Mak 14

1 Jura wamp kÊⱡ nga bret yis mundi namÊndÊk, wei normÊn ui ni kÊn, etpa ti rÊng normÊn ui ei nga rumbÊⱡ raⱡ pelinga, pris kÊⱡ nga wu kuimbal kÊⱡ kÊn, mi ik mbo wu na mbÊ ndi, Jisas ndangga nimbun imp moⱡÊp tÊpÊn, rop kundmin nÊk, uⱡ ⱡawa mat kurÊrÊng. 2 Wote, wu mbÊ ndi, nÊk mel, “Etpa ti rÊng nuing ui ei kÊn, ropÊn kundmin ndam, wamp mbÊ ndi, tÊn kÊn tek rombulk, el rok iting!” nÊtÊng. 3 Jisas noi Betani ila kint pombuⱡma rÊrÊm wu Saimon nga manga ila, rÊng nomba moⱡnga, amp ti ndi, kopung ronduⱡ mura rui kai ming ti, mepa omba tÊpa ambuⱡpa, Jisas nga peng ila, oi ndupa, kopung kÊndrÊm. 4 Wote, wamp mat ila morung nimbÊ ndi, amp ei nga itim uⱡ ni kandÊk, popÊⱡ kolk, en enim nÊk int yant etÊk nÊk mel, “Kopung mura rui kai ei, etpa ge ndonum ei ka? 5 Kopung kai ei tÊpÊn mepÊn, mbun mel rarÊp ropÊn, elimina ndam, ku moni 300 kina na ei mel telmina. Wote ku ei, tÊpÊn wamp kurpa nom mat ngoⱡmina,” nÊtÊng. Wote amp ni, ik mura kit mat ngurung. 6 Ni kÊn, Jisas ndi, nimba mel, “Amp ei ndi, na nga uⱡ kai ti endnÊm ei, tangga kandÊk, kui itÊi! Nambuⱡ emel, amp ei, mbun ngonmin? 7 Wamp kurpa mbÊ, enim kÊn, rÊk rÊk muⱡing wamp mbÊ, ki nguimp nÊkÊn pin ndam, nguin mint. Wote, na enim kÊn, ui mbila nga rÊk rÊk rÊp rop muⱡi nÊmbÊⱡmin. 8 Amp ei ndi, na nga endÊmba uⱡ ei mel, kapⱡa enim. Na nga on ei, tÊk mek puk, wamp on kona ila kopung kandÊk ÊngÊndeing ei mel, unt kopung kandnÊm. 9 Enim ik kupa ei, kundÊp nÊnt. Muⱡ uⱡ mbila, Got nga rÊnang ik kai kÊⱡ, wamp nÊk ngÊng ei kÊn, ya amp ei ndi, enim uⱡ kai ei, pendÊk timan rok nguing,” nitim. 10 Wote, kitip kÊni wu 12 ni kÊⱡ nga ti, Juras Iskariyot wu ni ndi mba, Jisas rÊk moⱡpa, wu Pris kÊⱡ nga wu kuimbal nimbÊ, kundÊp nimp nimba purum. 11 Wu nimbÊ ndi, Juras nimba urum ik ni, pilik kai pilik, ku moni mat nguimin nÊk, nÊk mÊi rorung. Pilpa yant omba, Jisas rÊk moⱡmba ei nga nombuⱡa mam ti kÊrÊrÊm. 12 Etpa Ti rÊng normÊn ui ei nga kng sipsip rok koik, bret yis mundi namÊndÊk normÊn ui ei, puⱡ mondrung ui ei kÊn, Jisas elim nga kitip kÊni wu kÊⱡ ndi, elim waldÊk nÊk mel, “Nim nga Etpa Ti RÊng ei, manga nant ila tÊp kun itÊmin pamin?” nÊtÊng. 13 Wote, elim nga kitip kÊni wu raⱡ tÊpa mundpa, nimba mel, “Kona peng ou ila rukÊr pukÊⱡ kÊnanggila. Wu ti, nu kuⱡpa mepa om wu ei, pep rokÊⱡ, akil tekÊⱡ pukÊⱡ, murÊk pum manga ila, manga puⱡ wu ei kundkÊⱡ, ‘Ik Mbo Wu ei ndi waldpa, na nga kitip kÊni wu kÊⱡ kÊn, nanÊm kÊn, Etpa Ti RÊng ei, manga nant ila moⱡpÊn nuimin ei nga, tÊpa ora ndangga nÊl!’ nitim. 