SAN JUAN 8
TBL1 Fariseo runakuna wasinkunaman kutiptinkuna Jesuska Olivos urkuman rirkan. 2 Kayantin diya pakariykaptin Tata Diospa wasinman ñukaykunawan kutirkan. Chaypi kaptin aypa runakuna laduncharkansapa. Jesuska tiyarishpa kallarirkan paykunata yachachiysapata. 3 Chaypi yachachikuykaptin Moisespa killkadunta yachachikuk runakunawan fariseo runakuna suk warmita pusharkansapa. Payta chay runakunapa chawpinkunapi churarkansapa. Chay warmitaka tarirkansapa chikan ullkuwan uchallikuykaptin. 4 Chaypina Jesustaka willarkansapa: âMaestru, kay warmita tarishkanisapa chikan ullkuwan uchallikuykaptin. 5 Moisespa killkadunpi yachachiwanchi kay laya warmikunata ruminchashpa wañuchinanchipa. ¿Ima ninkità kanka? Ariya ¿wañuchishunchisapachu? 6 Chayta tapushpa chay runakunaka munarkansapa pantachishpa Jesusta chatakuyta. Chashna tapuptinkuna Jesuska mana nimata aynishpa kumurayashpa allpapi dedunwan killkakurkan. 7 Chashna killkakuykaptin chay runakunaka kuti kuti tapuykarkansapa. Chaypina Jesuska kuskayashpa paykunata willarkansapa: âMaykan mana uchayuk kashpaykichika kallariychi kay warmita ruminchayta. 8 Chashna rimashpa Jesuska kashkan kumurayashpa allpapi killkakurkan. 9 Chaypina tukuy paykuna uchankunata yuyamushpankuna sukmanta sukmanta llukshirkansapa. Ashwan vieju runakuna kallarirkansapa llukshiyta. Chaymanta viejukunata katishpa tukuyna llukshirkansapa. Tukuy chay runakuna llukshiptinkunana Jesuska chay warmiwan kiparirkan. 10 Chaypina Jesuska kuskayamushpa tapurkan: â¿Maytanatà chay chatashuk runakunaka rishkasapa? ¿Manachu niman suk animukushka ruminchashuyta? 11 Chashna tapuptin chay warmika aynirkan: âMana ni maykan, Señor. Chaypina Jesuska willarkan: âÃukapish mana kastigaykichu. Kunan wasikiman rillay. Amana kashkan uchallikuynachu. 12 Jesus kashkan chay runakunata yachachishpa willarkansapa: âÃukaka tukuy runakunapa lusninshinami kani. Ãukata katiwashpaykichi manana tutapishinanachu purinkichi. Katiwaptikichi yachachiykichi allita rurashpa Tata Dioswan luspishina kawsanaykichipa. 13 Chashna Jesus willaptinkuna fariseo runakunaka willarkansapa: âKikikilla rimaykanki lus kanaykita. Kanlla chayta rimaptiki mana kreyiykisapachu. 14 Chaypina Jesuska willarkansapa: âKankunaka mana yachankichichu maymantami shamushkani nima maymanmi rini nishpa. Ãukaka allita yachani maymantami shamushkani maymanmi rini nishpa. Chayrayku kikinipa rimanaynika allimi. 15 Kankuna kikikichipa yuyaynikichillamanta chatawayllapi purinkichi. Ãukaka manami kankunashinachu ni pita chataykani. 16 Ãukaka chatakushpaynika kuskanpi chatakuni. Mana sapallaynillachu chatakuni. Kachamuwak Tatayni Dioswan pakta chatakuni. 17 Kankunapa killkaduykichipi yachachishunkichi: Suk runa suk mana alli rurak runata kankunapi chataptin sukllalla chatakuk runata ama kreyiychichu. Ishkay runakuna idenllata chatakuptinkuna chaypira kreyiychi. 18 Ãuka rimani alli yachachikuk kanaynita. Chaymanta kachamuwak Tataynipish idenllata riman. Chashna Tatayniwan ñuka idenllata yachachikuptinikuna kankuna kreyiwanaykichi tiyan. 19 Chashna Jesus willaptinkuna chay runakunaka tapurkansapa: â¿Maypità tataykika? Chaypina Jesuska aynirkansapa: âKankunaka ñukata manami riksiwankichichu. Nima Tataynitapish riksinkichichu. Ãukata riksiwashpaykichika Tataynitapish riksinkichiman. 20 Jesus chaykunata yachachikurkan Tata Diospa wasinpi ofrendakuna churanankuna kajonkunapa ladunpi. Chashna yachachikuptinpish manara ni pi animukurkanrachu apiyta manara oran kaptin. 