إِزهِّيذنْ 43

1 مِينْ إِقِّيمنْ ن ؤُزهّذْ 42 أَغْ أَيِي ثَاسْغَارْثْ، أَ أَربِّي، نْذهْ دّعْوثْ إِنُو. فكّْ أَيِي زڭْ إِجّْ ن ڒْڭنْسْ وَارْ ذَايسْ بُو ثْمخْسِيوْثْ، زڭْ ورْيَازْ ن ثحْرَايْمشْثْ ذ دّدْجْ. 2 أَقَا شكْ ذ أَربِّي ن جّهْذْ إِنُو، مَايمِّي خنِّي ذ أَيِي ثنْضَارذْ؟ مَايمِّي ڭُّورغْ ذڭْ ورُّوضْ ذ أَبَارْشَانْ زِي سِّيبّثْ ن دّدْجْ ن ڒعْذُو؟" 3 سكّْ-د ثَافَاوْثْ نّشْ ذ ثِيذتّْ نّشْ، مَاحنْذْ أَذْ أَيِي ڭوّْذنْثْ، أَذْ أَيِي نذْهنْثْ غَارْ وذْرَارْ نّشْ إِقدّْسنْ ؤُ غَارْ ثْزذِّيغِينْ نّشْ، 4 أَڒَامِي إِ غَا د-أَسغْ غَارْ ؤُعَالْطَارْ، ڒْمذْبحْ ن وشْمَاضْ ن أَربِّي، غَارْ أَربِّي ن ڒفْرَاحثْ، ونِّي ذ أَرْشقْ إِنُو. نشّْ أَذْ شكْ قَاذِيغْ س ڒْڭَامْبْرِي، أَ أَربِّي، أَربِّي إِنُو! 5 أَ ڒعْمَارْ إِنُو، مَايمِّي ثْقنْضذْ أَمُّو، ثْهكّْوڒذْ ذَايِي؟ رَاجَا أَربِّي، مَاغَارْ أَذْ ث قَاذِيغْ عَاذْ خْ إِسنْجَامنْ إِ د-إِتّفّْغنْ زِي زَّاثْ ن وُوذمْ إِنُو، ؤُ زِي زَّاثْ ن أَربِّي إِنُو.