊⱡ, elim murum nila molk, pok elingina, puⱡ mondpa wamp nimbÊ, ik mbo endpa nimba mel, 3 “Got nga uⱡ mbÊ nga kapⱡa iti natilinga, keⱡ rundi rundi mormin wamp mbÊ, kai pileing. Got nga wamp tÊpa mumuk rui kona ei, wamp mbÊ nga, mÊi kona uⱡ kit mbÊ ndi elinga, mundmong mindil tÊnmin wamp mbÊ, kai pileing wamp mbÊ, Got ndi, etpa numan wang ndumba! 5 Numan koma tÊi wamp mbÊ, kai pileing, Got ndi, kela memp mÊi nguimp nitim ei, en enim puⱡ puⱡ ralk ting! 6 Got nga numan ngorum uⱡ mbÊ, etamin ka nÊk, kum pendÊtmÊn wamp mbÊ kai pileing, numan ngÊng uⱡ mbÊ mel etpa, kapⱡa endangga! 7 Wamp elpa mbÊ kaimp kurmin wamp mbÊ kai pileing, wamp kit kai kÊmp ti ui ei kÊn, Got ndi, wamp i etmin mbÊ, kaimp koⱡmba! 8 Numan kun kai pendpa, Got nga nimba pilim wamp ei kai pilangga! Wamp mbÊ Got kÊning. 9 Wamp molk kundeing nÊk, kongun etmin wamp mbÊ kai pileing, wamp mbÊ Got ndi, el elim nga kangambuⱡa nimba! 10 Got nga numan ngorum uⱡ mbÊ elingina, rok pep rok, rok pint panda etÊk mek andinmin wamp mbÊ, kai pilÊi! Muⱡ kona tÊpa mumuk rui kona ei, wamp mbÊ nga! 11 Enim na nga kitip kÊni wamp kÊⱡ, ui nant mat ila enim wamp kit nÊk, rok pint panda etÊk, tÊk mbuldung oldung etÊk, ik kit mbÊ, we ndil ndil polk nÊng wamp mbÊ kai pilÊi! Nambuⱡ ei mel, enim na pep rormin wamp kÊⱡ. 12 Enim numan kai pendÊk, rui mÊi nÊk muⱡÊi! Enim nga mel mam kai ti punt ropa ngumba ei, muⱡ kona ila tendpa morum. Enim mul nÊmbil unt mbila, ik pai nomba ni, wu mat morung mbÊ ei ku etÊk, rok pint panda etÊk, mek andrÊng. 13 “Enim Got nga wamp ya mÊi kona wamp mbÊ kÊn, ip kuta mel, wote ip kuta ei nga tÊngÊn ei purpa wei ai em ndam, ip kuta ei nga tÊngÊn ei, etÊp timin mel nant? Ip kuta purpa kit etÊm ei, mundÊk kelik mÊi ila wamp mbÊ ndi kambitmin. 14 Enim, muⱡ uⱡ mbila wamp molk pÊnmin mbÊ nga rÊⱡang mbÊ. Manga rÊⱡaip ti mek, komnga mong ila rakurmin ei nga rÊⱡang ei, mou rui napÊrÊm ei mel kapⱡa. 15 Wamp ti ndi, ndip lam kandpa, lam rÊⱡang ei, panda ropa mundi namÊndrÊm mon. Wote lam kandÊk, oⱡa nduk monduⱡina, manga ila mormin wamp ei, rÊⱡang ngÊⱡnga rÊⱡang ei, kandÊk mormin ei mel kapⱡa. 16 Ei mel ku, enim nga rÊⱡang ei, wamp mbÊ nga kuimp keta ila rÊⱡang pangga! Enim nga uⱡ kai eng mbÊ, wamp mbÊ ndi kandÊk, enim nga TipanÊm Got wi muⱡ kona morum ei nga mbi ei, paka rundeing. 