Repeleisen 14

1 Wote na ndi, kundÊr mel, Sipsip Waⱡ ei, komnga Saiyon ila anggilinga kÊn, wamp 144,000 kunda rÊp rok anggÊtÊng. Sipsip Waⱡ ei nga mbi ei kÊn, Tipam nga mbi ei kÊn kunda, wamp mbÊ nga mÊi ombÊl ila, mon rok mondrung. 2 Wote, na kum tep pit ei, wi muⱡ ila ik ti pit ei, gita rok nÊtmin ni mel, ik nilingina, nu kuⱡÊp ropa, kona guⱡ gaⱡa nimba etÊm ni mel elinga pit. 3 Wamp 144,000 mbÊ ndi, rÊpÊndi pol nila, tÊmbÊkak mel kont mul na, rÊp wu na mbÊ nga kuimp keta ila molk, kinan kont kat nÊtÊng. Got ndi, wamp 144,000 rukÊr titim mbÊ mint kinan kÊⱡ, pilik mbi nduk nÊtÊng. Wamp wei nÊwÊ mat ndi, kinan kÊⱡ, pilik ni nandÊtÊng mon! 4 Wu mbÊ ndi, amp mbÊ kÊn, rÊp rok pek iti natÊtmin, mon! Wu eng nui mbÊ molk kÊn, Sipsip Waⱡ ei, purum kona mbila wu mbÊ, akil tek pep rok purmin mint. MÊi kona mbila wamp mbÊ nga wu mbÊ mendpÊⱡ, Got ndi, etpa rukÊr titim. Mel mat, Got kÊn angge nÊk ngormÊn ni mel wu mbÊ, i etÊk angge nÊk, Sipsip Waⱡ ei kÊn, Got kÊn ngorung. 5 Wamp mbÊ nga keta ila ik kol ti, ekit ui nawÊrÊm. Wote, uⱡ ⱡawa ti kandÊk, ti natÊtmÊn mon ku. 6 Wote, na kÊndÊr mel, anggelo ti, mbur nimba muⱡ ila purum ei ndi, RÊnang Ik Kai rÊk rÊk kont tetÊm kÊⱡ, mepa mba, mÊi kona mbila pora, ik elpa elpa ni wamp na, wamp rÊⱡaip elpa elpa na, kÊng elpa elpa ti wamp na, mÊi kump elpa elpa mbila, nimba ngumba pilpa purum. 7 Anggelo ei ndi, wi ronduⱡ ropa, nimba mel, “Got nga wamp mbÊ pora, kÊmp tÊmba ui ei, nondpa enim. Enim wamp mbÊ ndi, Got nga mundmong endÊk, mbi paka rondÊk indÊi! Got nga ronduⱡ ei, muⱡ mÊi raⱡ na, num kuta na, nu na mel mbÊ pora, mim itim,” nitim. 8 Anggelo akil tepa ni ndi, anggelo kuimbal ni, pep ropa omba, nimba mel, “Kona peng ou Bapilon ni, kit moⱡpa pora ndunÊm, ei ka! Kona peng ou Bapilon ei ndi elinga kÊn, wamp mbÊ ndi, wapra puⱡ pendÊk ronmin. Uⱡ ei, nu wain ronduⱡ mel ti, wamp mbÊ nguⱡnga, nok kekilip rok etmin,” nitim. 9 Wote, anggelo 3 ni ndi, anggelo kuimp tetÊnggil ni raⱡ, pep ropa omba, ronduⱡ ik nimba mel, “Wamp nam ti ndi, mel rakra ei nga to tÊndÊk, mim etÊng mel ei, mbi paka rondpa, wote tip timal ei, ki ila kep, mÊi ombil ila kep, pem ndam, wamp ei, nu wain ei nomba. Nu wain ronduⱡ ei, Got elim nga popÊⱡ ei, ming ila oi ndupa mondpa ngumba. Ei kÊn, uⱡ kit mbÊ nga punt ropa ngangga nomba. Wote wamp ei, ku salpa nomba, kondpa pem ila anggelo wingti mbÊ nga kep, Sipsip Waⱡ ei nga mong waⱡ ila kep, mindil minal nomba. 