LINGE 98

1 Kau lingea na linge vaolu vania a Lord, gaia te goni sokoi na lei totobo haeharegha, ma nia nina maana mana laga heghena, ge lagavulea na maramana. 2 A Lord te bosa tatea nina laga vule, me ladavaghinia nina maana ni vola tadira na lei kema. 3 Gaia te pangotia so nina baubahu vanira na vure ni Israel, nia na kabu rurughu mana dolo vanira haia, na lei vure soko tara righia tua nina lagavule dida God. 4 Linge vania a Lord, na maramana talighu, holohabaa nia na lei linge mana ngingili rivurivu. 5 Linge holohaba vania a Lord, kau nighi tigitigi na ukalele mana gita. 6 Kau lovui na ghau mana tavuli, ma kau ngingili vania Lord na vunaghida. 7 Na tahi, ko tagumu, ma na lei totobo vola itamua, na maramana ko linge, ma gaira tara kabu itamua. 8 Ghau na lei beti tavetave mana lei ghotu, kau tapotapo limamiu ma kau linge koukolu nia na togotogo vania a Lord. 9 Na pukuna gaia ke mai me ke vunaghina na maramana kolura na lei vure ni maramana talighu nia na maemane mana utuni.