17 “Na ik mbo endÊnt uⱡ ei nga, enim ndi, pilik pai nui wu mbÊ nga ik niting na, Got nga mi ik Moses ngurum na mbÊ, rop mbuⱡ mbaⱡ indimp nÊmp, ur nÊk pili nÊpÊlÊi mon! Na rop mbuⱡ mbaⱡ indimp nÊmp ui nÊwÊr mon. Na ik kÊⱡ etÊp, kupa indimp nÊmp mana ur. 18 Pilik muⱡÊi! Ya akup moⱡÊp onmÊn ui ei, mba muⱡ mÊi raⱡ pora nimba ei kÊn, rÊk ting ila, Moses nga mi ik ei nga, ik mong tenda kot kep, mÊi ila uⱡ mbÊ ndi, ropa kawa ndui nÊndangga. Got nga ik ei ndi, etmba nitim uⱡ mbÊ, etpa pora ndumba. 19 Ei nga, wamp nam ti ndi, Got nga mi ik ei nga, ik mong onunga ti, tÊpa pei mondrum uⱡ ei mel, wamp mat i ku iteing nimba, mbo endim ndam, wamp ei Got nga tÊpa mumuk rui kona ila wamp nuim muⱡi nambuⱡmba. Wote, wamp nam ti ndi, mi ik ei, tÊpa ou ndupa, wamp mat i ku etÊk tÊk, ou ndÊi nimba mbo endim ndam, wamp ei, Got nga tÊpa mumuk rui kona ila wamp nuim moⱡmba. 20 Na enim kundÊp namp, enim Moses nga mi ik mbo wu na, Perisi wu na mbÊ, kun kai mormin uⱡ ei, tÊk mana mel nduk, enim Got nga numan ngorum uⱡ mendpÊⱡ mbÊ mel, pep rok eng ndam, enim tÊpa mumuk rui kona ila rukÊr ping. 21 “TÊn nga anda kouwÊmÊn Jura wamp mbÊ, man ngok, wamp rok kundi nÊkÊndÊi nÊtÊm. Rom wamp ei, kombulk nangina mba, kupa em ndam, mong tangga. 22 Ni kÊn wote, akup na ndi, enim ik i etÊp kondÊp nÊnt, wamp nam ti ndi, elim nga ÊngÊn ti kÊn popÊⱡ kuⱡÊm ndam, wamp kÊmp ti, wu ei nga kuimp keta ila mba anggilmba. Wamp nam ti ndi ÊngÊn ti nimba kit mondum ndam, ‘Nim ik ei mek puk, rÊp wu,’ mbÊ kÊn, nÊk mot ndÊi! ‘Wamp nam ti ndi, elim nga ÊngÊn ei kundpa, nim kur kupÊr wamp ti kant ei ka!’ nim ndam, nim wamp ei ndip kona ila mindil nomba. 23 Wamp ti ndi, Got kÊn rat pol wingti ila mel mat, wei gem nguimp nÊkÊn, oⱡa pukÊn molkÊn, wamp mbo ei kÊn, ik puⱡ mat ropa mondpa nimba pilpa em ik ei, omba rondum pin ndam, nim nga wei gem ngÊn mekÊn mel ei, rat pol wingti ei nga kuimp keta ila tÊkÊn kelkÊn, tÊkrÊk yant okÊn, wamp mbo ei kÊn, pem ik mbÊ nÊkÊⱡ mÊn mondkÊⱡ kÊn, yant okÊn, wote Got wei gem nguin mekÊn pun mel ei ngui. 25 Wamp ti ndi, nim mepa kot indimp nim ndam, wamp ei kÊn, ik puⱡ pem ei kot manga ila pi nÊpi kÊn, nombuⱡa paka ila unt nÊk rotÊk tÊl muna, i iti natÊkÊⱡ, kot manga ila kun punggil ndam, nim tÊpa wamp kÊmp tÊtÊm wu ei kÊn ngangga wu ei ndi, nim tÊpa, el nde wu kÊⱡ kÊn ngangga, nim mek puk kan nguing. 