ማቶሳ 16

1 ፋርሳዉንን ሳዱቃዉን የሱሳጎ ይእዳ። ኤዛ ፋታኖደስ ኮይ፥ ፋና ሳሎፓ ማላ ቤዞ ጋእ ኦጭዳ። 2 የዝን ኤ ኡንታጎ፥ «ሳአ ኡጉርዘ ዎደ ‹ሳሎ ዞቂደ ግሾ ዎንታ አዎዳ› ያጋነ። 3 ዎንትዘ ዎደ፥ ‹ሳሎ ዞቂ ንደ ግሾ እራ ቡኮዳ› ያጋነ። ዬዝን ይን ሳሎ ማላ ብእ ኤራነ፥ የዝን ዎደ ማላ ኤሮደስ ዳንዳእካያ። 4 ኢታን አማንንቶሰ የለቱን ማላ ኮያነ። የዝን ኡንትስ ዮናሳ ማላፓ መለ ማላ እንግንቶስ» ያጋይዳ። ይንፓ ሱባ፥ ኡንታና እዘ አሺ መለ በሳ ቅትዳ። 5 ኡን አባፕ ጎደ ፍን ፊንግደ ዎደ ዳቦ ኤኪ ዮኦዳኖ ቦትዳ። 6 የሱሳ ኡንታጎ፥ «ፋርሳዉንፓን ሳዱቃዉን እርሾፓ ናግንቶተ» ያጋይዳ። 7 ኡንትን ፋ ግዳ፥ «ኤ ይኖ ጋይዳና ኑ ዳቦ ኤኪ ይእካይዘ ግሾ ማቃዳ» ያጋይዳ። 8 የሱሳ ኡን ቆፍቶ ኤሪ፥ «ይን፥ አማኖ ፋጨዙን! ዳቦ ኤካንጽ ይእደ ግሾ ዎል ግዳ አኮስ ኦህንተ? ጋእ ኦጭዳ። 9 Ꮉተን ይን ቲሮስተ? እችን ሙኩል አሱን እችን በሸ ቦራ ግሽዳኖን ኡን ሙእ ምዥን ይን ዋን ሌማተ ኩሙ ደንዛኮ ቦትዳተ? 10 ይኒ ጋራን፥ ላፑን ቦራ ኦይዲ ሙኩል አሱንስ ግሽዳኖ ኡን ሙእ ምዥን፥ ይን ዋን ሌማተ ኩሙ ደንዛኮ ቲሮስተ? 11 ይኬ፥ ታኒ ፋርሳዉንን ሳዱቃዉን እርሾፓ ናግንቶተ ጋእ ኦህዛና ዳቦ ባዝ ማቆሳኖ ቲሮስተ?» ያጋይዳ። 12 ዬዝን፥ ኤ ታማሩን የሱሳ ኦህዘ ቡካ ደንደስ ኦልንትዘ እርሾባዝ ማቅካይዝን ፋርሳዉንን ሳዱቃዉን ትምርተፓ ናግንቶደ ፋና ማቅዳኖ ቲርዳ። 13 የሱሳ ቂሳርያ ፍልጶሳ ሳአ የልደ ዎደ ፋ ታማሩንጎ፥ «አሱን፥ አስ ናአያ ኦና ጋኤ?» ያጋእ ኦጭዳ። 14 ኡን፥ «ፈተ ፈተ ጻማቅዘ ዋሐንሳ፥ መሉን ኤልያሳ ማህ Ꮉንኩን ኤርምያሳ ዎይ ናቡንፓ ፈታ ጋነ» ያጋይዳ። 15 የሱሳ ማህ፥ «ዬዝን፥ ይን ታና ኦና ጋኤተ?» ጋእ ኡንታና ኦጭዳ። 16 ስሞን ጴጥሮሳ ማህ፥ «ኔኒ ክርስቶሳ፥ ደኦ ጾዘ ናአ» ያጋይዳ። 17 የሱሳ ጴጥሮሳጎ፥ «ዮና ናአ ስሞና፥ ነ አንጅንትዳያ! Ꮉኖ ኔስ ቆንጭዝደ ሳሎ የዘ ታ አዳያፕ አትን አስ ባያ። 18 ታ ኔስ ኦህነ ጴጥሮሳ፥ ነ ላላ! ታኒ Ꮉይ ላልዘላ አፋ ታ ዎሳ ኬ ኬጾዳ። ጋናመ ዎልቃን እዞ ጋሞስ። 19 ሳሎ ካእቱሞ ቁልፈ ታ ኔስ እንጎዳ። ሳአ ነ አጭደባዝ ኡባ ሳሎ ጾዘ ካለ አጭንትደባዝ ማቃዳ። ሳአ ነ ብልደ ባዝ ኡባ ሳሎ ጾዘ ካለ ብልንትደባዝ ማቃዳ» ያጋይዳ። 20 ይንፓ ሱባ፥ ኤ፥ ክርስቶሳ ማቅዳኖ ኦደስን ኦሃመ ፋና ፋ ታማሩንስ ምን ኪትዳ። 21 ይና ዎድትፓ ደን የሱሳ ፋ ታማሩንስ፥ «ታኒ የሩሳላመ Ꮉንጎደስ ቤዛነ። የይጋ ዎርዣ ጭሙን፥ ካህኑን Ꮉላቁንን ህገ አስታማሩን ኩሸ ማ ኤኮደስ ቤዛነ። ኡን ታና ዎዳ፥ የዝን ታኒ Ꮉይን ቃማ Ꮉይቆፓ ደንዶዳ» ያጋእ ቆንጭዝዳ። 22 ጴጥሮሳ የሱሳ ጋጻ ኬሲ፥ «ላ፥ ይኒ ፋና የዘ ባዝ ነና ሙሎን የልፐ!» ያጋእ ካጭዳ። 23 የሱሳ ጴጥሮሳጎ ሱብ ማቂ፥ «Ꮉይ ጻላህዛዮ፥ ታፓ Ꮉኮ! ኔኒ አስ ቆፋ ቆፓነፕ አትን ጾዘ ቆፋ ቆፖሰ ግሾ ታስ በ ማቃነ» ያጋይዳ። 24 ይንፓ ሱባ፥ የሱሳ ፋ ታማሩንጎ፥ «ኦደን ታና ካሎደስ ኮይዘ ባዝ ማቅኮ ፋና ካዶ፥ ፋ ማስቃልቶ ቶኪ ታና ካሎ። 25 ፋ ሸምፕቶ አሾደስ ኮይዘ ኡቡን ብሶዳ። የዝን ፋ ሸምፕቶ ታ ግሾ ጋእ አ እንግዘ አሾዳ። 26 አሲ አላመ ኩሙ ፋ ባዝ ማህ፥ ፋ ሸምፕቶ ብስኮ ኤዛ አኮ ማደ? ዎይ አሲ ፋ ሸምፕቶ ዎዞደስ አክ እንጎደስ ዳንዳኤ? 27 አስ ናአ ፋ አዳይ ቦንቾራ ፋ ኪታንቹንራ ዮኦዳ። የ ዎደ ፈቲ ፈቲ አስ ኤ ኦችት ፋና እንጎዳ። 28 ታ ቱሮ ኦህነ፤ አስ ናአ ፋ ካእቱሞ ቦንቾራ ማቂ ዮኦደራ በአደ ዎንስ Ꮉነ ኤቅደ አሱንፓ Ꮉይቃሙን የነ» ያጋይዳ።