Repeleisen 6

1 Wote na ndi, moⱡÊp kundÊr mel, Sisip Waⱡ ni ndi, buk ila kan 7 kat imp morum ni kÊⱡ nga kan kuimbal ni, koⱡmung itim. Ni kÊn, na kum tep pit ei, mel kont mul tÊmbÊkak ni kÊⱡ nga ti ndi, ik nilinga mel, num kan ei, kona guⱡ gaⱡa mel nimba, “Nim ui!” nitim. 2 Wote, aldpa na kÊndÊr mel, kng os kurumuⱡa tila, wamp ti mbuⱡ ila murum ei ndi, el ti ambuⱡpa murum. WÊna ti, el etÊk int pendÊk mondÊrmin ei nga ngurung ei mondpa, el etpa int pendÊtÊm ei mel, el etÊp int pindimp nimba purum. 3 Wote, Sipsip Waⱡ ei ndi, buk ila kan merÊng (2) ni, ropa koⱡmung elinga mel, mel kont mul 2 ni ndi, nimba mel, “Nim ui!” nitim. 4 Ni kÊn, kng os kunt ti, urum ila wamp ti, mbuⱡ ila murum ei, ronduⱡ ti nguⱡmina mepa urum. Ronduⱡ ei, mepa omba mÊi kona wamp mbÊ nga moⱡpa kundi uⱡ mbÊ, tÊpa mundangga kÊn, wamp mat ndi, wamp mat rok kondÊk iting. Kongun ei, wamp ei tangga nÊk, koiya rÊⱡ ti ngurung. 5 Wote, kan 3 ei ndi, buk imp morum ni, Sipsip Waⱡ ei ndi, ropa koⱡmung elinga kÊn, mel kont mul 3 ei ndi, nimba mel, “Nim ui!” nitim. Ei kÊn, na ndi, kundÊr mel, kng os pombra ti urum. Kng ei nga mbuⱡ ila, wamp ti murum ei ndi, rÊng kuipa rormin mel kat, ambuⱡpa murum. 6 Na ndi, kum tep pit mel, mel tÊmbÊkak kont mul kÊⱡ mormin, ruk ting ila wamp ti ndi, ik ti ekit ndupa nimba mel, “Nim ndi pukÊn kÊn, wit ming kel tila, ku moni K20 nga kÊmp tÊkÊn, wote bali ming kel raldika kat kunda, kÊmp tÊkÊn iti! Wote nim ndi, olip na, wain na mbÊ etkÊn, kit mundi nÊmÊndi!” nitim. 7 Wote, Sipsip Waⱡ ni ndi, kan 4 ti buk ei imp morum ni, ropa koⱡmung itim ila, mel kont mul 4 ni ndi, nimba mel, “Nim ui!” nitim. 8 Wote, aldpa na kundÊr mel, kng os kuⱡa ndi ti, ekit urum. Wamp ti, kng os mbuⱡ ila murum ei nga mbi ei, wamp kui nga uⱡ ei nÊtÊng. Wote, wamp kui nga kona wamp ei kÊn, nondpa pep ropa akil titim. Mel raⱡ nga, ronduⱡ tÊtÊnggil ei ndi, mÊi kona wamp rÊⱡaip tÊmbÊkak kÊmp tÊkÊⱡ mondkÊⱡ kÊn, wamp rÊⱡaip tenda ti, koiya na, kump kun na, kui peng elpa elpa mat kÊn, kng rakra na mbÊ, ronduⱡ nguⱡÊnggila kÊn, wamp minal rok kondrÊnggil. 9 Wote, Sipsip Waⱡ ei ndi, kan 5 ti buk imp morum ei, ropa koⱡmung itim. Ei kÊn, na kundÊr ei, unt nga wamp korung nimbÊ nga min mbÊ, rat pol wingti mana orunga morung. Nambuⱡ emel, wamp mbÊ ndi, Got nga ik mong mbÊ, ronduⱡ mundÊk ambulk nilingina, el rui wamp mbÊ ndi, rok kondrung. 10 Wamp korung min mbÊ ndi, ronduⱡ ke nÊk mel, “Wu Nuim Mumuk Ronduⱡ Pi ei! Nim Wu Wingti! Nim Ik Kupa ei! Ui namba iti, tÊn nokundpÊn muⱡamina, nim ndi, mÊi kona wamp mbÊ, kÊmp tana kÊn, tÊn nga mema oi nitim uⱡ ei nga punt runding,” nÊtÊng. 11 Wote wamp nimbÊ, muⱡ kurmuⱡa ruⱡ mat, tenda tenda nÊk nguk, kundÊk nÊk mel, enim akup onunga kot muⱡ tÊk muⱡÊi! El puⱡa wamp mbÊ ndi, enim rok kondrung uⱡ ni mel etÊk, enim nga ÊngÊnÊl na, kongun tenda ila etmin wamp na mbÊ, rok kundangina kÊn, wote wamp mbÊ nga to ei mel kapⱡa itangga kÊn, Got ndi, enim nga mema oi nitim ei mel punt rondÊmba. 12 Wote, Sipsip Waⱡ ei ndi, kan 6 ti ndi, buk ei, imp morum ni, ropa koⱡmung itim. Ni kÊn, na kÊndÊr mel, mÊi kona ila kilimbÊmp mam ti itim. Uⱡ ei elinga mel, kona ant ei muⱡ pombra ping nui mel kapⱡa elinga, kalimp ei mema mel kunt itim. 13 Ni kÊn, wi mul ila mipil mbÊ, nde pik mong rÊpa rui nÊri mat, kÊpkÊ ropa ndanda nimba, mana orum uⱡ ni mel elinga, mipil mbÊ, mÊi ila mana orung. 14 Wi muⱡ ei, kÊnÊng mat ti mÊkÊp rormin ni mel etpa mba pora ndurum. Komnga mong na, nu mul kuimp na mbÊ pora, mormin kona mbÊ, wak rok puk pora ndurÊng. 15 Wote, mÊi kona mbila nga wu nuim mumuk na, wu nuim na, el wu nuim na, mel pi wu na, numan ronduⱡ pili wu na, wu nÊma na, kindmant kongun etmin wu na, wamp mbÊ pora, komnga mong mbila puk, mÊi mur manga na, ku manga na mbila mo rorung. 16 Wamp mbÊ ndi, wi rok, nÊk mel, “Komnga na, ku manga na mbÊ kundÊk, mana ok, tÊn panda rok, Êk rangina kÊn, rÊpÊndi pol ila morum wamp ei nga mong raⱡ ndi, tÊn kÊni nÊkÊnangga! Wote Sipsip Waⱡ ei nga popÊⱡ ei ndi, tÊn pui nÊnangga! 17 Uⱡ ei nambuⱡ emel, wu raⱡ nga popÊⱡ ei, akup ui mam ila ekit onum. Ei nga, wamp nam ti ndi, wu raⱡ nga popÊⱡ ila, ronduⱡ mba anggilmba?” nÊtÊng.