Pilipai 2

1 Enim nga, numan ila Kraist kÊn ronduⱡ tÊtmÊn muna? Wote, elim nga kaimp kul uⱡ ei ndi, enim nga numan orunga etpa wang ndurum muna? Muⱡnga Wingti nga mul uⱡ ila rukrÊng orunga mormin muna? Enim nga numan ei, wamp ÊngÊnÊl kÊⱡ nguk kaimp kurmin ei? I etÊk kÊn, na nga ambuⱡpa puⱡi uⱡ ei, etÊk ou indÊi! I etÊk numan tenda mundÊk, wote kaimp kul uⱡ tenda ambulk, numan tenda pangga muⱡÊi! 3 Enim nga numan orunga mint pilik, kara pi nÊpÊi mon! Wote, wamp mat tÊk ou nduk, enim mana orunga muⱡÊi! 4 Enim nga kÊng orunga mint pili nÊpÊlÊi mon! Wamp mat nga kunda pilÊi ku! 5 Enim Kraist Jisas nga numan pÊtÊm ei mel ku pilÊi! Elim ni Got ku, wote elim ni, Got Tipam murum ei mel muⱡimp nimba, pili nÊpÊtÊm, mon! 7 Elim nga numan ei wak ropa, kongun kindmant wamp mel raⱡpa moⱡpa, elim nga orunga mepa mana omba, Got nga ik ei pep ropa mba kurum. Nde peta ila ruing nimba pitim ndam kep, koⱡmba ei nga numan ngumba kurum. 9 Ei nga, Got ndi, Jisas oⱡa tÊpa, elim nga ki mbo orunga mundrum. Wote, mbi ti ngurum ei, mbi wei mbÊ mel mon, mbi ou ti ngurum. Mbi ei Jisas. Nambuⱡ emel, wi muⱡ kona kep, ya mÊi kona kep, mÊi min mana orunga kep, wamp mbÊ, Jisas nga mbi ei tek, mura rok mondÊk, wote wamp ik nuim kan elpa elpa mbÊ ndi, pora keta tenda puⱡnga, Jisas Kraist ei Nuim ei nangina, Got Tipam nga mbi ei mon pangga! TÊn ndi, Got nga mbi ou ei paka rundÊmin. 12 Ei kÊn, na nga wamp mÊn kÊⱡ, na unt enim kÊn, mur ei kÊn, na nga ik ei rÊk rÊk pep rorung, ei mel ku akup, na enim wak rur ei kÊn, ik ei pep ku rÊi! Enim kongun ronduⱡ mundÊk etÊk, Got ndi, tÊn rukÊr titim ei nga, mundmong etpÊn angge nimbun, Got nga mbi paka rundmin. 13 Nambuⱡ emel, Got ndi, enim nga numan orunga pilpa kongun etÊm. Uⱡ ei nga, elim ndi, enim nga numan ei, ropa rot nduⱡnga, enim ndi, elim nga kongun numan ngorum ei mel kun kulk etmin. 14 Uⱡ mbÊ kump kÊm enim iting etÊk kÊn, popÊⱡ mundi namÊndÊk, el rui narÊk eng ei kÊn, uⱡ ⱡawa mat pi nÊpangga! Wote, enim Got nga kangambuⱡa kun kai ralk muⱡing. Wote enim ndi, kont mba mul uⱡ ei, ambulk gi nduk, enim ya mana mÊi ila wamp rÊⱡaip uⱡ kit etmin mbÊ nga ruk ting ila ui muⱡ ila mipil mel, rÊlang pangga muⱡing. Enim ndi, wamp mat kÊn, RÊnang Ik kont pi kÊⱡ nÊk ngung ndam, wote Kraist nga ui ou ila, na enim kÊn numan etmba. Ei nambuⱡ emel, na nga kongun enim kÊn, it uⱡ mbÊ wei ai iti natÊmba. 17 Ei nga, na nga kÊng kÊⱡ enim nga, mondpa pili ei nga, nÊndÊp uⱡ kunt ndam, na enim kÊn ambÊⱡÊp paⱡÊp muⱡimp. 18 Wote ei mel ku, enim ndi, i ku etÊk, na kÊn ambulk palk muⱡÊi! 19 Wote, pilim ndam, ui nondpa ti kÊn, Timoti enim kÊn omba moⱡpa, enim nga enmin uⱡ mbÊ na kundpa nangga, numan kai pilip muⱡimp. 20 Wu tenda ei ndi, na nga numan pÊt ei mel pilpa, enim tÊp rÊpÊndimp ku nimba pÊtÊm. 21 Wote, wamp minal ndi, en enim nga kÊng orunga nga nÊk pilik, Kraist Jisas nga kongun mbÊ pili napÊtmÊn. 22 Wote, enim pilik mormun ei, Timoti na kÊn tipam kangÊm mel moⱡpÊⱡ, RÊnang Ik Kai ei, nÊmp mep andrÊmbÊⱡ kangÊm ndi, tipam tÊpa rapÊndurÊm ei mel. 23 Wote, na nanim moⱡÊp pilamba uⱡ mbÊ, kapⱡa em ndam, Timoti enim kÊn ui nondpa tila tÊp mundimp. 24 Wote, na kupa pÊnt ei, Nuim ei ndi, nombuⱡa mam ti tÊpa kun tangga, na enim kÊn ui nondpa tila uimp. 25 Na pÊnt ei, na nga ÊngÊn Epaprondaitus, wote kongun rÊp wu, wote el nde wu, nombuⱡa rÊng wu Epaprondaitus ni, enim kÊn ngump int ndont. 26 Wu ei, enim kanÊmba ei nga numan elinga morum. Ei nambuⱡ emel, elim kui rurum ei nga enim numan ou nduk pilik mormun ei nga. 27 Ei kupa, unt elim kui rurum. Ei kÊn, koⱡpa pora nduⱡnga, ei wote, Got ndi, wu ei kont kurum. Wote, na kont kurum ku. Ei nambuⱡ emel, Got elim ndi, na mbun mam ti, koma rui nÊreimp nimba pitim. 28 Ei kÊn, na numan mam ti pÊnt ei, Epaprondaitus enim kÊn ngump int ndamba, enim kandÊk numan wang nduk kai pilangina, na numan ou ndup pili nÊpÊleimp. 29 Wote, wu ei om ei kÊn, Nuim ei nga mbi ila numan mam ti nguk, rawe etÊk tÊi! 30 Ei nambuⱡ emel, Kraist nga kongun indimp nimba etpa, elim koⱡmba itim. Elim koⱡmba ei, nga pili napilpa itim ei, enim ndi, iti natilingina mel itim.