LINGE 114

1 Tana bona ra Israel tara sogha sania Egypt, nina kemana Jacob tara tona keha tana komu keha. 2 Na pari ni Judea te liliu ni bona tabu nina God, mi Israel te ghaha ga nina kinakabu. 3 na tahi te righira ge vilivoka, ge ra mina sogha halavu! Ighoe na beti Jordan, ge o tave pulohi. 4 Na lei ghotu tara soghasogha, vagha na beti te tipotipo, mana lei ghotu pile te vaghara na lei dale sheep. 5 Na hava te negho ighoe na Tahi Sisi ge o tave keha tana halautumu? ge o tave keha, ighoe na beti Jordan? 6 Ghau na lei ghotu, E ghua ge au soghasogha vagha na beti ni tipotipo? Mana lei ghotu pile vaghara na lei dale sheep. 7 Maramana, ko anuanu, tana matana Lord, mi tana matana God ni Israel. 8 Maia te liliua na vatu, ge liliu ni kolo ni beti, Eo, na vure ni beti te va mai tana vatu mauri.