21 Chashna manara apiyta animukuptinkunara Jesuska kashkan yachachikushpa willarkansapa: âÃukaka kankunamanta anchusha. Chashna anchuptini maskawankichi. Kankunaka mana kreyiwashpaykichika uchaykichipi wañunkichi. Chayrayku mana atipankichichu chay rinayniman chayayta. 22 Chashna Jesus rimaptin chay runakunaka willanakurkansapa: âIchará kikin wañuchinakunayan. Chayrayku willawanchisapa mana atipananchikunata chay rinanman chayayta. 23 Chashna willanakuptinkuna Jesuska willarkansapa: âKankuna kay allpallapi wañuk runakuna kankichi. Ãuka sielumanta shamushkani. Kankuna uchalla runakuna kankichi. Ãukaka manami kankunashina ucha rurak runachu kani. 24 Chayrayku willashkaykichina uchaykichirayku wañunaykichita. Ãuka Tata Diosmanta shamudu runa kanaynita mana kreyiptikichi uchaykichipi wañunaykichi tiyan. 25 Chashna Jesus yachachikuptin chay chiknik runakuna tapurkansapa: â¿Pità kanki? Chaypina Jesuska aynirkansapa: â¿Imapatà kashkan tapuwankichi? Kallarinanmantapacha willashkaykichina. 26 Tiyanra aypa layata willanaynipa aypa mana alli rurashkaykichita chatanaynipa. Kankuna mana kreyiwaptikichipish kachamuwak Tatayni yachachiwashkanta kankunata yachachiykaykichi. Payka sukaman allima kashpa mana nima llullakunchu. 27 Chashna Jesus allita yachachiptinkunapish chay chiknik runakunaka mana entiendirkansapachu Tatan Diosmanta shamushkanta. 28 Chayrayku Jesuska willarkansapa: âKankuna suk kruspi chakatawashpaykichira yachankichi sielumanta shamudu runa kanaynita. Ãuka mana kikinipa yuyayninitachu rurashpa kawsani. Tata Dios yachachiwashkanllatami yachachiykaykichi. 29 Kachamuwak Tatayni ñukawan tantalla kawsan. Payka manami sakiwanchu paypa munananllata ruraptini. 30 Chashna Jesus yachachikuptinna aypa runakuna kreyirkansapa Tata Diosmanta shamudu runa kananta. 31 Chaypina Jesuska chay kreyik runakunata yachachirkansapa: âKankuna yachachikushkaynita allita kreyishpa kawsashpaykichika deverasmi disipuluynikuna kankichi. 32 Chaypira yachankichi kuskanpi yachachikushkaynita. Chaymanta yachachikushkaynita kreyishpaykichi mananami ñawpashina uchallikushpaykichinachu kawsankichi. Mananami patronpa mandunpishinanachu kawsankichi. 33 Chaypina chay mana kreyinayak runakunaka willarkansapa: â¿Imapatà willawankisapa ñukaykuna iden patronpa mandunpishina kanaynikunata? Ãukaykunaka ñawpa awiluynikuna Abrahampa mirakninmi kanisapa. Chayrayku mana ni pipa mandunpichu kanisapa. 34 Chaypina Jesuska willarkansapa: âAllita uyariwaychi. Kankuna uchasapa runakuna kashpaykichi mana atipankichichu allita rurashpa kawsayta. Chayrayku patronpa mandunpi runakunashina kankichi. 35 Patronpa mandunpi kawsak runakuna mana tukuy tiempuchu chaypi kawsansapa. Patronpa wambrankunallami wasinpi kawsansapa. Kankuna munanaykichillata rurashpa manami Tata Diospa wambrankunachu kankichi. 36 Ãuka Tata Diospa wambran kashpayni atipani yanapaynikichita amana uchallikushpa kawsanaykichipa. Chashna yanapaptinira atipankichi allita rurashpa kawsayta. Chaypirami manana patronnikichipishinanachu kawsankichi. 37 Abrahampa miraknin kashpaykichipish mana willashkaynita chaskinkichichu. Chayrayku wañuchiwanayaykankichi. 38 Ãukami Tatayni yachachiwashkanta yachachikuni. Kankunapish tataykichi willashushkankunata ruraykankichi. 39 Chashna Jesus willaptinkuna chay runakunaka willarkansapa: âÃukaykunapa tataynikunaka Abrahammi. Chaypina Jesuska willarkansapa: âAbrahamka allillata rurashpa kawsarkan. Kankuna deveras paypa miraknin kashpaykichika payshina allillata rurashpa kawsankichiman. 40 Mana kankunashinachu Abrahamka rurarkan. Ãuka Tata Dios yachachiwashkanta yachachiykaptinipish kankunaka wañuchiwanayankichi. 