Mikunga 124

1 Mukunga ya kuyuluka. Mukunga ya Davidi. Kana Yave vwandaka ve na beto! Bika ti Isayeli kutuba yawu: 2 «Kana Yave vwandaka ve na beto!» Ntangu bantu telamaka samu na kunwanisa beto, 3 bawu zolaka kunda beto ya moyo, ntangu yina bawu kumaka na nkele ya kulutila samu na beto. 4 Na yina, nyamba ya maza zolaka nata beto, maza zolaka dyamisa beto. 5 Ya tsyelika, nyamba ya maza ya ngolo, nyamba yango zolaka dyamisa beto. 6 Nkembo na Yave! Yandi salaka ti beto kuvwanda ve mutindu madya na kati ya bayinwa ya bambeni. 7 Beto vuukaka mutindu ndeke yina me vuuka na mutambu ya bandeke. Mutambu zenganaka mpe beto vuukaka. 8 Lusalusu ya beto kele na Nkumbu ya Yave, yina yidikaka zulu na ntoto.