15 Waldanggila, manga puⱡ wu ei ndi, enmbil manga kÊkaⱡ oⱡa orunga, etpa kai etpa tem ti, tÊpa ora ndumba, rÊng mbÊ tÊk kun etÊk, muⱡÊnggil pÊl!” nitim. 16 Kitip kÊni wu ni raⱡ pukÊⱡ, kona peng ou nila, Jisas nitim uⱡ nimbÊ mel, kandkÊⱡ tÊkÊⱡ, wote Etpa Ti RÊng mbÊ, tÊp kun etÊk morunggil. 17 Wote, kona ant ei mana puⱡnga, Jisas kÊn, elim nga kitip kÊni wu 12 kÊⱡ kÊn orung. 18 RÊng nimbÊ nok moⱡina, Jisas ndi, nimba mel, “Enim ik kupa ei kundÊp nÊnt. Enim wu kÊⱡ nga ti ndi, na ring nimba rÊk moⱡmba. RÊk moⱡmba wu ei, na kÊn rÊng tenda ila nonumbÊⱡ,” nitim. 19 Wu nimbÊ pora, mundmong mindil tÊk, kÊⱡ kel numan pilik elpa elpa Jisas waldÊk nÊk mel, “Nim nÊn ei, na kundÊk nÊn ei?” nÊtÊng. 20 Wote Jisas ndi, punt ropa nimba mel, “Ei enim wu 12 kÊⱡ nga wu ti, na kÊn ming tenda ila bret nu mundpa, nom wu ei ndi etmba. 21 Buk Wingti ei ndi, ik ti nimba mel, “MuⱡÊl Wu Kupa ei, koⱡmba nitim ei mel koⱡmba. Wote, MuⱡÊl Wu Kupa ei, rÊk moⱡum wu ei, mindil mam ti, nomba ei ka! Wu ei mam ndi, mi nambilnga ndam, kai elinga,” nitim. 22 RÊng nok moⱡina, Jisas ndi, bret ti tÊpa, Got kÊn angge nimba, puk ropa wu ni kÊⱡ ngumba nimba mel, “TÊk nÊi! Ei, na nga kÊng ei,” nitim. 23 Wote, nu wain ming i ku etpa, Got kÊn angge nimba, wu ni kÊⱡ nguⱡnga nok, kapⱡa endÊtÊng. 24 Wote Jisas ndi, kundpa nimba mel, “Ya ei, na nga mema ei, wamp minal Got kÊn, tÊpa tenda etmba ei nga, nÊndÊp oi ndont. 25 Enim ik kupa ei, kundÊp nÊnt. Na mbo wain ei, aldpa nui nÊnimp. NandÊp moⱡÊp, mbo Got nga tÊpa mumuk rui kona ila nu wain kont ti, elpa nuimp,” nitim. 26 Wote, kinan kat nÊk pendÊk, pena ok, noi Olip komnga ila ping pilik purung. 27 Jisas ndi, wu kÊⱡ kundpa nimba mel, “Got nga ik mong ti, unt pai nok rok pendÊtÊn ei ndi, nimba mel, ‘Got ndi, kng sipsip rÊp wu ei, ropa kundangga kÊn, kng sipsip mbÊ, mbÊⱡ mbaⱡ nÊk ping,’ nÊtÊm Wote, ik mong petÊm ei mel ku, enim ndi, na wak rok, enim nung nÊk ping. 28 Wote, na ⱡoporop oⱡa munt ei kÊn, enim wÊl Galili orunga pi nÊpi, na kuimp tep mbi,” nitim. 29 Pita ndi, punt ropa nimba mel, “Wu wei mbÊ ndi, nim wak rok pung ndam, na ndi, nim wak rui nÊrimp mon!” nitim. 