41 Kankuna chikan tatayuk kankichi. Chay tataykichipa mana alli rurananta kankunapish rurashpa kawsaykankichi. Chashna Jesus willaptinkuna chay runakunaka piñakushpa willarkansapa: âManami chikan tatayukchu kanisapa. Ãukaykunapa tataynikunaka Tata Diosllami. 42 Chashna willaptinkuna Jesuska willarkansapa: âKankuna deveras Tata Diospa wambrankuna kashpaykichika ñukata kuyawankichiman. Tata Dios kachamuwashka kaptin kay allpaman shamushkani. Manami kikinipa yuyayninillamantachu shamushkani. 43 Ãuka yachachikuptini kankunaka mana kreyiwanayankichichu. Chayrayku mana atipankichichu rimanaynita entiendiyta. 44 Supayta uyarishpa munananllata rurashpa kawsankichi. Chayraykumi supayka tataykichi. Paypa mandunpi kawsaykankichi. Supayka kallarinanmantapacha wañuchikukmi. Sukaman llulla likidu kashpa sukaman llullachikuypi purin. Manami niman suk kuti kuskatachu riman. Kikinllamanta llullakushpa riman. Payka llullallata yachachikun. 45 Ãuka kuskata yachachikuptinipish kankunaka manami kreyiwankichichu. 46 Ãukami allillata rurashpa kawsaykani. ¿Maykan kankunatà willawankichi uchayuk kanaynita? Ãuka mana llullakushpa kuskata yachachikuptini ¿imapatà mana kreyiwankichi? 47 Kankuna Tata Diospa wambrankuna kashpaykichika paypa rimananta uyarinkichiman. Mana Tata Diospa wambrankuna kashpaykichi rimananta mana kasunayankichichu. 48 Chashna Jesus willaptinkuna chay runakunaka sukaman piñakushpa willarkansapa: âKuskata rimashkanisapa samaritano runa kanaykita. Supayadumi kanki. 49 Chaypina Jesuska willarkansapa: âManami supayaduchu kani. Tatayni Diosta kushichishpalla kuyani. Payta allita kuyaptinipish kankuna mana kreyiwashpa mana nimatashina kawawankichi. 50 Mana allita yuyawaptikichipish ñukapa mana nimananchu. Tatayni Dios sukaman munan kankuna kuyawanaykichipa. Mana kuyawashkaykichirayku payka kastigashunkichi. 51 Mash allita uyariwaychi. Tukuy ñukapa yachachikunaynita kasushpa kawsak runakuna manami wañunkasapachu. 52 Chashna Jesus rimaptinna chay chiknik runakunaka willarkansapa: âKunanka ñami allitana yachanisapa supayadu kanaykita. Ãawpa kawsak awilunchikuna Abrahamka tukuy ñawpa alli yachachikuk runakunapish wañurkansapa. ¿Imapatà rimanki tukuy yachachikunaykita kasushpa kawsak runakuna mana wañunankunata? 53 Ariya ¿ñawpa tiempu kawsak awilunchikuna Abrahammanta ashwan alli yachakchu kanki? Payka wañurkan. Chaymanta tukuy ñawpa alli yachachikuk runakunapish wañurkansapa. ¿Ima laya runa kanaykitatà yuyanki? 54 Chashna willaptinkuna Jesuska willarkansapa: âKankunaka mana entiendiwaykankichichu. Manami kikinillachu alabanakuni. Kikinilla alabanakushpaynika mana allitachu rimayman karkan. Tataynimi ñukata alabawan. Kankuna rimankichi ñukapa Tatayni kankunapapish Diosnikichi kananta. 55 Chashna rimashpaykichipish manami paytaka riksinkichichu. Ãukami esika allita riksini. Tata Diosta mana riksinaynita rimashpaynika ñukapish kankunashina llullakuk runa kayman. Tata Diosta allita riksishpayni rimananta allita kasuni. 56 Kankunapa ñawpa awiluykichi Abrahamka kushikurkan yachashpa ñuka sielumanta shamunaynita. Chaymanta shamunaynita kawashpana sukaman kushikurkan. 57 Chashna Jesus willaptinkuna chay chiknik runakunaka willarkansapa: âLlullakuykankimi. Ãami aypa watakunana awilunchi Abraham wañushkan. Kanka manara nima pichka chunka watayuk kashpaykira ¿imapati rimanki Abrahamta riksishkaykita? 58 Chashna willaptinkuna Jesuska willarkansapa: âMash allita uyariwaychi. Manarapish Abraham tiyaptinra ñukami ashwan ñawpamantapacha kawsaykani. 59 Chashna Jesus willaptinkuna chay runakunaka sukaman piñakushpankuna rumikunata apirkansapa ruminchanankunapa. Ruminchanayaptinkuna Jesuska chay aypa runakuna ukunpi pakakushpa Tata Diospa wasinmanta llukshirkan.