11 Ndip ila wamp mindil nok muⱡangina kÊn, ndip ikil ei, rÊk rÊk oⱡa mba mint moⱡmba. Wamp mbÊ, mel rakra ei kÊn, wote mel nga to tÊndÊk mim etÊng mel ei nga mbi paka rondÊk, mel ei nga mbi ila, tip timal tÊk etÊng wamp mbÊ, rumbuldi rÊnggilmÊ raⱡ, mindil nok mint muⱡing,” nitim. 12 Ei kÊn, akup wamp mat, Got nga mi ik kÊⱡ pep rok, Kraist kÊn rÊk rÊk mondÊk pilik etmin wamp kÊⱡ, ronduⱡ mondÊk muⱡÊi! 13 Na kum tep pit mel, wi muⱡ ila wamp nga keta ila, nimba mel, “Nim ndi, ik kÊⱡ mon rui! Akup kep, wote kep, wamp mat Nuim ei nga kongun endÊk molk, koⱡung mbÊ, ambulk palk muⱡing,” nitim. Muⱡnga Wingti ei ndi, i ku ninim, “Wamp mat kont molk kÊn, mbun koma rorung mbÊ, muⱡ tÊk ambulk palk muⱡing. Nambuⱡ emel, wamp mbÊ nga uⱡ kai mat etmin mbÊ kunda, mek ping,” nitim. 14 Wote, na kÊndÊr mel, kupa kurÊmÊⱡa ila wamp mel ti murum. Wamp ei, wÊna gol ti peng ila mondpa, kur koiya nengina mul ti, ki ila ambuⱡpa murum. 15 Wote anggelo ti, Got nga manga wingti ila moⱡpa, pena omba ronduⱡ mundpa, ka wi ropa etpa nimba, wamp ti, kopa ila murum ni kundpa, nimba mel, “Pana kona mbila rÊng mbÊ, rupa ropa pora ndum, nim nga kur koiya ei ndi, rÊng mbÊ koⱡmung iti, akup rÊng ting ui ei ka!” nitim. 16 Wote, kopa ila murum wamp ni ndi, kur koiya ni, ambuⱡpa mepa mÊi ila mana omba, pana kona nimbila, rÊng rupa rurum nimbÊ, koⱡmung itim. 17 Wote, anggelo ti ku, Got nga manga wingti ila moⱡpa, pena omba kÊn, elim nga kur koiya nengina mul ti, ku ambuⱡpa, mepa oⱡnga kÊndÊr. 18 Wote, anggelo ti ku, Got nga rat pol wingti ei, wak ropa pena urum. Ei nga, ronduⱡ ei ndi, ndip ei rÊp etÊm. Anggelo ei ndi, kur koiya nengina mul ti ambuⱡpa, wi ronduⱡ ropa, nimba mel, “Pana kona mbila, nde wain mong mbÊ poⱡ ropa petÊm. Nim nga kur koiya nengina mul ei ndi, koⱡmung etkÊn mÊk rui!” nitim. 19 Wote, anggelo ni nga kur koiya nengina mul ti, ÊmbrÊm ni mepa, pana kona nila mana omba, nde wain mong nimbÊ, koⱡmung etpa tÊpa mÊk rurum. Ropa mondpa, wote tÊpa ku ming mam ti wain mong mbÊ, kambilik nim nim ndurmin nila, rÊk rÊk itim. Kona ei, Got nga popÊⱡ kurum kona ei mel. 20 Kona peng ei nga, ekit orunga ku ming mam ni telinga, wain mong nimbÊ, kambilik nim nim nduⱡmina mel, mema mbÊ tilk nimba, ekit purum kona ei, 200 kilomita ei mel ruⱡ puⱡnga moⱡpa, oⱡa urum to ei, kng os mÊi ila oⱡa anggilinga omba, keta min ila oi tÊtÊm ei mel, kapⱡa itim.