1 Pedro 1

TBL

‹ Chapter 0 1 Pedro — All Chapters Chapter 2 ›

1 Høøc�h xøhajp Pedro. Jesucrístøch xquiuguex̱yhajp. Mijts hädaa nocy nyajnäjaayøøby pønjatiä Diosmädia�agy mäbøjp. Xii yaa hajxy wiingtuumjaty mhadsäna�ay jim̱ maa naax̱ jaduh� xiøhatiän Ponto, møød jim̱ Galacia, møød jim̱ Capadocia, møød jim̱ Asia, møød jim̱ Bitinia. 2 Jequiän mijtsä Diosteedy xwyiimbiiyy. Tøø Dios hänajty ñajuø�øy coo mijtsä miädia�agy hänajty mmäbøgaa�ä. Ja�a yhEspírituhaamä Dios hajxy tøø xyaghodiägø�øy, weenä mädia�agy hajxy jaduh� mmäbǿgät ja�a Jesucristocøxpä. Jaaya�ay hajxy tøø xyajnähwáatsäm mänaa hajxy xñähho�túutäm. Weenä Dios ja�a hoyhajtä weenhajt hajxy xmio�oy møj may. 3 Tsøgä Dios hajxy wiingudsähgǿøyyäm. Jaaya�ayä Jesucristo Tieedyhajpy. Højtsä Jesucristo nWiindsø�hájtäm. Hojiootä Dios jiaanc�h tehm̱ miøød ja�a højtscøxphájtäm, paady hajxy homiänaajä xyagjugyhadáa�äm neby je�e jiugyhatiän. Coo Dios ja�a Jesucristo yagjujypiøjtägajch coo hänajty tøø yho�ogy, jaduh�ä tøyhajt hajxy nmøødhájtäm coo Dios hajxy jaduh� xjiaanc�h yagjugyhadáa�äm homiänaajä 4 jim̱ tsajpootyp. Jim̱ä hoyhajtä weenhajt hajxy møj may xmio�owáa�äm, neby jaduh� jecy miänaaṉ̃än cooc hajxy hänajty xmio�owáa�äm. Tijaty hajxy yaa nyagjugyhájtäm hädaa yaabä naax̱wiin, tsipcøxp jaduh� quiøxa�añ, tsipcøxp jaduh� quiuhdägoyya�añ. Pero mädyiijatiä Dios hajxy jim̱ xmio�owáa�äm tsajpootyp, cab jaduh� mänaa quiøxa�añ, cab jaduh� mänaa mia�ada�añ, cab jaduh� mänaa quiuhdägoyya�añ. Homiänaajä yajxó� yhida�añ. 5 Coo mijtsä Dios miädia�agy jaduh� mmäbøjcä, paadiä Dios hajxy xcwieendähada�añ ja�a miøcmäjaahaam. Cab hajxy jaduh� mänaa mguhdägoyya�añ. Coo ja�a Dios yHuung yaa quiädaactägatsa�añ hädaa yaabä naax̱wiin, ja�a Jesucristohajpä, mänit hajxy jim̱ xyajnøcxáa�äm tsajpootyp Dioswiinduum. Jim̱ä Dios hajxy homiänaajä xyagjugyhadáa�äm neby je�e jiugyhatiän. 6 Paady mijts jootcujc mhity, hoy hajxy jäda�ahaty madiu�u mja tsaac�hpøcy. Pero cab hajxy jejcy mdsaac�hpøga�añ. 7 Høxtahm̱dsä oro, jøønhaamä jäya�ayä oro hajxy yhijxmach pø hoyhoro jaduh�. Jaanä jaduh� mijtsä Dios xyhijxmajtspä pø hamuumdu�jootä miädia�agy hajxy mmäbøjcä, hoy hajxy mja jaanc�h tehm̱ chaac�hpøcy. Jaanc�h tehm̱ choobaatp jaduh� coo hajxy jaduh� mmäbǿgät teh�gajnä. Cabä oro jaduh� jiaty tsoobaady neby jaduh� choobaadiän nej mijts homiänaajä mmäbøquiän. Hix̱, tsipcøxpä oro jaduh� quiuhdägoyya�añ. Y coo Jesucristo yaa quiädaactägatsa�añ, mänit mijts xquiumaya�añ je�eguiøxpä coo hajxy hänajty tøø mmäbøcy, hoy hajxy hänajty tøø mja jaanc�h tehm̱ chaac�hpøcy. 8 Hoyyä Jesucristo hajxy tøø mga�a jagä hix̱y, mdsojpy mba�häyooby hajxy jaduh�, y mmäbǿjcäbä miädia�agy hajxy jaduh�. Hoy hajxy tøø mga�a jagä hix̱y, coo hajxy jaduh� mmäbøcy, paady hajxy jaduh� tøø xyajnähwa�ac�h. Coo hajxy jaduh� tøø xyajnähwa�ac�h, paady hajxy jaduh� mjaanc�h tehm̱ xioo�da�agy nägø�ø nädecypiä. 