إِزهِّيذنْ 23

1 أَزهّذْ ن ذَاوُوذْ. سِيذِي ذ أَمكْسَاوْ إِنُو، وَارْ خَافِي إِتّكّْ شَا زّْعَافْ. 2 نتَّا إِسَّاريَّاحْ أَيِي ذِي دّْمَانِي ن ثَاروْسَا إِزِيزَاونْ، إِندّهْ أَيِي غَارْ وَامَانْ يَارْسَانْ. 3 نتَّا إِسّْفَاقَا ڒعْمَارْ إِنُو، إِندّهْ أَيِي ذِي ڒَاثَارَاثْ ن ثْسڭْذَا ذِي طّْوعْ ن يِيسمْ نّسْ. 4 وَاخَّا ڭُّورغْ ذِي ثغْزُورْثْ ن ثِيڒِي ن ڒْموْثْ، وَارْ تّڭّْوْذغْ زِي ڒْغَارْ، مَاغَارْ شكْ أَكِيذِي. أَعكَّازْ نّشْ ذ ثَاغَّارْشْثْ نّشْ سّْفوَّاجنْ خَافِي. 5 ثسّوْجَاذذْ طَّابْڒَا إِنُو زَّاثْ إِ وُوذمْ ن يِينِّي ذ أَيِي إِحصَّارنْ. ثْذهّْنذْ أَزدْجِيفْ إِنُو س زّشْثْ، ڒْْكَاسْ إِنُو إِفيّضْ. 6 إِوَا، ڒْخِيرْ ذ ثْمخْسِيوْثْ إِشوَّارنْ أَذْ أَيِي ضْفَارنْ، مَارَّا ؤُسَّانْ ن ثُوذَارْثْ إِنُو، نشّْ أَذْ زذْغغْ ذِي ثَادَّارْثْ ن سِيذِي، أَڒْ أَنڭَّارْ ن وُوسَّانْ.