Repeleisen 4

1 Wote ni kÊn, na aldpa ur kump mel, etÊp kundrum mel wi muⱡ kona ila keta puⱡ puⱡ ti, wei titim. Wote kona ila, pikul ik ti, unt pit ni mel ti ndi omba, nimba mel, “Nim ya ila oⱡa wana, na ndi nim kÊn, uⱡ wote pemba mbÊ, nim tÊpa ora ndamba kÊnÊn,” nitim. 2 Ei kÊn, tÊngÊnda mint, Muⱡnga ei ndi, na kÊn omba, ronduⱡ mundpa moⱡnga, na kÊndÊr mel, wi muⱡ kona ila wu nuim mumuk mbÊ nga mormun rÊpÊndi pol kat titim. Pol ila, wamp ti murum. 3 Wote, wu nuim mumuk mbÊ nga rÊpÊndi pol ila murum wamp ni nga kuimp keta ei, ku kai Jaspa kÊn Karniliyan raⱡ, kiraipa muraipa etÊm ei mel itim. Wote, wu nuim mumuk ni nga rÊpÊndi pol ni kÊⱡ, kona kÊmp kÊpÊm poⱡpa, tÊpa pok etpa, ku kai Emeral mel mon mba pitim. 4 Wu nuim mumuk ni nga rÊpÊndi pol ni kÊⱡ, ruk ting ila telingina, rÊpÊndi pol 24 kat, tepa pok itim. Wote, rÊpÊndi pol ni kÊⱡ nga pol ila, rup wu 24 kat, mbuⱡ mbal kurumuⱡa mbÊ ralk, peng nimbila wu nuim mumuk mbÊ nga gol wÊnÊ nimbÊ nga mat mondÊk morung. 5 Wu nuim mumuk rÊpÊndi pol ruk ting ila telinga, kona kiraipa etpa ekit omba, wote muⱡ ik nilinga, wote guⱡ gaⱡa nimba itim. Wote, rÊpÊndi pol ei nga oldung orunga, ndip kiya 7 kat, kiya nomba pitim kÊⱡ, Got nga Muⱡnga 7 kÊⱡ morung. 6 Wote, rÊpÊndi pol oldung orunga ila ku, num kuta mam ni mel, kona ti titim. Mong kiraipa mel rÊⱡang mba titim. Wote, rÊpÊndi pol mbuldung orung kÊn, oldung orung kÊn, wote wÊng orung orung raⱡ ila, mel tÊmbÊkak rÊk rÊk kont mormun kat, mong waⱡ mbuldung orunga anggilpa, oldung orunga anggilpa, etÊm kat morung. 7 Mel kont morum kuimp tepa ei, kui Laiyon mel kapⱡa, wote mel ti kng kau pela mel kapⱡa, wote mel ti wamp mel kuimp keta anggÊtÊm. Wote, mel ti kÊi ndowa mel ei, mbur nimba etpa murum. 8 Mel tÊmbÊkak rÊk rÊk kont mormÊn kÊⱡ, pou 6 nimba elpa elpa ÊnggÊtÊm. Wote, mong minal rukÊr orunga ekit orunga mbÊ anggilpa pok elinga, rumbuldi rÊnggilmÊ raⱡ, muⱡ ti natÊk, kinan ei mel nÊtmÊn, “Ei Nuim Got Wu Ronduⱡ Wei! Wingti! Wingti! Wingti! Unt murÊn, akup morÊn, wote yant uin,” nÊtÊng. 9 Mel tÊmbÊkak kat rÊk rÊk kont mormÊn ni kÊⱡ ndi, rÊpÊndi pol ila uⱡ nga kÊnt nga kont morum wamp ei nga, mbi ou tangga nÊk, kinan mbÊ nÊndÊk, mbi paka rondÊk, angge nÊk etÊng. Ni kÊn, rÊp wu 24 kat ndi, uⱡ nga kÊnt nga kont morum wamp mbÊ, to rÊpÊndi pol ila morum ni nga kuimp keta ila, rumÊⱡi pek mbi paka rondurmin. Wote, i etÊk mel, en enim nga gol wÊnÊ mbÊ, rÊpÊndi pol ei nga kuimp keta ila rok mundÊk nÊk mel, “Nim tÊn nga Nuim Got ye! Nim nga mbi paka rundamina, mbi ou tÊkÊn, wote muⱡ mÊi raⱡ nga ronduⱡ ei, tin ei nga kapⱡa etkÊn morÊn. Ei nambuⱡ emel, nim ndi, mel mbÊ pora mim itÊn. Wote ninim ndi, pÊtÊn ei mel, mana mel elpa elpa mbÊ, wengÊndkÊn mim etkÊn mundrÊn ei mel, kont puk mormin,” nÊtÊng.