Repeleisen 11

1 Wote, tÊmbÊⱡ ambulk mek andurmin ni mel ti, na nguk kÊn, nÊk mel, “Nim ndi, oⱡa anggilkÊn andkÊn, Got nga manga wingti ei kÊn, rat pol na mbÊ to rokÊn iti! Wote wamp mat, Got nga mbi paka rondunmÊn mbÊ, namba iti mbÊ kÊmp rokÊn iti! 2 Wote nim ndi, rat pol wingti ekit orunga tetÊm kona ei, to rui nÊri! Nambuⱡ emel, wamp rÊⱡaip elpa mbÊ nga tÊpa ngurum kona ei tetÊm. Wamp mbÊ ndi, Got nga kona peng wingti ei, kÊmp kambilik mint pangina mba, kalimp 42 omba mba. 3 Na nga nombuⱡa rÊng wu raⱡ tÊp mundamba kÊn, muⱡ ping ralkÊⱡ pukÊⱡ wamp mbÊ kÊn, Got nga ik mbo endkÊⱡ panggila, rumbÊⱡ 1,260 omba mba,” nÊtÊng. 4 Muⱡ mÊi raⱡ nga Got nga kuimp keta ila, nde olip raⱡ kÊn, wote lam raⱡ mormbil ei, elim nga nombuⱡa rÊng wu raⱡ nga to ropÊⱡ mormbil. 5 Wamp mat ndi, wu raⱡ uⱡ mat ndi, etpÊn kit mundmin nÊk eng ndam, wu raⱡ nga keta min ila, ndip ti ekit omba kÊn, wamp mbÊ nomba kondÊmba. Wote, wamp nam ti ndi, wu raⱡ nga ti ruimin nÊk eng ndam, i etÊk ku kuⱡing. 6 Wu raⱡ nga ronduⱡ tekÊⱡ moⱡÊnggil ei ndi, muⱡ ei imp muⱡanggila kÊn, kona ndamÊng rui nÊrangga kÊn, andkÊⱡ Got nga ik mong mbÊ ninggil. Wu raⱡ nga ronduⱡ ei ndi ku, nu mbÊ tanggila, mema raⱡpa tangga kÊn, wote mÊi kona mbila pora, mel tetÊm mbÊ kit muⱡangga, ni kÊⱡ uⱡ mat itinggil. Wu raⱡ ndi, uⱡ mbÊ pilinggil ei mel, kapⱡa itinggil mint. 7 Ei kÊn, wu raⱡ ndi, Got nga ik mong mbÊ, nÊkÊⱡ pora ndanggila kÊn, wote mel rakra ti, mÊi ila kut mana petÊm ei ndi, oⱡa omba, wu raⱡ kÊn, el romba. Wote, mel rakra ei ndi, wu raⱡ ropa mana ndupa, ropa kondÊmba. 8 Wu raⱡ nga on raⱡ, kona peng ou ei nga nombuⱡa mam ila tiyangga kÊn, tÊn ndi, ik ek ropÊn, kona peng ou ei kundpÊn, Sorom kÊn, Isip mÊi kÊmp raⱡ nimin. Unt kona peng tenda ila ku, wu raⱡ nga Nuim ni, unt nde peta ila nil rok, rok kondrung. 9 Ei kÊn, mÊi kona mbila wamp rÊⱡaip elpa elpa na, kÊng elpa elpa ti na, ik elpa elpa nÊk etmin na mbÊ ndi, wu raⱡ nga on ei kandÊk pangina, rumbÊⱡ raldika etpa, wote rumbÊⱡ ti nga ruk ting ila pora nimba. Wote, tÊk on iteing nÊk kandÊk, kont iti nÊtÊn. 10 MÊi kona wamp mbÊ ndi, wu raⱡ korÊnggil uⱡ ei kandÊk kÊn, numan kai pilik, Êp nok ambulk palk, en enim nga wamp mbo mbÊ kÊn, mel mat gem nguk int yant etÊng, nambuⱡ emel, painui wu raⱡ ndi, mÊi kona wamp mbÊ kÊn, uⱡ kit mbÊ etÊnggil ei nga iting. 