2 ቆሮንቶሳ 8

1 ኑ እሹን፥ ጾዚ መቀዶንያ የዘ ዎሳ ኬንስ እንግደ አ ኬሃትቶ ይን ኤሮደ ጋር ኑ ኮያነ። 2 ኡን ዳማ ማራ ፋታንንትዳ፥ የዝን ኡን ኡፋይስታ ዎልቃማ። ኡን ዳሃትትስ ዉዙላ ባያ፥ የዝን አ እንገራ ጋማ ዳልግዳ። 3 ኡን ፋ ዎልቂት ጋራን ፋ ዎልቂትፓ ኣዛኖ ካ እንግዳንስ ታ ማርካ። 4 ኡን ጾዝ አስ ማድዘ ሎኦ ኦቻ ኑራ ኦቾደስ ኮይ ኑና ጋማ ዎስዳ። 5 ኡን ኑኒ ቆፕዳንፓ አ ኦችዳ። ቲን ፋና ላስ እንግዳ፤ ካሊ፥ ጾዘ ቆፋ ጋር ኡን ፋና ኑስ እንግዳ። 6 Ꮉና ዳልጋ ኦችቶ አይክደ ትቶ ጉጂ ኦቾደ ጋራን ይንታና ማዲ፥ ይና ኦችቶ ፎልሳደ ጋር ኤዛ ዎስዳ። 7 የዝን ይን ኡባባዝተ፥ አማኖራ፥ ኦሄራ፥ ኤራትራ፥ ዳማ አሞራ፥ ኑና ሲቆራን ኡባባዝተ ዱርዳን ፋና Ꮉና ሎኦ ኦችተን ይን ዳልጋ ማቃደ ጋር ኑ ኮያነ። 8 ታኒ ይኖ ኪቶደስ ጋኦስ። የዝን መሉን ዳማ አሙቶ ይን ሲቆራ የል ብእ ይን አኮ ፋና ቱሮ የዛኮ ኤሮደስ ጋነ። 9 ይን ኑ ላ የሱስ ክርስቶሳ አ ኬሃትቶ ኤራነ። ክርስቶሳ ዱረ ማቂ በቲ፥ ይን ኤ ዳሃትተ ዱርደ ጋር ይን ግሾ ዳህዳ። 10 ታኒ Ꮉና ኦህተ ይንታና ማድዘ ዞረ ዞሮደስ ኮያነ። ይን ኦማ በረ እማደስ ጻላላ ማቅካይዝን ይኖ ኦቾደስ አሞትራን ይን ቲናነ። 11 ይን ኦቾደስ አይክደ ኦችቶ Ꮉተ ፎሎተ። ይን ይንትስ የዛን ጋር እንግኮ፥ ይና ይን እንጎደስ ቆፕዳኖ ቱሮ ማህነ። 12 ፈቲ አስ እንጎደስ አሙኮ፥ ኤ እሞታ ጾዘ ቲኖ ኤክንትዛና፥ ኤ ፋስ የዛን ፋና እንግኮ ፋትን ባይዘ ባዛፓ እንጎደስ ኡንእንትን ባያ። 13 ታኒ ይኖ ጋዛና፥ ይን ኡባና ፈቲ ልከ ማቃደ ጋር ጋእ ፋትን መሉን ማትፓ ሸምፕን ይን ማደ ጋር ባያ። 14 ይን ማዘ ዎደ ኡንትስ ጋንግዳንፓ ይን ማትስ ማቃደ ፋና Ꮉተ ይንትስ ጋንግዳና ኡን ማትስ ፌዣነ። ይኒ ፋና ይን ግዳ ዎልከ ማቃዳ። 15 ጌሽ ማጻፍተ፥ «ጋማ ሺሽደስ ትርፍካያ፤ ኤራ ሺሽደስ ፋጭካያ» ጋእንት ጻፍንትዳን ጋር። 16 ኑ ይንትስ ቆፕዛንጋራ ትቶን ይንትስ ቆፖደ ጋር ኦችደ ጾዘ ጋላትንቶ። 17 ትቶ ይንታጎ Ꮉንግዳና፥ ኑ ኤዛ ደንደ ግሾ ጻላላ ማቅካይዝን ኤ ፋ ቆፍተ Ꮉማደስ አሙደ ግሾ። 18 ዎንገለ ማርክራ ዎሳ ኬ ኡባነ ጋማ ኤርንትደ እሻ፥ ኑኒ ትቶራ ዳካነ። 19 ይንላ ኑኒ Ꮉና ዳልጋ እሞትቶ ካንግዘ ዎደ ኑራ Ꮉማደ ጋር Ꮉና ዳልጋ ኦችትራ ላ ቦንቾደስን መሉንና ማዶደስ የዘ አሙቶ ቤሳደስ ኤ ዎሳ ኬተ ዶርንትዳ። 20 Ꮉና እንግንትደ ዳልጋ እሞትቶ፥ ኑ ኦቻላ ፌሽዘ ዎደ ኑና ቦራመ ፋና ናግንቶዳ። 21 ኑኒ ላ ቲኖ ጻላላ ማቅካይዝን አስ ቲኖን ሎኦ ማቅደ ባዝ ኦቾዳ። 22 ማህ ጋማ ዎደ ፋታና ግዳ ሚንግ አደ ኑ እሻ፥ ኡንታራ ይንታጎ ክትዳ። ኤ ይንግዳ ሎይ አማንንትዘ ግሾ Ꮉተ ይንታና ማዶደስ ጋማ አሙነ። 23 ትቶባዝ ኤሮደስ ኮይዛኮ፥ ኤ ይንታና ማዶደስ ታራ ኦችዘ ታ ኦቻ ላገ። መለ እሹንባዝ ማቅኮ ዎሳ ኬን ኪትዱንና፤ ማህ አሱን ኡን የስቶ ብእ ክርስቶሳ ቦንቻነ። 24 ይኒ ግሾ፥ ዎሳ ኬታ ይን ሲቅቶን ኑ ይንታና አማንንትዛና ቱሮ ማቅዳኖ ቤሳደስ ይን ሲቅቶ Ꮉን አሱንና ቤዞተ።