Mak 16

1 Jura wamp nga mowi kor mormin ui ni omba puⱡnga, Mariya Makndelin na, Jeims nga mam, amp Mariya na, amp Salomi na mbÊ ndi, Jisas nga on ni kopung kÊnding pilik, kopung mura rui kai mat rarÊp rok, tÊk tek petÊng. 2 Ipri unt, kongun kor ou kÊn, ant kuimp oⱡnga pena ok, Jisas nga on etÊng kona nila purung. 3 Nombuⱡa mam rÊk ting ila puk mel, en enim ol tek nÊk mel, “On kona keta puⱡ puⱡ ila ku ni, nam ndi, mberÊk ndupa, tÊpa mondÊmba nda?” nÊtÊng. 4 Wote, puk kandrung mel, ya ku mam wei ni, mberÊk nduk tÊk mundrÊng. 5 RÊk puk kandrung mel, ki mbo orunga, anggelo wu kumÊndÊp ti, wal pÊki kurÊmÊⱡa kat pakÊpa murum ila kandÊk, min ngÊn mundrÊng. 6 Wote, wu ni ndi, kundpa nimba mel, “Enim min ngÊn mundi nÊmÊndÊi! Nasaret wu Jisas, nde peta ila pendÊk rong ni, kurÊk ong ndam, ⱡoporpa omba pum. Ya kona ila, pi napÊtÊm. Kona koⱡ ei, ya kÊnÊi! 7 Akup kandÊk puk, kitip kÊni wu ni kÊⱡ kÊn, Pita kÊn kondÊk nÊi! ‘Elim Galili orunga kuimp tepa mba moⱡmba. Akil tek puk, kÊning nitim ni mel, kÊning pÊi!’” nitim. 8 Pilik tÊkrÊk ekit ok, min ngÊn mondÊk, numan kai pelinga purung. Wote, wamp ti kep, kundÊk ni nandÊtÊng. Ei nambuⱡ emel, amp kÊⱡ mundmong minal etÊng. 9 Jisas ni, kor ou kÊn, mÊkÊlmÊ unt, ⱡoporpa oⱡa moⱡpa, amp Mariya Maktelin unt kur kit 7 kat ndi, rok wÊlÊ monduⱡnga, Jisas ndi, tÊpa mundrum. Amp ni kÊn, kuimp tepa urum. 10 Amp ni ndi, int mba, unt Jisas kÊn rÊp rok andrÊng wamp nimbÊ, munt mindil tÊk, ka rom rok morung ila mba, anggelo ei ndi, nitim ik nimbÊ mel, kundpa nitim. Amp nitim ik ni, kupa nÊk mondÊk pili napÊtÊng. 12 Wote, wu ralt en enmbil nga mbo kona ila pinggil puⱡÊnggila, Jisas ni, kuimp keta elpa ti mel, tÊpa urum. 13 Wote, wu ni raⱡ kelik, yant okÊⱡ, kitip kÊni wu kat kundÊk nÊtÊnggil ik ni, kupa nÊk, mondÊk pili napÊtÊng. 14 Wote, akil tepa wu 11 ni kÊⱡ, rÊng nok morung ila, Jisas omba wu ni kÊⱡ, tÊpa pendpa ik ngurum. Ni kÊn, numan rumÊnt pendÊk, elim ni, ⱡoporpa omba mba, kont murum uⱡ ni kandÊk, yant ok nÊtÊng ik ni, kupa nÊk, mondÊk pili napÊtÊng. 15 Wote, wu ni kÊⱡ kundpa nimba mel, “Enim muⱡ uⱡ mbila puk, rÊnang ik kai ei nÊk, wamp mbÊ nÊk ngeing pÊi! 16 Wamp nam ti ndi, mondpa pilpa nu tÊm wamp ti, etpa tÊmba. Wote, wamp nam ti ndi, mondpa pili napilpa nu tÊm wamp ei, kit moⱡmba. 17 Mondpa pili wamp mbÊ, Got nga ronduⱡ ei tÊk, uⱡ rÊpndi mat etÊk, na nga mbi tek angÊndÊk, kur kit mbÊ rok mundÊk, ik nuim kan elpa elpa mat, tek nÊk iting. 18 Wote, kimbuⱡa wamp rui mat oⱡa tÊk ambulk, kopna na mel mat, nok eng ndam, kolk rok iti nÊtÊng. Kui peng em wamp mbÊ, ki ndi ÊmbÊⱡangina, wang nimba,” nitim. 19 Wote, Nuim Jisas ni, ik nimba pora nduⱡnga, elim ni, tÊpa mepa, muⱡ ila oⱡa purum. Got tipam ei nga ki mbo orunga mundrum. 20 Kitip kÊni wu ni kÊⱡ, muⱡ uⱡ mbila puk, elim nga rÊnang ik kai nimbÊ, mbo endilingina, Nuim elim ndi, wu ni kÊⱡ kÊn moⱡnga, ik nÊk ngÊk, uⱡ rÊpndi mat etÊk, etÊng nimbÊ ndi, ronduⱡ purum.