11 Wote, rumbÊⱡ raldika omba puⱡnga, wote rumbÊⱡ ti nga mba rÊk ting ila pora nilinga kÊn, Got nga muⱡnga ei, pop ropa, wu raⱡ kÊn ruk nduⱡnga, wu raⱡ rÊt ni kÊⱡ, kont morunggil. Ei kÊn, wamp mbÊ ndi, wu raⱡ nga itim uⱡ ei, kandÊk mundmong etÊng. 12 Ni kÊn, wu raⱡ mok pÊtÊnggil mel, wi muⱡ kopa ila wamp nga keta min ila, ronduⱡ wi ropa, nimba mel, “Enmbil ya ila oⱡa wÊl!” nitim. Ei kÊn, wu raⱡ, kopa pol ila, oⱡa pukÊⱡ wi muⱡ ila puⱡÊnggila mel, el rui wamp nimba ndi, wu raⱡ kandÊk morung. 13 Ui ni kÊn, kona kilimbÊmp mam ti elinga, kona peng ou ei nga punt ronggÊt etpa, kit monduⱡnga kÊn, wamp 7,000 kolk pora ndurÊng. Wamp mat kont morung mbÊ, mundmong minal etÊk, muⱡ ila Got nga mbi ou ei, tÊk ou nduk, paka rondrÊng. 14 Enim pilÊi! Mbun mindil 2 ni, pora ninim. Wote, ui onunga kot ila mbun mindil 3 ei nondpa, ekit omba. 15 Wote, anggelo 7 ni nga pikul ni, ik nduⱡnga mel, wi muⱡ ila wamp nga keta ila ik mat ndi, ronduⱡ wi rok, nÊk mel, “Akup mÊi kona ila nga wamp rÊp iti uⱡ ei nga ronduⱡ ei, tÊn nga Oⱡa Nuim ei kÊn, elim nga Kraist raⱡ kÊn tetÊm. Wote, elim uⱡ nga kÊnt nga rÊp etpa moⱡmba,” nÊtÊng. 16 Ni kÊn, Got nga kuimp keta ila rÊp wu 24 kat, en enim nga rÊpÊndi pol ila mormin nimbÊ ndi, Got nga kuimp keta ila mura rok mondÊk, Got nga mbi paka rondrÊng. 17 Wu nimbÊ ndi, nÊk mel, “Nim Nuim Got Ronduⱡ Purum ei, nim unt murÊn, akup morÊn. Nim nga ronduⱡ mam ei, tÊkÊn pora ndukÊn kÊn, nim Nuim Mumuk molkÊn, wamp mbÊ pora puⱡ mondkÊn rÊp en. Uⱡ ei nga, tÊn ndi, nim kÊn angge ninmÊn. 18 Uⱡ ila nga, wamp rÊⱡaip elpa mbÊ, popÊⱡ mondrung. Ei nambuⱡ emel, wamp mbÊ nga popÊⱡ ei, omba ui ei akup. Ui ei, wamp kui mbÊ kÊmp tin. Nim nga ik painui kongun wamp na, wamp mat nim nga mundmong endÊk, mana orunga molk kongun etÊng na, mÊi kona wamp nuim na, wamp kurpa na mbÊ mel kai mat, punt rokÊn nguin, ui ei akup. Wamp mat ndi, mÊi kona ila nga mel tetÊm mbÊ, etÊk kit mondrung ei nga wamp mbÊ, etÊk kit munding ui ei akup,” nÊtÊng. 19 Wote, rÊp wu nimbÊ, ik nÊk pora nduⱡmina kÊn, anggelo mbÊ ndi, Got nga muⱡ ila manga wingti ei, kumba tilingina kÊn, nimba mÊi rui ket kÊⱡ, pena ila ekit omba telinga kÊndÊr. Ni kÊn, kona kump kiraipa etpa, guⱡ gaⱡa nimba, mÊi ei kilimbÊmp etpa, kona ndamÊng tÊma ropa, kona kup mong mam mbÊ mana urum.