Los Hechos 8

1 Tan ra Saulo ña tsinú iñi ra tsi ra Jesús, tan ndoo̱ ra vaha tsa tsahñi̱ ra naha tsi ra Esteban. Tan juvin ñi quɨvɨ can quitsaha̱ nducú xaan nyɨvɨ tsi ñi yɨhÉ¨Ì cuenda ra Cristo ñuu Jerusalén tyin cahñi ñi tsi ñi. Tan tandɨhɨ ñi yɨhÉ¨Ì cuenda ra Cristo tsinu̱ ñi, cuahán ñi cua coo ñi tandɨhɨ ñuu tsa cayucú Samaria, tan tandɨhɨ ñuu tsa cayucú Judea. Maa tyin ra tava̱ tyiñu ra Jesús ña quita̱ ra naha. Ndoo̱ ra naha Jerusalén. 2 Tan juhva ra tsa nyicún vaha tsi Nyoo ñuu Jerusalén can, tsaha̱n ra naha tsicutsi̱ ra naha cuñu ñuhu ra Esteban nda nu ndaa cumi santu. Tan tsacu̱ xaan ra naha tsa cuenda tsa tsihi̱ ra. 3 Tan ra Saulo can quitsaha̱ nyaá ndaha ra tsi nyɨvɨ yɨhÉ¨Ì cuenda ra Cristo. Tan tsaha̱n ra tan iin tan iin vehe ñi. Tan ixta̱ caa ra tsi ñi, tan tsaha̱ cuenda ra tsi ñi tyin cuhun ñi vehe caa, tahan ñi rayɨɨ tan ñaha. 4 Tan tandɨhɨ ñi tsa quita̱ ñuu Jerusalén can, caahán ñi tuhun Nyoo nácaa jacacú ra Cristo tsi yo, tandɨhɨ ñi ityi nu cuahán ñi. 5 Iin ra tsa nañí Felipe tsaa̱ ra iin ñuu canyií Samaria. Tan quitsaha̱ caahán ra tuhun ra Cristo tsihin nyɨvɨ iyó ican. 6 Tan tandɨhɨ ñi nɨɨ cuñí ñi tan tyaá soho ñi tsa caahán ra. Tyin nyehé ñi tsa iyo tsa javahá ra. 7 Tyin cuaha xaan nyɨvɨ tsa yɨhÉ¨Ì tatyi ña vaha tan nduvahá ñi; tatyi ña vaha tsa yɨhÉ¨Ì tsi ñi, quita̱ nahnu tan cana̱ tsaa nahnu cuahán nahnu. Tan cuaha xaan nyɨvɨ coxo tan nyɨvɨ tsa ña cuví canda tan ña cuví caca, nduvahá ñi. 8 Yacan cuenda nyɨvɨ ñuu can, sɨɨ xaan cuñí ñi. 9 Tan Samaria can iyó iin ra tasɨ nañí Simón. Tuhvá ra jandaví ñaha tsi nyɨvɨ. Catyí ra tyin cahnu xaan cuví ra. 10 Tandɨhɨ maa nyɨvɨ, ñi cuca tan ñi ndaahvi, tyaá soho ñi tsa caahán ra. Tan catyí ñi: âNditsa nditsa, tyin tunyee iñi Nyoo iyó tsihin ra ihya âcatyí ñi. 11 Tyaá yahvi xaan ñi tsa caahán ra tyin tsa naha xaan jandaví ñaha ra tsi ñi tsihin tsa tasɨ. 12 Tacan tan quitsi̱ ra Felipe. Tan jacoto̱ ra tsi ñi nácaa ndacá ñaha Nyoo, tan nácaa cuhva tsa cahnu cuví ra Jesucristo. Tacan tan quitsaha̱ tsinú iñi ñi tsi ra Cristo, rayɨɨ tan ñaha. Tan tsicoondutya̱ ñi. 13 Nda cuanda ra Simón can, tan natsinu̱ iñi ra tsi ra Cristo, tan tsicoondutya̱ ra. Tan quitsaha̱ tsicá nuu ra tsihin ra Felipe. Tan iyo xaan cuñí ra nyehé ra tsa iyo tan seña tsa javahá ra Felipe. 14 Tacan tan ra tava̱ tyiñu ra Jesús tsa iyó ñuu Jerusalén can ñihi̱ tuhun ra naha tyin tsinú iñi nyɨvɨ Samaria tuhun Nyoo. Tacan tan jacuhu̱n ra naha tsi ra Pedro tan ra Juan nda Samaria. 