30 Jisas ndi, Pita kundpa nimba mel, “Nim ik kupa ei kundÊp nÊnt. Akup rumbuldi, kÊi kulda ropa raⱡ indi nÊndi, nim ndi, na pili napÊt nÊkÊn, raldika indÊn,” nitim. 31 Pita ndi, ik pilkÊⱡ ngumba, nimba mel, “Na ndi, nim pili napÊt ni nÊnimp mon! Nim kÊn ei mel, na kuⱡimp!” nitim. Wote kitip kÊni wu kat ndi, i ku etÊk nÊtÊng. 32 Wote puk, Getsemani ni kona tila puk kÊn, Jisas ndi, elim nga kitip kÊni wu kÊⱡ, kundpa nimba mel, “Na atinga ruimp punt ei kÊn, enim ya ila muⱡÊi!” nitim. 33 I nimba, Pita, Jeims, Jon, nga tÊpa melinga, elim kÊn purung. Ni kÊn, elim nga numan orunga mbun mam ti, elim kÊn urum. 34 Wu raldika orunga ni kÊⱡ, kundpa nimba mel, “Na kuⱡimp ei nga, na nga mundmong orunga mindil etpa, na tÊpa mana ndumba enim. Ei nga, enim ya kona ila nokundÊk, mong tÊk muⱡÊi!” nitim. 35 Wu ni kÊⱡ muⱡeing nimba mondpa, onunga kot merÊng mba, mÊi ila rumÊⱡi pepa, mindil nga ui ei omba, keri mba mel pem ndam, omba keri pangga nimba, atinga rÊrÊm. 36 Wote, atinga rÊrÊm, nimba mel, “Wuta! Na nga Wuta ye! Nim uⱡ mbÊ kapⱡa etÊn wu ei ndi, ya uⱡ mbun na kÊn onum mbÊ omba, keri pangga ni. Wote, na nga numan pint ei mel mon! Nim nga numan pin uⱡ ei mel iti!” nitim. Nimba kÊn, atinga rÊrÊm. 37 Atinga ropa pendpa, yant omba kÊndrÊm mel, kitip kÊni wu raldika ni kÊⱡ, ur petÊng. Jisas ndi, Pita kundpa nimba mel, “Saimon ye! Nim ur petÊm ei ka! Ant mong tenda tila nim kapⱡa rÊt nÊkÊn, oⱡa muⱡÊn muna mon?” nitim. 38 “Enim ur pi napÊk, atinga rok mint muⱡangina, Seitan ndi, enim oⱡa tÊpa kÊni nÊkÊnangga! Muⱡnga ei ndi, atinga ramp ka nimba pÊnÊm, wote kÊng kÊⱡ ndi enÊmp monum,” nitim. 39 Nimba pendpa, int mba, unt atinga ropa ik nitim ik kÊⱡ, ku rÊrÊm. 40 Wote, yant omba wu ni kÊⱡ, ur ku petÊng ila kundrum. Ur pili pÊla, rÊt nÊk oⱡa molk, elim kundÊk ning ik mbÊ pilik rundrung. 41 Ama wote, int mba atinga ropa, raldika endpa yant omba, wu ni kÊⱡ kundpa nimba mel, “Enim muⱡ tÊk ur ku pek mormÊn ei? Enim ur penmÊn, ei manda. Akup MuⱡÊl Wu Kupa ei tÊpa, wamp uⱡ kit etmin mbÊ nga ki pol ila tendÊmba, ui ei onum ei kanmÊn ye! 42 Oⱡa muⱡÊiya pamin! KÊnÊiya! Na rÊk moⱡum wu ni, ya onum!” nitim. 43 Jisas ik nimba moⱡnga, kitip kÊni wu 12 kÊⱡ nga, Juras nÊtmÊn wu ni ndi, wu el kum kat, wu pris kuimbal na, mi ik mbo wu na, manga wingti rÊp wu na mbÊ ndi, tÊk mundrÊng ila mepa urum. Wu el kum orung nimbÊ, koiya na, tÊmbÊⱡ na mat mek orung. 