26 Ik kupa ei, nim kondÊp nÊnt, mel punt mat nim kÊn petÊm mbÊ, punt rokÊn pora ndun ndam, mint kan manga ei wak rokÊn ekit pin,” nitim. 27 Jisas ndi, nimba mel, “TÊn nga anda kouwÊmÊn mbÊ ndi, Jura wamp mbÊ, man ngok nitmin pÊtmin ik ei, ‘Wu ti nga amp ei tek pi nÊpÊi,’ nÊtmÊn. 28 Ni nga wote, akup ila na ndi, enim ik i etÊp kundÊp nÊnt. Wu nam ti ndi, amp ti kandpa amp kant ei, tep pilmba ndam, pÊp nimba pÊtÊm. Uⱡ ni ndi, mundmong ila amp ni, unt tepa pepa pora ndurum. 29 Ei kÊn, nim nga mong orunga ndi, nim etpa nit paka ila pendÊm ndam, mong orunga polkÊn tÊkÊn, rok mundÊk kili! KÊng ei nga mel imp tenda ti ndi, etangga nim nga kÊng kÊⱡ pÊkÊ, ndip kona ila mba ei mon. KÊng ei nga em mel tenda ei, kÊng ila muⱡi nambÊⱡÊm uⱡ ei kai. 30 Muna, nim nga ki mbo orunga ndi, nim etpa nit paka ila pendÊm ndam, koⱡmung etkÊn mondÊk kili! Ki tenda ei ndi, etangga nim nga kÊng kÊⱡ pÊkÊ, ndip kona ila mba ei mon. Em ki ei nga koⱡmung kopÊt, ki ila muⱡi nambÊⱡÊm uⱡ ei kai! 31 “TÊn nga anda kouwÊmÊn mbÊ ndi, Jura wamp mbÊ man ngok, ‘Wu nam ti ndi, elim nga ambÊm ei, mondpa kelim ndam, amp ei akup mondÊp kent nimba, wu amp ndenggÊⱡa ndui pepa ti ropa ngangga.’ 32 Ni nga wote, akup na ndi, enim ik i etÊp kundÊp nÊnt, wu ti ndi, ambÊm ei, wu elpa ti ndi, tepa pi nÊpangga. Ik elpa tila nimba, oⱡa ndupa tepa ambÊm mundpa kilangga, amp ei mba wu kont nga ti pum ndam, wu elpa tÊpa tepa pei uⱡ ei nga mong ei, amp mundpa kelim wu ei tÊmba. Wote, mundpa kelim amp ei, tÊm wu ei, amp elpa tepa pei uⱡ ei nga mong ei tÊmba. 33 “TÊn nga anda kouwÊmÊn mbÊ ndi, Jura wamp mbÊ man ngÊk nÊtÊng petmin ei mel, ‘Nim nga mi tekÊn itimp nin uⱡ ei, rokÊn puⱡa rui nÊri! Wote, nim nga Got ei kÊn, mi tekÊn itimp nin uⱡ ei mel etkÊn kapⱡa indi.’ 34 Ni nga wote, akup ila na ndi, enim i etÊp kundÊp nÊnt, nim mi tekÊn uⱡ ti itimp nÊkÊn pin ndam, kona ti mbi tekÊn ni nÊni! Wote ik ti nÊmp ronduⱡ mundimp nÊkÊn, muⱡ kona ei mbi ti nÊti! Nambuⱡ emel, muⱡ kona ei Got nga rÊpndi pol ei, muna ya mÊi ei mbi ti nÊtÊi! Ei nambuⱡ emel, ya mÊi ei, Got nga kÊmp raⱡ kambitim kona ei, muna Jerusalem mbi ti nÊti! Nambuⱡ emel, Jerusalem ei, Got wu peng mumuk ei nga kona peng ei tetÊm. 