15 Tan tsa tsaa̱ ra naha, quitsaha̱ tsicán tahvi ra naha tsi Nyoo tsa cuenda nyɨvɨ tsa yɨhÉ¨Ì cuenda ra Cristo nda Samaria can tyin na naquihin ñi Tatyi Ii Nyoo. 16 Tyin ñi can, ñaha ca nuu Tatyi Ii Nyoo sɨquɨ ñi. Maa tsa tsicoondutya̱ ñi ñi tsihin sɨvɨ Jutu Mañi yo Jesús. 17 Tacan tan ra Pedro tan ra Juan tyiso̱ ndaha ra naha jiñi ñi, tan naquihi̱n ñi Tatyi Ii Nyoo. 18 Tan ra Simón can nyehé ra nu tyisó ndaha ra tava̱ tyiñu ra Jesús jiñi ñi, tan naquihín ñi Tatyi Ii Nyoo. 19 Tan quitsaha̱ caahán ra Simón tan catyí ra: â¿Najava xuhun cuñí ndo tan cuhva ndo tunyee iñi tsi yu, cuvi tyiso ndaha yu jiñi nyɨvɨ, tan naquihin ñi Tatyi Ii Nyoo? âcatyí ra Simón tsihin ra naha. 20 Tacan tan nacaha̱n ra Pedro tan catyí ra: âJa̱ha cuenda coto cunaa un tsihin xuhun cun. ¿Nacuenda tsicá iñi un tyin cuví jata yo ndatu tsa tsahá Nyoo tsi yo? Ãa cuví. 21 Yooho, ña taahán tsi tyihi un tsi un tsihin tyiñu ihya. Tyin añima un ña vaha nuu Nyoo. 22 Ndu̱ uvi iñi cuhva tsicá iñi un, tyin cahnu xaan tsa caquiñi tsicá iñi un. Tan nda̱can tahvi tsi Nyoo na jaha ra tucahnu iñi tsi un tsa cuenda tsa tsicá iñi un tsitsi añima un. 23 Tyin nyehé yu tyin tsitsi añima un iyó cuaha tsa caquiñi tan nyiyo iñi un. Tan tsa caquiñi can ña tsahá coto un tsa vaha âcatyí ra Pedro tsihin ra Simón. 24 Tacan tan nacaha̱n ra Simón tan catyí ra: âNda̱can tahvi maa ndo tsi Jutu Mañi yo tsa cuenda yu, na ña quitsi tandɨhɨ tsa caahán un tsihin yu sɨquɨ yu âcatyí ra Simón tsihin ra Pedro. 25 Tsa yaha̱ can tan ra tava̱ tyiñu ra Jesús tsaha̱ cuenda ra naha tandɨhɨ tsa nyehe̱ ra naha tsa javaha̱ ra Cristo nu tsica̱ ra nu ñuhu ñayɨvɨ. Tan caha̱n ra naha tuhun Nyoo. Tacan tan cuanuhu̱ ra naha nda ñuu Jerusalén. Tan tandɨhɨ ñuu tsa cayucú Samaria nu yaha̱ ra naha jacoto̱ ra naha nácaa javahá yo tan cacu yo. 26 Tsa yaha̱ yacan tan caha̱n iin ángel Nyoo tsihin ra Felipe, tan catyí ra: âNdu̱vita tan cu̱hun cun ityi sur, ityi queé nda Jerusalén tan cuahán nda Gaza âcatyí ángel can tsihin ra. Yacan cuví ityi tsa yahá nu tsɨquɨ. 27 Tacan tan ra Felipe nduvita̱ ra tan cuahán ra. Tan ityi cuahán ra ñihi̱ tahan ra tsihin iin ra ñuu Etiopía. Tan cuví ra can eunuco [tyin ña cuví coo ñasɨɨhɨ ra]. Tan cuví ra iin ra cumí tyiñu cahnu ñuu Etiopía, tyin yɨhÉ¨Ì ndaha ra xuhun ña Candace, ñaha tsa cuví reina ñuu Etiopía can. Tan tsaha̱n ra Etiopía can tsijacahnu̱ ra tsi Nyoo nda ñuu Jerusalén. 28 Tan ityi cuanuhú ra nda ñuu ra nyaá ra sɨquɨ carreta ra. Tan cahví ra nu libru tsa tyaa̱ ra Isaías, ra cuví ndusu yuhu Nyoo taha̱n tsanaha. 