10 Ja�a jäya�ayä Diosmädia�agy hajxy jecy yajwá�xäbä, jia wi�i yajtøøby jia wi�i yajtø�xyp hajxy hänajty neby hajxy piäda�agǿøjät hawa�adstuum. Cab hajxy hänajty ñajuø�øy neby hajxy jaduh� jim̱ piäda�agǿøjät. Pero ñägapx hajxy jaduh� coo mijtsä Dios hänajty xpiäda�aga�añ hawa�adstuum, je�eguiøxpä coo hojioot miøødä. 11 Yajtøøby hajxy hänajty pø� mijts hänajty mi� xpiäda�aga�añ hawa�adstuum. Jaduh� hajxy hänajty yajtøøbä mänaa hänajty myina�añ. Ja�a Dios jaduh� hawaa�ä ja�a yhEspírituhaam cooc tu�jäya�ay hänajty yaa mi� chaac�hpøga�añ. Y cooc hänajty tøø yho�nä, mänítäc hänajty jiujypiøjtägatsa�añ. Mänítäc hänajty jim̱ ñøcxtägatsa�añ tsajpootyp maa Dioswiinduumän. Pero ja�a jecyjiäya�ayhajxy, cab hajxy hänajty jaduh� ñajuø�øy pø�ä Dios hänajty tøø ñänøm̱y ja�a yhEspírituhaam. �ä�ä cujahy hajxy jaduh� nebiaty hajxy jaduh� ñajtscapxøøyyä. 12 Mänit hajxy jecy yhawáa�äxä coogä Dios jaaya�ay hänajty quia�a tsoj quexa�añ, ja�a mijts hänajty xpiäda�agaam̱bä hawa�adstuum. Cujéquiägä Dios hänajty quiexa�añ. Hoorä, tøø quiejxnä. Jaduh� tøø yajtøjiajnä coo ja�a yajnähwaatspä tøø quiejxnä. Y tøø mijts jaduh� mjaanc�h mädoyhaty coo ja�a yajnähwaatspä yaa tøø yhoy. Ja�a Jesucrístøch jaduh� nnänøøm̱by coo hajxy hoy xñähho�túutäm. Y jaaya�ay mijts xyajmädoyhájtäbä, ja�a Dios ja�a yhEspírituhaam hajxy jaduh� ñajtscapxøøyyä nebiatiä Diosmädia�agy hajxy yajwá�xät. Tsajpootypä Dios ja�a yhEspíritu yajtsoh�daacy coo jaduh� yaa quiejxy hädaa yaabä naax̱wiin. Haa ja�a Dios ja�a mioonsähajxiä, ja�a hajxy jaduh� jim̱ hijpä tsajpootypä, jiaanc�h tehm̱ yagjuøøby hajxy jaduh� coo Dios ja�a yHuung jaduh� yaa quiejxy hädaa yaabä naax̱wiin, coo højts hoy xñähho�túutäm. 13 Y coo Jesucristo jaduh� yaa jadähooc quiädaactägatsa�añ, mänit hajxy jaduh� jim̱ xyajnøcxáa�äm tsajpootyp maa Dioswiinduumän, pønjatiä Diosmädia�agy hänajty tøø miäbøcy. Mänitä hoyhajtä weenhajtä hajxy jim̱ ca�xy xmio�owáa�äm. Coo Dios jaduh� tøø miäna�añ coogä yHuung yaa quiädaactägatsa�añ, jaduh�ä tøyhajt hajxy nmøødhájtäm coo jaduh� tiøjiada�añ. Tsøcxä njoot hajxy pädáacäm maa hoyhajtän, maa weenhajtän, mädyii Dios hajxy hänajty xmio�owáa�äm. Tsøcxä hajxy hoy wädíjtäm. Tsøc hajxy jahmiejtstáacäm coo Jesucristo yaa quiädaactägatsa�añ. 14 Coo Dios hajxy xyhuunghájtäm, paadiä miädia�agy hajxy tsøc mäbǿjcäm. Cabä haxøøgwiinmahñdy hajxy jadähooc mbadu�ubǿjcumbät, neby hajxy hijty mjatcø�øyän coo Dioscapxiä Diosmädia�agy hajxy hijty mga�a mädoyhatyñä. 15 Ca�a haxøøgjoot ca�a haxøøgwiinmahñdy hajxy myaghity. Hix̱, cabä Dios haxøøgjoot haxøøgwiinmahñdy ñä�ägädä møødä. Jaaya�ay hajxy jaduh� xyajnähdíjjäm coo hajxy xquiu�ughadáa�äm. Paadiä hojioot hajxy tsøc yaghíjtäm nebiä Dios hojioot miøødän. 16 Jaduh� jim̱ myiṉ̃ cujaay maa Diosmädia�aguiän: “Høøc�h, cábøc�hä haxøøgjoot cábøc�hä haxøøgwiinmahñdy nnä�ägädä møødä. Høøc�h hajxy pahijx padúu�äc”, nøm̱ä Dios jecy miänaaṉ̃. 