36 Muna ik ti nimp ronduⱡ mundimp nÊkÊn, nim nga peng ombÊl ei ÊmbÊⱡi nÊmbÊⱡi. Nambuⱡ emel, nim nga peng ombÊl ei ambuⱡana. Nim nga peng ndi kot kep, pomp ndumba muna, kurÊmÊⱡa iti natÊmba. 37 Nim nga nin ik ei, kapⱡa nin ndam kep, mon nin ndam, ik tenda ei ni, merÊng ik mat pendÊp nÊmp ronduⱡ mundimp nÊkÊn nin ndam, Seitan kÊn orum ik mbÊ nin. 38 “TÊn nga anda kouwÊmÊn mbÊ ndi, man ngÊk niting pÊtmÊn ei mel, ‘Wamp ti ndi, nim nga mong orunga ropa tÊm ndam, mong elim nga mong ei rokÊn ti ku, nim nga gu ei ropa randum ndam, elim nga gu ei ku rokÊn rÊngÊn.’ 39 Ni nga wote, akup ila na ndi, enim i etÊp kundÊp nÊnt, wamp ti ndi, nim kÊn uⱡ kit mat em kandkÊn, ei mel ku etÊp punt rop tamp nÊkÊn iti nÊti! Wamp ti ndi, nim nga keng orunga ki ⱡurwa nde rom ndam, keng orunga nont ndana pendpa rangga! 40 Wote, wamp ti ndi, nim nga wal pÊki kel rukrÊng orunga kÊⱡ tÊmp nimba, nim mepa kot endim ndam, nim nga wal pÊki ekit orunga kÊⱡ ngana pendpa tangga! 41 Wamp ti ndi, pilkÊⱡ ngumba, nim kona nundpa tila, pi nim ndam, nim ndi, oma kona roⱡ tila pi. 42 Wamp ti ndi, nim mel ti waldÊm ndam, waldÊm mel ei ngui! Wamp ti nim nga mel ei mep mbo etÊp, wote mep omp ngeimp nim ndam, wak rok ngana mepa etpa, wote mepa omba ngangga! 43 “TÊn nga anda kouwÊmÊn mbÊ ndi, man ngÊk nÊtÊng pÊtmÊn ei mel, ‘Nim numan ngÊng wamp mbÊ numan ngukÊn, nim numan ngangÊng wamp mbÊ, numan ngui ngÊngi,’ nitim. 44 Ni nga wote, akup na ndi, enim i etÊp kundÊp nÊnt, nim nga el rui wamp mbÊ numan ngokÊn, nim rok pint panda eng wamp mbÊ, Got kÊn atinga rundi. 45 Uⱡ ei mel etangina, oⱡa muⱡ kona Wuta ei nga kangambuⱡa ralk muⱡeing. Oⱡa nuim ndi, wamp kit, kai mbÊ kÊn, ant tenda ei nga rÊⱡang ei wamp mbÊ kÊn, ngumba kapⱡa endÊtÊm. Wote kona ndamÊng ei, i ku etpa rangga nilinga, wamp kit kai mbÊ mormin kona ila rorum. 46 Ei kÊn, nim numan ngÊng wamp mbÊ ku, numan ngÊn ndam, wote Got ndi, nim namba tangga mel ti ngumba? Gapman nga ku moni takis tÊndÊtmin wu mbÊ, uⱡ emel etmÊn ei ka. 47 Wote, nim nga wamp puⱡ na, wamp min na mbÊ mint ik rungÊndÊn ndam, uⱡ ei mbo wamp mbÊ kÊn, uⱡ kont ti mon? Got kÊn mondpa pili nÊpili wamp mbÊ, i ku etmÊn. 48 Ei kÊn, nim nga oⱡa Wu TipanÊm ei, muⱡ kona ila kun kai morum ei mel, nim i ku etkÊn, kun kai muⱡi!