LINGE 120

1 Ta nigua na lei vahola inau tu hea olia Lord, mu ngangaraha vania me bosa tughui nigua na kokoeliulivuti. 2 Lord, ko volau, tadira tara kikokiko maia tadira na vure gueloguelo. 3 Na hava God ke gonia vanigho ighoe na lapi sorisori? Ke savungighi vanigho nimua na vahaghitaili? 4 Ge va ke vuke potagho nia na kuali [vangalua/ghala] ni malaghai, me kere taghalaghinigho nia na vatu bera. 5 Inau tu vahaghitaili kolua Meshech te dika na gehegehena! Me vahaghitailiu ge ko kabu kolu tadira na vure ni Kedar. 6 Mu lugu tua na kabu iani, ighobudira na vure tara nia sika na mabo. 7 Ma vaniu inau, inau nina na mabo, tana bona tu kokoe, agaira tara gonidilaa ni kisu mate.