SALMOS 54

¹ ¡Tayta Dios, salbaycamay ari! Munayniyoj cayniquiwan chapaycamay ari.

² Tayta Dios, wiyaycuy ari mañacamushäta. Quijacamushäta wiyaycamay ari.

³ Jäpa runacunami conträ ricacusha. Fiyu runacunami wañuchimayta munaycäman. Chay runacunaga manami yäracushunquichu.Selah

⁴ Chaypis Tayta Dios yanapaycämanquimi; cawaycächimanquirämi.

⁵ Gammi camacächinquipaj chiquimajcuna mana allita ruramashan quiquincunaman chayananpaj. Tayta Dios, chiquimajcunataga illgarachiy ari.

⁶ Noganami llapan buluntänëpa ofrendata garashayqui. Gam alli cashayquipita alabashayqui.

⁷ Gamga llapan llaquicuypitami jorgamashcanqui. Llapan chiquimajcuna mana alliman chayajtapis ricachimashcanquimi.