Taitas 3

1 Nim ndi wamp mbÊ, aldpa man ngukÊn, en enim nga gapman ei kÊn, gapman nga wu nuim mbÊ nga ronduⱡ ila, mana orunga molk, ik teng nduk, uⱡ kai mbÊ iting ei nga, rÊk rÊk tÊk kun etÊk muⱡeing ni! 2 Moⱡpa kundi uⱡ kai mbÊ etÊk, rÊk rÊk wamp mbÊ kÊn min mondÊk, wamp ti ndi ti, nÊk kit mundi uⱡ ei nga ti, iti nÊteing mon ni! 3 TÊn pÊtmÊn ni, unt tÊn nga numan orunga kÊn, pi napÊpÊn ik tÊp roi ndupÊn, meka ropÊn, ⱡawa minal itmin. MÊi kona ila mel mbÊ nga kindmant endÊtmin ei ndi, tÊn tÊpa kan ngurum. Wamp ti kÊn, pilpa kit pili uⱡ na, kandpa kum pindi uⱡ mbÊ nga minal itmin. Wamp mat ndi, tÊn numan ngui nganggÊrmÊn. Wote tÊn ndi, wamp mbÊ numan ngui nganggÊrmÊn ku. 4 Wote, Got tÊn nga Etpa Ti Wu ei nga, wamp numan ngui uⱡ ei kÊn, wamp tÊpa rÊpÊndi uⱡ ei kÊn, omba pena ila pitim. Uⱡ ei ndi, tÊn etpa titim. TÊn etpa titim uⱡ ei, tÊn nga uⱡ kai etmin mbÊ ndi mon! Wote, Got elim nga wamp kont kurum uⱡ ei ndi, tÊn etpa titim. Ei kÊn, tÊn nu titmin ei kÊn, Muⱡnga Wingti ei ndi, tÊn kont nga melinga, wamp kont kat murmÊn. 6 TÊn nga Etpa Ti Wu Jisas Kraist ndi, kongun itim uⱡ ila, Got ndi, tÊn Muⱡnga Wingti ei, pilpa kelpa oi ndupa ngurum. 7 Uⱡ ei ndi, elim nga wamp poⱡ ti uⱡ ila, tÊn etpa tilinga, Got nga kuimp keta ila tÊn kun purmin. Wote, i etpÊn moⱡpÊn mbun, uⱡ nga kÊnt nga kont mba mul uⱡ ei, timin pilpÊn nokundpÊn mormÊn. 8 Ik kupa ei, nÊmp ngont. Wote nim ndi, wamp mbÊ kÊn, ronduⱡ mundkÊn nana, wote Got kÊn mondÊk piling wamp mbÊ, en enim ronduⱡ mundÊk, uⱡ kai mbÊ etÊk muⱡing. Ya nÊnt ik mbÊ, wamp mbÊ pora molk, kai munding. 9 Wote, wamp mat ik nÊmÊ nÊk, anda kouwÊmÊn kalk tÊtÊng mbÊ nga ik nÊk, mi ik na mbÊ nga ik palk etmin wamp mbÊ kÊn ok, tÊk muⱡÊi! Nambuⱡ emel, ik mbÊ, ik kai mat mon. 10 Wamp ti ndi, atinga rormÊn ik ei, pep rui narÊpa, elim nga ik ei pep reing nimba em wamp ei, kuimp tekÊn man ngana pilpa, ti natÊm ndam, aldpa man ngui! Wote ei kÊn, ik ei kum ti natÊm ndam, wamp ei tÊkÊn mbuⱡ ngui! 11 Nim pilik morÊn, wamp ti, nombuⱡa kun ei, wak ropa, elim nga uⱡ kit etÊm ei ndi, elim etpa kit mondrum. 12 Wote na ndi, wu Artemas kep, wu Tikikus kep, tÊp nim kÊn mundunt ei kÊn, nim okÊn, ya Nikopolis kona ila ui! Nambuⱡ emel, ⱡapta mana orum ui ei kÊn, na kona ila omp muⱡimp. 13 Gapman nga mi ik pili wu Seinas kÊn, Apolus raⱡ, nombuⱡa pinggil ila, mek pinggil mel mbÊ, nim ndi, tÊkÊn kun indana mekÊⱡ pinggil. 14 TÊn nga wamp mbÊ, kongun kai mbÊ, ronduⱡ mundÊk etÊk, wote wamp mat pilik rundÊng mbÊ, tÊk rapÊndÊk iteing. Enimp mondÊk wei monmÊn uⱡ ei mon. Moⱡpa kundi uⱡ kai mbÊ iteing. 15 Na kÊn rup rop mormin wamp mbÊ ndi, nim kÊn rawe etÊk mundÊnmÊn. TÊn nga rawe ik kai mbÊ nÊkÊn, tÊn nga mondpa pili wamp mat, tÊn numan ngormÊn mbÊ kÊn nÊkÊn ngui! Got nga wamp poⱡ ti uⱡ ei, enim kÊn pora piyangga!