44 Ei kÊn, rÊk murum wu ni ndi, wu el kum orunga nimbÊ nimba ndoimp rondpa nimba mel, “Na ndi, rÊk mbo keta nu rop nÊnt wu ei, kan ngÊk, rÊp ronduⱡ etÊk, mek pÊi!” nitim. 45 Ni kÊn, Juras ndi, Jisas murum kona nila kun rÊk mba, “Ik mbo wu ye!” nimba, keta nu ropa nurum. 46 NÊk pendÊtÊng ni mel, tÊngÊnda rÊk ok, Jisas tÊk imp molk kan ngurung. 47 Ni kÊn, kitip kÊni wu wÊng orunga murum ni ndi, koiya ou ti, kÊp ropa pendÊtÊm ni, kuⱡimp ropa ekit tÊpa, wu Pris kuimbal ei nga kindmant wu ni nga, kum omung ei, ropa puⱡa rÊrÊm. 48 Wote Jisas ndi, nimba mel, “Na punt mong wu ti, nÊk pilik enim tÊmbÊⱡ na, koiya na mel mbÊ, mek ok, na kan nguing onmÊn ei? 49 Na ui mbila rÊk rÊk enim kÊn moⱡÊp, manga wingti mbila, Got nga ik ei mbo endÊp it ei kÊn, na tÊk kan ngui nganggÊrÊng ni? Wote, ya enmin uⱡ ei ndi, Got nga ik mong ti, Buk Wingti ila nimba pinditim ik ei omba, kupa enim,” nitim. 50 Wote ei kÊn, kitip kÊni wu ni kÊⱡ, Jisas mondÊk kelik nung nÊk purung. 51 Puⱡnga, muⱡ mbal kurmÊâ±¡Ê rÊrÊm kang wu ti, Jisas pep ropa akil titim. Kang wu ni, tÊp imp monmÊn nÊk elingina, nÊng nimba puⱡnga, muⱡ mbal rÊrÊm ni potÊk yant tilingina we giyu gou purum. 53 Wote, Jisas tÊk mek puk, wu Pris kuimbal ei nga mang kona ila wu pris kuimbal kÊⱡ kÊn, manga wingti rÊp wu kÊⱡ kÊn, mi ik mbo wu kÊⱡ kÊn, tÊk mou rok morung, kona nila purung. 54 Pita ni, Jisas mek purung ni mel, akil tepa mba, wu pris peng mumuk ni nga mang keta ila, el wu nimbÊ, pena ndip kalk morung nimbÊ kÊn, mba kup etpa, ndip pilpa murum. 55 Wu pris kuimbal mbÊ kÊn, Jura nga wu nuim nimbÊ kÊn, Jisas namba ik tila nÊmp oⱡa ndupÊn, tepÊn rop kundmin nÊk pÊⱡ ti, kurÊrÊng ei, pÊⱡ mat kandÊk ti natÊtÊng. 56 Wote, wu kat ndi, ik kol rok, Jisas ik mat nilinga, pitmin ku nÊtÊng. Wote, wu mbÊ nga ik nÊtÊng kÊⱡ omba, tenda pi nÊpÊrÊm. 57 Wote, wu mat ndi, anggilik kol rok, Jisas nga ik mat nÊndÊtÊng, “Wu ei ndi, ik ti nitim pitmin ei, ‘Wamp nga ki ei ndi, manga wingti mam rakrung, ei rok tÊp, mana tÊp, wote rumbÊⱡ raldika mel manga ei, rakÊp timp nitim ei, ya wamp nga ki ei ndi, rakurmÊn uⱡ ni mel mon nitim,’” nÊtÊng. 59 Ik i nÊtÊng ik mbÊ ndi, kupa iti nÊtÊtÊm. 60 Wote, wu Pris peng mumuk ni ndi, rÊk ila anggilpa, Jisas ni waldpa nimba mel, “Nim kÊn kol rok, ik ndo ngÊk nÊnmÊn ei nga, nÊkÊn int nduin ik ti kep, pilik rundÊn ei?” nitim. 