SALMOS 43

¹ Tayta Dios alli arriglamay ari. Mana rispitashoj runacunachöga faburnë caycuy ari. Fiyu runacunapita llulla runacunapitaga salbamay.

² Imapitapis chapämaj Diosnë, ¿imanirtaj ñaupayquipita gargamashcanqui? ¿Imanirtaj llaquisha purëman? ¿Imanirtaj chiquimajcunapis ñacaycächiman?

³ Achquipaycamay, alli ricaycamay. Tiyaycashayqui rispitädu Sión lömaman chayaycachimay ari.

⁴ Chaynöpami altarniquiman chayashaj. Chaychönami alabashayqui arpanpawan. Tayta Diosnë, gammi sumaj cushicachimanqui.

⁵ ¿Imanirtaj yarpachacushaj? ¿Imanirtaj llaquicushaj? Tayta Diosmanmi yäracuycä. Payllatami alabashäpis. Paymi Salbamaj Diosnëga.