17 Ja�a Dios hajxy nwiingudsähgǿøyyäm. NDeedyhájtäm hajxy jaduh�. Paady hajxy hoy tsøc jäya�ayhájtäm mäduhṉ̃tiä hajxy yaa ndsänaayy nhäyóow̱äm hädaa yaabä naax̱wiin. Hix̱, nnajuǿøyyäm hajxy jaduh� coo Dios hajxy xyajcumädow̱áa�äm nebiaty hajxy hänajty yaa haxøøg tøø njatcǿøyyäm hädaa yaabä naax̱wiin, hoy hajxy hänajty näje�e tøø nja mäyøødsänáayyäm. 18 Ja�a nhaphájtäm ja�a ndeedyhájtämhajxy ja�a jegyhajtypä, coo yhamdsoo cuhdujt hajxy hijty hoy quiudiuṉ̃, jadúh�äc tyijy hajxy ñähwa�adsa�añ. Y jaduh� mijts tøø mbahabøjpä. Pero cab jaduhm̱bä cuhdujt choobaady. Coo Jesucristo hajxy hoy xñähho�túutäm, ja�a ñø�tyhaam hajxy xpiädáacäm hawa�adstuum. Ni tii hajxy jaduh� xquia�a pädáacäm hawa�adstuum, ni xädø�øñ. Hix̱, paquiä xädø�øñ quiøx̱y. Jagooyyä Jesucristo hajxy xpiädáacäm hawa�adstuum ja�a ñø�tyhaam. Hix̱, cabä Jesucristo ni tii poj ni tii cädieey quia�a møødä. Paady hajxy je�e hoy xpiädáacäm hawa�adstuum. Coo Jesucristo ja�a poj ja�a cädieey häxøpy miøødhaty, cab hajxy häxøpy tøø xpiädáacäm hawa�adstuum. 20 Jéquiänä Dios ja�a yHuung jaduh� yajnähdijy cooc hänajty yaa quiexa�añ hädaa yaabä naax̱wiin, cáhnäc hädaa naax̱wiimbä hänajty yhawijy tiøø�xta�agy. Pero cabä Dios ja�a yHuung choj quejxy. Cujecy jaduh� quiejxy mänaabä højts hänajty yaa njugyhájtämbä. Højts hoy xñähho�túutäm. 21 Coo Jesucristo hänajty tøø yho�ogy, mänitä Dios yagjujypiøjtägajch. Mänit jim̱ jadähooc yajnøcxy maa wyiinduumän. Jim̱ jäda�ahaty wyiingudsähgø�øyii. Y coo Dios ja�a yHuung jaduh� yagjujypiøjtägajch, paadiä miädia�agy hajxy tsøc mäbǿjcäm coog hajxy xyagjugyhadáa�ämbä homiänaajä neby je�e jiugyhatiän. 22 Tøyyä Dios miädia�agy. Y coo mijtsä miädia�agy hoy mgudiuu�ä, paadiä mjootä mjuøhñdyhajxy nähwa�ads yhity. Nax̱y hajxy jaduh� mdehm̱ ñic�hoc mdehm̱ ñimiee�xǿøjät hamuumdu�joot. Jaduh� hajxy mnijiäwø�øwǿøjät nebiä tu�que�expän nebiä tu�mägu�ugpän. 23 Tøø haxøøgjoot tøø haxøøgwiinmahñdy hajxy nnajtshixǿøyyäm. Homiänaajä Dios hajxy xyagjugyhadáa�äm neby je�e jiugyhatiän. Jaduh�ä hojiootä howyiinmahñdy hajxy xmióoyyäm hawiinjem̱y, je�eguiøxpä coo miädia�agy hajxy nmäbøjcäm. Cabä miädia�agy mänaa quiuhdägoyya�añ. Jaaya�ay hajxy jaduh� xyagjugyhadáa�äm homiänaajä neby je�e jiugyhatiän, ca�a piø�ä hädaa yaabä naax̱wiimbä, ni ja�a ndajhájtäm ni ja�a ndeedyhájtäm. Haa ja�a hädaa yaabä naax̱wiimbä jugyhajtä, tsipcøxp jaduh� quiøxa�añ. 24 Jaduh� jim̱ myiṉ̃ cujaay maa Diosmädia�aguiän: Høxtahm̱dsä pøjy, hoy jaduh� jia yajxo�ä, tsipcøxp je�e ñä�ägä tø�øc�h. Jaduh� mäwiin højtshájtäm, hoy hajxy møj jaanc�h nja nijiäwǿøyyäm, tsipcøxp hajxy nnä�ägä ho�og nnä�ägä tägoyyáa�äm. 25 Pero ja�a Diosmädia�agy, cab jaduh� mänaa quiøx̱y tiägoy. Ja�a Diosmädia�agy jaduh� mänaam̱b coogä Jesucristo hajxy hoy xñähho�túutäm. Tøø mijtsä jäya�ay jaduh� xyajmädoyhaty, ja�a Diosmädia�agy hajxy jecy yajwá�xäbä.

‹ Chapter 0 1 Pedro — All Chapters Chapter 2 ›

1 Pedro 1

Cite / Share This Page