61 Wu ei ndi, nitim ik ni, Jisas ndi, pilpa kui itim. Wote, wu Pris peng mumuk ni ndi, aldpa waldpa nimba mel, “Nim Kraist, nim Got wamp memp pendÊtÊm wu ei nga kangÊm ei?” nitim. 62 Jisas ndi, punt ropa nimba mel, “Int nÊn wu ei, na waⱡÊm ei ka!” nitim. “Na MuⱡÊl Wu Kupa ei, enim pora kandÊk muⱡangina, Got ronduⱡ tepa mul wu ei nga ki mbo orunga moⱡÊp, muⱡ kona kopa pol ila, yant wamba kÊning ei ka!” nitim. 63 Wote, wu pris kuimbal ni ndi, elim nga wal pÊki ni kÊⱡ ambuⱡpa ondpa, waldpa nimba mel, “Namba ik ti nga kombuⱡpÊn kandpÊn nimin?” nitim. 64 “Elim meka ropa kelpa, ik kit nÊnÊm pÊnmin ei kÊn, enim ndi, namba nÊk pÊnmin?” nitim. Jisas kuⱡangga nÊtÊng ik ei, wu ama ou ndupa mel ndi nÊtÊng. Ei nga, wu ei uⱡ kit etÊm ei nga kuⱡangga nÊtÊng. 65 Wu mat ndi, Jisas rumin nÊk wu mat ndi, elim nga kuimp keta ila ol rok, muⱡ ping ti ndi, mong raⱡ ila kan rok, ki kom ndi rok, nÊk mel, “Painui wu ye! Nim ki kom ndi ronum ei, wu nam ndi ronum?” nÊtÊng. Wote, el wu mat ila morung ni kÊⱡ ndi, Jisas i ku etÊk, ambulk int tÊk ki raka ndi rorung. 66 Wote Pita ni, wu pris kuimbal ni nga mang keta nila ndip pilpa murum. Wote, wu pris kuimbal ei nga kongun amp wendÊp ni kÊⱡ na ti ndi, pena omba, ndip pilpa murum ni kÊn, kandpa nimba mel, “Nim Nasaret wu, Jisas ei kÊn kunda, rup rokÊⱡ morumbil ni ka!” nitim. 68 Wote Pita ndi, ik ni, punt ropa nimba mel, “Nim ik nant ei nga nÊn ei, na pilip kun iti natÊnt ei ka!” nitim. Nimba kÊn, manga tip orunga mbi nimba elinga, kÊi kulda rÊrÊm. 69 Kongun ambuⱡa wendÊp ni ndi, Pita mba murum kona nila aldpa kandpa nimba mel, “Ya wu ei, wu nimbÊ nga wu ti,” nimba, wamp ndip pilik morung wamp nimbÊ, kundpa nitim. 70 Ni kÊn, Pita ndi, elim mon ku nitim. Wote onunga kot moⱡina, wamp morung nimbÊ nga mat ndi, Pita kundÊk nÊk mel, “Nim wu kÊⱡ nga ti nÊmp kanmin ei ka! Nambuⱡ emel, nim Galili kona ila wu ei ku! Wote, wu Jisas ei, Galili kona ila wu ei ku,” nÊtÊng. 71 Wote elim ndi, mon nimba ronduⱡ mundpa, mi tepa nimba mel, “Enim ndi, na kÊn rup rokÊⱡ morunggil ninmÊn ei pilik kun iti natÊk nimin ei ka! Na kep nÊnt ndam, na Got ndi, mbun ngangga,” nitim. 72 I nilinga, kÊi kulda ropa raⱡ inditim. Ei kÊn, Pita ndi, Jisas nga ik elim kÊn nitim ni, tÊpa mindÊtÊm. “KÊi kulda ropa raⱡ indi nÊndi kÊn, nim ndi, na pili napÊt nÊkÊn kÊⱡ, rondkÊn raldika indin,” nitim. Ik ni tÊpa mendpa kÊn, ka kÊk nimba itim.