29 Tacan tan Tatyi Ii Nyoo caha̱n tsihin ra Felipe: âNa̱tuhva nu carreta can. 30 Tan cuhva tsa natuhva̱ ra Felipe nu carreta can, tsiñi̱ ra tyin cahví ra Etiopía can nu libru tsa tyaa̱ ra Isaías. Tan tsica̱ tuhun ra Felipe tsi ra tan catyí ra: â¿A cutuñí iñi un tsa caahán tsi? âcatyí ra. 31 Tacan tan nacaha̱n ra Etiopía can tan catyí ra: â¿Nacaa cutuñi iñi yu tan yoñi jacuahá tsi yu? âcatyí ra tsihin ra Felipe. Tan tsica̱n ra tsi ra Felipe na ndaa ra tan cunyaa ra tsihin ra. 32 Tan nu cuahán cahví ra, catyí tsi tyehen: Tsahñi̱ ra naha tsi ra tumaa tuhvá ra naha tsahñí mbee ticatyi. Tyin tumaa ña tsacú mbee tatun cua xatya ra naha ixi tɨ, tan tumaa tsa ña tsacú tɨ tun cua cahñi ra naha tsi tɨ, tacan cuví ra can tyin nyehe̱ ra tundoho tan nduve náa caha̱n ra. 33 Janduluhlu̱ ra tsi ra nuu ra naha tan yoñi cuñí javaha iin tsa vaha tsihin ra. Tan tsa cuenda nyɨvɨ cuví tata ra, yoñi caahán tsa cuenda ñi. Tyin ña tsicoo̱ sehe ra tan tsihi̱ ra. Tacan catyí tsi nu tutu tsa cahví ra can. 34 Tacan tan ra Etiopía quitsaha̱ tsicá tuhun ra tsi ra Felipe, tan catyí ra: âJa̱ha tumañi iñi tsi yu, tan ca̱tyi tuhun un luxu tsihin yu, ¿yóo tuhun caahán ra ndusu yuhu Nyoo ihya? ¿A tuhun maa ra, o yóo tuhun caahán ra? âcatyí ra tsihin ra Felipe. 35 Tacan tan ra Felipe quitsaha̱ caahán ra sɨquɨ tuhun tsa tsa yaha̱ cahvi̱ ra can, tan tsaha̱ cuenda ra tsi ra tyin tuhun ra Jesús caahán ra ndusu yuhu Nyoo can. Tan tsaha̱ cuenda ra tyin ra Jesús cuví ra jacacú tsi yo. 36 Tacan tan tsa cua yaha ra naha nu yɨhÉ¨Ì ndutya. Tan ra Etiopía can quitsaha̱ caahán ra tsihin ra Felipe tan catyí ra: âIhya yɨhÉ¨Ì ndutya. ¿A ña cuvi coondutya yu ihya? âcatyí ra. 37 Tacan tan nacaha̱n ra Felipe tsihin ra Etiopía, tan catyí ra: âTatun tsinú iñi un tsihin tsa nɨɨ añima un, cuví coondutya un âcatyí ra tsihin ra. Tacan tan nacaha̱n ra can, tan catyí ra: âTsinú iñi yu tyin Sehe Nyoo cuví tsi ra Jesucristo âcatyí ra. 38 Tacan tan ra can caahán ra tsihin musu ra na jacuɨñɨ ra carreta can. Tan nduvi taahan ra naha nuu̱ ra naha. Tan quɨhvɨ̱ ra naha tsitsi ndutya. Tacan tan jacoondutya̱ ra Felipe tsi ra Etiopía. 39 Tan cuhva tsa quita̱ ra naha tsitsi ndutya can, tan Tatyi Ii Jutu Mañi yo naquihi̱n ra tsi ra Felipe. Tan ra Etiopía can ña nyehe̱ ra numaa ityi cuahán ra Felipe. Maa tyin sɨɨ xaan cuñí ra, cuanuhú ra. 40 Tan ra Felipe tsaa̱ ra ñuu Azoto. Tan cuahán ra tan iin tan iin ñuu, tan caahán ra tuhun ra Cristo tsihin nyɨvɨ nda cuanda tsa tsaa̱ ra ñuu Cesarea.