LINGE 54

1 Ko nia mai kolu na mana te laga, Ghe God, mo ko vavolau na levunimate! Ko pilupungisiu nia nimua na maana te laga. 2 Ghe God, ko rongoviu ta nigua na kokoeliulivuti. Ko kabu vaovarongo mai ta nigua na nongi papara. 3 Nia rana keha tu mua ghilalara tara liona na labuagu nia na lei totobo ni matemate; na lei mane laga tara liona na mateagu. A gaira tara totobo lee vamua itatana God. 4 Hauva ka, ma God a nigua na hahanga A gaia Lord te pangotiu ge u vola! 5 Ko nighi didira na lei padalaghi ni dika na ghagua na lei levunimate ge ke ririu pulohi vanira. ko gonia te vagha to nia baubahu tua mo ko soko laghinira. 6 Inau ku ni sukaghi nigua na hevei oli heghegu gatu vanigho. Inau ku holoutogho na ahamu, Ghe Lord nia te uto te vaghaa. 7 Nia ighoe ko vavolau ta nigua na lei vahola tara kauliu. Mo hangau ge ku laga vulera na lei ghagua na kana.